‘ಹಿಟ್ ಆಗುತ್ತೆ ಅಂದುಕೊಂಡ ‘ಟಾಕ್ಸಿಕ್’ ಸೋತಿದೆ’... ನಯನತಾರಾ ಬಿಚ್ಚಿಟ್ಟ ಶಾಕಿಂಗ್ ಸೀಕ್ರೆಟ್! Toxic Hit-Flop Secret

Nayanthara on Toxic: ಸೌತ್ ಸಿನಿಮಾದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿರುವ ಲೇಡಿ ಸೂಪರ್‌ಸ್ಟಾರ್ ನಯನತಾರಾ ಈಗ ತಮ್ಮ ಸಿನಿಮಾ ಜರ್ನಿ, ಪಾತ್ರಗಳ ಆಯ್ಕೆ ಮತ್ತು ಸಿನಿಮಾಗಳ ಸೋಲಿ-ಗೆಲುವುನ ಬಗ್ಗೆ ಮನಬಿಚ್ಚಿ ಮಾತಾಡಿದ್ದಾರೆ. 80ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರುವ ನಯನತಾರಾ, ಇತ್ತೀಚೆಗೆ ಯಶ್ ಅಭಿನಯದ ‘‘ಟಾಕ್ಸಿಕ್’ ಸಿನಿಮಾದಲ್ಲಿ ಗಂಗಾ ಪಾತ್ರದಲ್ಲಿ ಮಿಂಚಿದ್ದಾರೆ.

‘ಟಾಕ್ಸಿಕ್’ನಲ್ಲಿ ಯಶ್ ಜೊತೆಗೆ ಕಿಯಾರಾ ಅಡ್ವಾಣಿ, ತಾರಾ ಸುತಾರಿಯಾ, ಹುಮಾ ಖುರೇಷಿ, ರುಕ್ಮಿಣಿ ವಸಂತ್ ಸೇರಿದಂತೆ ದೊಡ್ಡ ತಾರಾಬಳಗವೇ ಇದೆ. ಇಂತಹ ಮಲ್ಟಿಸ್ಟಾರ್ ಸಿನಿಮಾಗಳಲ್ಲಿ ತಮ್ಮ ಪಾತ್ರದ ಸ್ಕ್ರೀನ್ ಸ್ಪೇಸ್ ಬಗ್ಗೆ ತಲೆಕೆಡಿಸಿಕೊಳ್ಳಲ್ಲ ಅಂತ ನಯನತಾರಾ ಹೇಳಿದ್ದಾರೆ. ‘ಸೋಲೋ ಸಿನಿಮಾ, ಮಲ್ಟಿಸ್ಟಾರ್ ಸಿನಿಮಾ ಅಂತ ನಾನು ನೋಡಲ್ಲ. ನನ್ನ ಪಾತ್ರಕ್ಕೆ ಕಥೆಯಲ್ಲಿ ಏನಾದ್ರೂ ಅರ್ಥಪೂರ್ಣ ಕೊಡುಗೆ ಇದೆಯಾ ಅನ್ನೋದು ನನಗೆ ಮುಖ್ಯ. ಕಥೆ ಇಷ್ಟ ಆಯ್ತು, ಪಾತ್ರಕ್ಕೆ ಉದ್ದೇಶ ಇದೆ ಅನ್ನಿಸಿದ್ರೆ ಸಾಕು’ ಅನ್ನೋದು ನಯನತಾರಾ ಮಾತು.

ಟಾಕ್ಸಿಕ್ ಸಿನಿಮಾದಲ್ಲಿ ತಮ್ಮ ಗಂಗಾ ಪಾತ್ರದ ಬಗ್ಗೆ ಮಾತನಾಡಿರುವ ನಯನತಾರಾ, ಇದು ಕೇವಲ ಗಟ್ಟಿಯಾದ ಮಹಿಳಾ ಪಾತ್ರವಲ್ಲ. ಅದರ ಹಿಂದೆ ಸಾಕಷ್ಟು ಭಾವನೆಗಳಿವೆ ಎಂದಿದ್ದಾರೆ. ‘ಗಂಗಾ ಪಾತ್ರದ ಜತೆ ನನಗೆ ತುಂಬಾ ಕನೆಕ್ಷನ್ ಆಯ್ತು. ಆಕೆ ಗಟ್ಟಿಗಿತ್ತಿ, ಸ್ಟ್ರಾಂಗ್ ಅನ್ನೋದು ಟ್ರೇಲರ್ ಮತ್ತು ಪ್ರೋಮೋಗಳಲ್ಲೇ ಕಾಣಿಸುತ್ತೆ. ಆದ್ರೆ ಆಕೆಯ ಶಕ್ತಿ ಬರೀ ಜೋರಾಗಿ ಮಾತಿನಲ್ಲಿ ಇಲ್ಲ. ಜೀವನದಲ್ಲಿ ಆಕೆ ಅನುಭವಿಸಿದ ಕ್ಷಣಗಳು, ತೆಗೆದುಕೊಂಡ ನಿರ್ಧಾರಗಳು ಮತ್ತು ಕಷ್ಟದ ಸಮಯದಲ್ಲೂ ತನ್ನ ನಿಲುವನ್ನ ಕಾಪಾಡಿಕೊಳ್ಳುವ ರೀತಿ ಆಕೆಯ ಶಕ್ತಿಯ ಮೂಲ’ ಎಂದು ಹೇಳಿದ್ದಾರೆ.

