ಸ್ವರೂಪಿಣಿ ಹೊಸ ‘ಒಟಿಪಿ’: ಮೂಲ ಹೆಸರಿನ ಮೂಲಕ ಹೊಸ ಭರವಸೆ ಕಾಣುತ್ತಿರುವ ನಟಿ

25 ದಿನಗಳಲ್ಲಿ 10 ಕೆಜಿ ಇಳಿಕೆ: ಸ್ವರೂಪಿಣಿ ‘ಲವ್ ಒಟಿಪಿ’ ಪಾತ್ರಕ್ಕಾಗಿ ಸಾಕಷ್ಟು ಶ್ರಮ ಹಾಕಿದ್ದಾರಂತೆ. ಮಾನಸಿಕವಾಗಿ ಮಾತ್ರವಲ್ಲದೇ ದೈಹಿಕವಾಗಿಯೂ ನಡೆಸಿರುವ ಸಿದ್ಧತೆಗಳ ಬಗ್ಗೆ, ‘ಕಲಾವಿದರು ಯಾವಾಗಲೂ ತಯಾರಿಯಲ್ಲಿರಬೇಕು ಎನ್ನುವುದು ಅನೀಶ್ ಮಾತು. ಶೂಟಿಂಗ್ ಆರಂಭವಾಗಲು 25 ದಿನ ಬಾಕಿ ಇತ್ತು. ಆಗ ಕರೆ ಮಾಡಿ, 8ರಿಂದ 10 ಕೆಜಿ ಕಡಿಮೆಯಾಗಬೇಕು ಎಂದರು. ನಾನು ಕೂಡ ವರ್ಕೌಟ್ ಮಾಡಿ ತಿಂಗಳಲ್ಲಿ ತೂಕ ಕಡಿಮೆ ಮಾಡಿಕೊಂಡೆ. ಇನ್ನು ಸ್ಥಳದಲ್ಲಿಯೇ ಡೈಲಾಗ್ ಬದಲಿಸಲಾಗುತ್ತಿತ್ತು. ಅದನ್ನು ತಕ್ಷಣ ಪಿಕ್ ಮಾಡುವುದು ಕೂಡ ಸವಾಲಾಗಿತ್ತು’ ಎನ್ನುವ ಸ್ವರೂಪಿಣಿ, ‘ಅನೀಶ್ ಸರ್ ಒಬ್ಬ ವರ್ಕೋಹಾಲಿಕ್. ವರ್ಷದಿಂದ ಅವರು ನಿದ್ದೆ ಮಾಡಿದ್ದು ಕಡಿಮೆ. ಸದಾ ‘ಲವ್ ಒಟಿಪಿ’ ಧ್ಯಾನದಲ್ಲಿರುತ್ತಿದ್ದರು’ ಎಂದು ಮೆಚ್ಚುಗೆ ವ್ಯಕ್ತಪಡಿಸುತ್ತಾರೆ. ಸದ್ಯ ಮತ್ತೊಂದು ಕನ್ನಡ ಸಿನಿಮಾ ಚಿತ್ರೀಕರಣ ಪೂರ್ಣಗೊಳಿಸಿರುವ ಸ್ವರೂಪಿಣಿ, ತಮಿಳಿಗೂ ಡೆಬ್ಯೂ ಆಗುತ್ತಿದ್ದಾರೆ. ಸದ್ಯದಲ್ಲೇ ಈ ಎರಡು ಪ್ರಾಜೆಕ್ಟ್ ಬಗ್ಗೆ ಮಾಹಿತಿ ನೀಡಲಿದ್ದಾರೆ.