Sanvi Sudeep - ಮುಂದಿನ ವರ್ಷ ತೆರೆ ಮುಂದೆ ಬರಲಿದ್ದಾರೆ ಕಿಚ್ಚನ ಪುತ್ರಿ ಸಾನ್ವಿ

ಅಂದಹಾಗೆ ಸಾನ್ವಿ ಯಾವುದೇ ಶಿಕ್ಷಕರ ಬಳಿ ಸಂಗೀತ ಕಲಿತಿಲ್ಲ. ಬದಲಾಗಿ ಏಕಲವ್ಯನ ರೀತಿ ತಾವೇ ಕಲಿತಿದ್ದಾರೆ. ವಿಶೇಷ ಅಂದರೆ ಈಗಾಗಲೇ ಹೈದರಾಬಾದ್​ನಲ್ಲಿ ಮೂರು ಹಾಗೂ ಬೆಂಗಳೂರಿನಲ್ಲಿ ಒಂದು ಲೈವ್​ ಸಂಗೀತ ಕಾರ್ಯಕ್ರಮ ಕೊಟ್ಟು ಸೈ ಎನಿಸಿಕೊಂಡಿದ್ದಾರೆ. "ನನಗೆ ಬಾಲ್ಯದಿಂದಲೂ ಸಂಗೀತದ ಬಗ್ಗೆ ತುಂಬ ಒಲವು. ನಾನೇ ಸ್ವಯಂ ಕಲಿಯತೊಡಗಿದೆ. ಮೊದಲೆಲ್ಲಾ ಹಾಡುವಾಗ ಆಡಿಕೊಳ್ಳುತ್ತಿದ್ದರು. ಆ ಬಳಿಕ ಸಂಗೀತವನ್ನು ಹೆಚ್ಚು ಗಂಭೀರವಾಗಿ ತೆಗೆದುಕೊಂಡು ಕಲಿಯತೊಡಗಿದೆ. ಈಗಲೂ ಪ್ರ್ಯಾಕ್ಟೀಸ್​ ಮಾಡುತ್ತೇನೆ. ನನ್ನ ಅಭಿಪ್ರಾಯ ಸರಿ ಇರಬಹುದು ಅಥವಾ ತಪ್ಪೂ ಇರಬಹುದು. ಆದರೆ, ಟೀಚರ್​ ಬಳಿ ಸಂಗೀತ ಕಲಿಯಲು ನನಗೆ ಇಷ್ಟವಿರಲಿಲ್ಲ. ಏನೇ ಕಲಿತರೂ ನಾನೇ ಕಲಿಯಬೇಕು ಅಂತನೇ ಅಂದುಕೊಂಡಿದ್ದೆ. ಗಾಯನದ ಜತೆಗೆ ಪಿಯಾನೋ ಮತ್ತು ಗಿಟಾರ್​ ಕೂಡ ನಾನೇ ಕಲಿಯುತ್ತಿದ್ದೇನೆ.

"ಮಸ್ತ್​ ಮಲೈಕಾ' ಬಿಡುಗಡೆ ಬೆನ್ನಲ್ಲೇ ಸಾನ್ವಿ ಹಾಡಿರುವ ಎರಡನೇ ಸಾಂಗ್​ ಬಿಡುಗಡೆಗೆ ಸಿದ್ಧತೆ ನಡೆದಿದೆ. ಅಣ್ಣ ಸಂಚಿತ್​ ಸಂಜೀವ್​ ನಾಯಕನಾಗಿರುವ "ಮ್ಯಾಂಗೋ ಪಚ್ಚ' ಚಿತ್ರದ ರೊಮ್ಯಾಂಟಿಕ್​ ಟ್ರಾ$್ಯಕ್​ಗೆ ಸಾನ್ವಿ ಧ್ವನಿಯಾಗಿದ್ದಾರೆ. "ಚರಣ್​ ರಾಜ್​ ಸರ್​ ಸಂಗೀತದಲ್ಲಿ ಹಾಡು ತುಂಬ ಚೆನ್ನಾಗಿ ಮೂಡಿಬಂದಿದೆ. ಶ್ರೀದಲ್ಲಿಯೇ ಆ ಸಾಂಗ್​ ರಿಲೀಸ್​ ಆಗಲಿದೆ. ಅದಲ್ಲದೇ ಸಂಗೀತ ನಿರ್ದೇಶಕ ಥಮನ್​ ಸರ್​ ಜತೆ ಹಲವು ತೆಲುಗು ಚಿತ್ರಗಳ ಹಿನ್ನೆಲೆ ಸಂಗೀತದಲ್ಲಿ ಕೆಲಸ ಮಾಡಿದ್ದೇನೆ. ಈಗ ತೆರೆಯ ಮುಂದೆ ಬರುವ ಪ್ಲಾ$್ಯನ್​ ಕೂಡ ಇದೆ ಜತೆಗೆ ಇನ್ನಷ್ಟು ಹೆಚ್ಚು ಕೆಲಸ ಮಾಡುವ ಇಂಗಿತವಿದೆ' ಎನ್ನುವ ಸಾನ್ವಿ, ಸದ್ಯ ಮ್ಯೂಸಿಕ್​ ವಿಡಿಯೋ ಆಲ್ಬಂನಲ್ಲಿ ಮಿಂಚಲು ರೆಡಿಯಾಗುತ್ತಿದ್ದಾರೆ.