Video Review- ವೈರಲ್​ ಆಗಲು ಹೋಗಿ ವೈಕುಂಠ ಸೇರಿದರು!

ಫೌಂಡ್​ ಫುಟೇಜ್​ ಜಾನರ್​ ಸಿನಿಮಾಗಳು ಕನ್ನಡದಲ್ಲಿ ಅಪರೂಪ. ಈ ಹಿಂದೆ "6-5+2' (2013) ದೊಡ್ಡ ಮಟ್ಟದಲ್ಲಿ ಹಿಟ್​ ಆಗಿತ್ತು. ಅದಾಗಿ 13 ವರ್ಷಗಳ ಬಳಿಕ "ಬ್ಲಿಂಕ್​' ನಿರ್ದೇಶಕ ಶ್ರೀನಿಧಿ ಅಂಥದ್ದೇ ಕಥೆಯ "ವಿಡಿಯೋ' ಹೆಕ್ಕಿ ತಂದಿದ್ದಾರೆ. ಹಾಗಾದರೆ ಹೇಗಿದೆ "ಎಲ್ಲೋ ಸಿಕ್ಕ' ಈ ಹಾರರ್​ ಥ್ರಿಲ್ಲರ್​?

ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಬೇಕು ಅಂತ ನಾನಾ ರೀತಿಯ ಸರ್ಕಸ್​ ಮಾಡುವ ಚಿತ್ರ, ವಿಚಿತ್ರ ಪ್ರತಿಭೆಗಳಿಗೇನೂ ಕೊರತೆ ಇಲ್ಲ. ಇನ್ನು ಯೂಟ್ಯೂಬ್​ ವ್ಲಾಗ್​ ಮಾಡುವುದನ್ನೇ ಸಾವಿರಾರು ಮಂದಿ ವೃತ್ತಿ ಮಾಡಿಕೊಂಡಿದ್ದಾರೆ. ಅಂಥದ್ದೇ "ತರಲೆ ಗ್ಯಾಂಗ್​' ಯೂಟ್ಯೂಬ್​ ಚಾನಲ್​ನ ಭರತ್​, ಜೀವನ್​, ತೇಜೇಶ್​, ಮಧುರಾ (ಪ್ರಿಯಾ) ಮತ್ತು ಚಂದ್ರ (ನಲ್ಮೆ) ಕಥೆಯಿದು. ಹತ್ತು ಲಕ್ಷ ಫಾಲೋವರ್ಸ್​ ಪಡೆಯುವ ಈ "ತರಲೆ ಗ್ಯಾಂಗ್​' ಒಂದೊಳ್ಳೆ ವೈರಲ್​ ಕಂಟೆಂಟ್​ ಮೂಲಕ ಸಾಧನೆಯನ್ನು ಸೆಲೆಬ್ರೇಟ್​ ಮಾಡಲು ತೀರ್ಮಾನಿಸುತ್ತಾರೆ. ಅದರಂತೆ ಕರ್ನಾಟಕದ ಕೆಲ ಹಾಂಟೆಡ್​ ಸ್ಥಳಗಳಿಗೆ ಭೇಟಿ ಕೊಟ್ಟು ಅನುಭವವಿರುವ ಈ ಗ್ಯಾಂಗ್​ ಒಡಿಶಾದ ಪದ್ಮಾಪುರ ಶಾಲೆಗೆ ತೆರಳಲು ನಿರ್ಧರಿಸುತ್ತದೆ. ಯೂಟ್ಯೂಬರ್​ ಸಮೀರ್​, ಭೂತ ಪ್ರೇತಗಳ ಬಗ್ಗೆ ಅಧ್ಯಯನ ನಡೆಸಿರುವ ಅಲ್ತ್​ಾ ಮತ್ತು ಶಾಂತನು ಸೇರಿ ಕೆಲವರನ್ನು ಭೇಟಿಯಾಗಿ ತರಲೆ ಗ್ಯಾಂಗ್​ ಸದಸ್ಯರು ಆ ಶಾಲೆಯ ಬಗ್ಗೆ, ಅಲ್ಲಿ ನಡೆದಿರುವ ಅತಿಮಾನುಷ ಟನೆಗಳ ಬಗ್ಗೆ ಮಾಹಿತಿ ಪಡೆಯುತ್ತಾರೆ. ಚಂದ್ರ ಗ್ರಹಣದ ಸಮಯದಲ್ಲಿ ಅಲ್ಲಿಗೆ ಯಾರೂ ಹೋಗುವಂತಿಲ್ಲ. ಹೋದರೆ, ವಾಪಸ್​ ಬರುವುದಿಲ್ಲ ಎಂಬ ನಂಬಿಕೆ ಇರುತ್ತದೆ. ಆದರೆ, ಈ ಗ್ಯಾಂಗ್​ ಚಂದ್ರಗ್ರಹಣದ ದಿನವೇ ಅಲ್ಲಿಗೆ ತೆರಳಲು ತೀರ್ಮಾನಿಸಿ. ದಾರಿಯುದ್ಧಕ್ಕೂ ಕೆಲ ಸಮಸ್ಯೆಗಳು ಎದುರಾಗುತ್ತವೆ. ಆದರೂ, ಎದೆಗುಂದದೇ ಪದ್ಮಾಪುರ ಶಾಲೆಗೆ ಹೋಗುವ ತರಲೆ ಗ್ಯಾಂಗ್​ ವಾಪಸ್ಸಾಗುತ್ತಾ? ಎಂಬುದೇ "ವಿಡಿಯೋ' ಕಥೆ.

