ಬಾಲಿವುಡ್ ನಟಿ ವಮಿಕಾ ಗಬ್ಬಿಗೆ 2026 ಗೋಲ್ಡನ್ ವರ್ಷವಾಗಿದೆ. ಈಗಾಗಲೇ ಈ ವರ್ಷದ ಮೊದಲರ್ಧದಲ್ಲಿ ಅವರ ಹಿಂದಿಯ ‘ಭೂತ್ ಬಂಗ್ಲಾ’, ‘ಪತಿ ಪತ್ನಿ ಜೌರ್ ವೋ ದೋ’ ಹಾಗೂ ತಮಿಳಿನ ‘ಡಿಸಿ’ ರಿಲೀಸ್ ಆಗಿವೆ. ಇನ್ನು ಉಳಿದ ಐದು ತಿಂಗಳಲ್ಲಿ ನಟಿಯ ಐದು ಸಿನಿಮಾಗಳು ರಿಲೀಸ್ ಆಗುತ್ತಿರುವುದು ವಿಶೇಷ. ಹಿಂದಿಯ ‘ಪ್ರಹಾರ್: ದ ಉಜ್ವಲ್ ನಿಕ್ಕಂ ಸ್ಟೋರಿ’, ‘ಕುಕು ಕೀ ಕುಂಡ್ಲಿ’, ತೆಲುಗಿನ ‘ಜಿ2’, ಮಲಯಾಳಂನ ‘ಟಿಕಿ ಟಕಾ’, ತಮಿಳಿನ ‘ಜೆನಿ’ ಶೂಟಿಂಗ್ ಮುಗಿಸಿದ್ದು ಇದೇ ವರ್ಷ ಬಿಡುಗಡೆಯಾಗಲಿವೆ. ಇನ್ನು ಪಂಜಾಬಿ ಸಿನಿಮಾ ‘ಕಿಕ್ಲಿ’, ತಮಿಳಿನ ‘ಇರವಕಾಲಂ’ ಹಾಗೂ ಹಿಂದಿಯ ‘ದಿಲ್ ಕಾ ದರ್ವಾಜಾ ಖೋಲ್ ನಾ ಡಾರ್ಲಿಂಗ್’ ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. ಈ ಮಧ್ಯೆಯೇ ಅವರು ‘ಜೈ ಹನುಮಾನ್’ ಚಿತ್ರಕ್ಕೆ ಸಹಿ ಮಾಡಿದ್ದಾರೆ.