ಎರಡು ದಶಕಕ್ಕೂ ಹೆಚ್ಚು ಕಾಲ ಚಿತ್ರರಂಗದಲ್ಲಿರುವ ನಯನತಾರಾಗೆ ಸಿನಿಮಾ ಮಾಡುವಾಗಲೇ ಅದರ ಬಗ್ಗೆ ಒಂದು ಇನ್‌ಸ್ಟಿಂಕ್ಟ್ ಬರುತ್ತಂತೆ. ನಿರ್ಮಾಪಕಿಯಾಗಿಯೂ ಕೆಲಸ ಮಾಡಿರುವುದರಿಂದ ಸಿನಿಮಾದ ದಿಕ್ಕನ್ನು ಅರ್ಥ ಮಾಡಿಕೊಳ್ಳೋ ಸಾಮರ್ಥ್ಯ ಇನ್ನಷ್ಟು ಬೆಳೆದಿದೆ ಅಂತ ಅವರು ಹೇಳಿದ್ದಾರೆ. ಆದ್ರೆ ಸಿನಿಮಾ ಅನ್ನೋದು ತುಂಬಾ ಎಮೋಷನಲ್ ಮತ್ತು ಪ್ರಿಡಿಕ್ಟ್ ಮಾಡೋಕೆ ಆಗದ ಕ್ಷೇತ್ರ ಅನ್ನೋದು ನಯನತಾರಾ ಅಭಿಪ್ರಾಯ.

ಇನ್ನು, ಸಿನಿಮಾ ಹೇಗೆ ಮೂಡಿಬರಬಹುದು ಅನ್ನೋದರ ಬಗ್ಗೆ ಒಂದು ಒಳಗಣ್ಣಿನ ಅಂದಾಜು ನಮಗೆ ಬರುತ್ತೆ. ಆದ್ರೆ ಸಿನಿಮಾ ಮಾಡುವಾಗ ನಮಗಾಗುವ ಅನುಭವ, ಪ್ರೇಕ್ಷಕರಿಗೆ ಅದೇ ರೀತಿ ತಲುಪುತ್ತೆ ಅಂತ ಯಾವಾಗಲೂ ಹೇಳೋಕೆ ಆಗಲ್ಲ ಎಂದು ನಯನತಾರಾ ಹೇಳಿದ್ದಾರೆ. ಕೆಲವು ಸಿನಿಮಾಗಳು ಖಂಡಿತಾ ಚೆನ್ನಾಗಿ ಓಡುತ್ತವೆ ಅನ್ನೋ ವಿಶ್ವಾಸ ಇದ್ದರೂ, ಅವು ನಿರೀಕ್ಷಿಸಿದಷ್ಟು ಯಶಸ್ಸು ಸಿಗಲಿಲ್ಲ ಎಂದು ಅವರು ಒಪ್ಪಿಕೊಂಡಿದ್ದಾರೆ.

ಅದಕ್ಕೆ ಉದಾಹರಣೆಯಾಗಿ ‘ನಾನುಮ್ ರೌಡಿ ಧಾನ್’, ‘ಕೋಲಮಾವು ಕೋಕಿಲಾ’ ಮತ್ತು ‘ರಾಜಾ ರಾಣಿ’ ಸಿನಿಮಾಗಳನ್ನು ಅವರು ನೆನಪಿಸಿಕೊಂಡಿದ್ದಾರೆ. ಅದೇ ರೀತಿ ಕೆಲವು ಚಿತ್ರಗಳ ಬಗ್ಗೆ ಆರಂಭದಲ್ಲಿ ಸಣ್ಣ ಅನುಮಾನವಿದ್ದರೂ ಅವು ದೊಡ್ಡ ಹಿಟ್ ಆಗಿವೆ. ‘ಸೋಲು-ಗೆಲುವನ್ನು ಒಂದೇ ರೀತಿಯ ವಿನಯದಿಂದ ಸ್ವೀಕರಿಸೋದನ್ನ ಸಿನಿಮಾಗಳು ನನಗೆ ಕಲಿಸಿವೆ’ ಅಂತ ನಯನತಾರಾ ಹೇಳಿದ್ದಾರೆ,(ಏಜೆನ್ಸೀಸ್​).