ಶಶಾಂಕ್ ನಿರ್ದೇಶನದಲ್ಲಿ ಕೃಷ್ಣ ಅಜೇಯ್ ರಾವ್ ಮತ್ತು ರಾಧಿಕಾ ಪಂಡಿತ್ ನಟಿಸಿದ್ದ "ಕೃಷ್ಣನ್ ಲವ್ಸ್ಟೋರಿ' 2010ರಲ್ಲಿ ರಿಲೀಸ್ ಆಗಿ ಯಶಸ್ಸು ಕಂಡಿತ್ತು. ಇದೀಗ 16 ವರ್ಷಗಳ ಬಳಿಕ ಶಶಾಂಕ್ ಮತ್ತು ಅಜೇಯ್ ರಾವ್ ಸೀಕ್ವೆಲ್ನೊಂದಿಗೆ ವಾಪಸ್ಸಾಗಿದ್ದಾರೆ. ಶುಕ್ರವಾರ "ಕೃಷ್ಣನ್ ಲವ್ಸ್ಟೋರಿ 2' ಘೋಷಿಸಿರುವ ನಿರ್ದೇಶಕ ಶಶಾಂಕ್, "ಗೀತಾಳನ್ನು (ರಾಧಿಕಾ) ಕಳೆದುಕೊಂಡ ನಾಯಕ ಕೃಷ್ಣನ (ಅಜೇಯ್) ಜೀವನದಲ್ಲಿ ಈ 16 ವರ್ಷಗಳಲ್ಲಿ ಏನಾಯಿತು? ಮುಂದೆ ಏನಾಗಲಿದೆ? ಆತನ ಜೀವನ ಹೇಗೆಲ್ಲಾ ತಿರುವುಗಳನ್ನು ಪಡೆಯುತ್ತದೆ? ಎಂಬ ಕಥೆಯಿದು. ಹೀಗಾಗಿಯೇ ಈ ಗ್ಯಾಪ್ ಬೇಕಿತ್ತು. ನಾಲ್ಕೆ$ದು ವರ್ಷಗಳ ಹಿಂದೆಯೇ ಈ ಸೀಕ್ವೆಲ್ ಬಗ್ಗೆ ಪ್ಲಾ$್ಯನ್ ಮಾಡಿದ್ದೆ. ಆದರೆ, ನಾನು ಫ್ರೀ ಇದ್ದಾಗ ಅಜೇಯ್ ಬಿಜಿಯಿದ್ದರು, ಅವರು ಫ್ರೀ ಇದ್ದಾಗ ನಾನು ಬಿಜಿಯಿರುತ್ತಿದ್ದೆ. ಈಗ ಕಾಲ ಕೂಡಿ ಬಂದಿದೆ. ಸದ್ಯ ಪ್ರಿ&ಪ್ರೊಡಕ್ಷನ್ ಕೆಲಸಗಳು ನಡೆಯುತ್ತಿದ್ದು, ನವೆಂಬರ್ನಿಂದ ಚಿತ್ರೀಕರಣ ಪ್ರಾರಂಭಿಸಲಿದ್ದೇವೆ' ಎಂದು ಮಾಹಿತಿ ನೀಡುತ್ತಾರೆ. ಅಜೇಯ್ ರಾವ್ ಜತೆಗೆ ಉಮಾಶ್ರೀ, ಅಚ್ಯುತ್ ಕುಮಾರ್ ಸೇರಿ ಕೆಲವರು ಎರಡನೇ ಭಾಗದಲ್ಲೂ ಇರಲಿದ್ದಾರೆ. ಹಾಗೇ ಹೊಸ ಪಾತ್ರಗಳು ಸಹ ಸೇರಿಕೊಳ್ಳಲಿವೆ. ಇನ್ನು ತಾಂತ್ರಿಕ ಬಳಗದಲ್ಲಿ ಬದಲಾವಣೆಗಳಾಗಿದ್ದು, ಸೀಕ್ವೆಲ್ಗೆ ಅರ್ಜುನ್ ಜನ್ಯ ಸಂಗೀತ, ಅಭಿಲಾಷ್ ಕಳತ್ತಿ ಛಾಯಾಗ್ರಹಣ ಹಾಗೂ ಮಹಾದೇವಯ್ಯ ಹಿರೇಮಠ ಸಂಕಲನವಿರಲಿದೆ.