ಫೌಂಡ್​ ಫುಟೇಜ್​ ಸಿನಿಮಾಗಳನ್ನು ಮಾಡುವುದು ಸರಳವಲ್ಲ. ಚಿತ್ರಕಥೆ, ಮೇಕಿಂಗ್​, ಸೇರಿ ತಾಂತ್ರಿಕವಾಗಿ ತುಂಬ ಎಚ್ಚರಿಕೆ ವಹಿಸಿರಬೇಕು. ಅದರಂತೆ ಶ್ರೀನಿಧಿ ಕಣ್ಣು "ಬ್ಲಿಂಕ್​' ಮಾಡಲು ಬಿಡದಂತೆ "ವಿಡಿಯೋ' ನೋಡಿಸಿಕೊಂಡು ಹೋಗುತ್ತಾರೆ. ಮೊದರ್ಲಧ ಜಾಲಿ ಮಾತುಗಳು, ಜಗಳಗಳೊಂದಿಗೆ ನೋಡಿಸಿಕೊಂಡು ಹೋಗುತ್ತಾರೆ. ದ್ವೀತಿಯಾರ್ಧದಲ್ಲಿ ದೆವ್ವ, ಭೂತಗಳನ್ನೂ ಮೀರಿದ ವಿಷಯ ಹೇಳುವ ಪ್ರಯತ್ನ ಮಾಡಿದ್ದಾರೆ. ಆ ಕುತೂಹಲವನ್ನು ಉಳಿಸಿಕೊಂಡಿದ್ದರೆ "ವಿಡಿಯೋ' ಪ್ರೇಕ್ಷಕರಲ್ಲಿ ಮತ್ತಷ್ಟು ಭಯ ಹುಟ್ಟಿಸುವ ಸಾಧ್ಯತೆ ಇರುತ್ತಿತ್ತು. ಆದರೂ, ಭರತ್​, ಜೀವನ್​, ತೇಜೇಶ್​, ಪ್ರಿಯಾ, ನಲ್ಮೆ ತಾವೂ ಹೆದರುತ್ತಾ, ಪ್ರೇಕ್ಷಕರನ್ನೂ ಹೆದರಿಸಲು ಯತ್ನಿಸಿದ್ದು, ಅದಕ್ಕೆ ಹಿನ್ನೆಲೆ ಸಂಗೀತದ ಮೂಲಕ ಪ್ರಸನ್ನ ಕುಮಾರ್​, ಅವಿನಾಶ್​ ಛಾಯಾಗ್ರಹಣ ಮತ್ತು ಸಂಜೀವ್​ ಜಾಗೀರ್ದಾರ್​ ಸಂಕಲನ ಸಾಥ್​ ನೀಡಿದ್ದಾರೆ.