radheya film review: ಸರಣಿ ಕೊಲೆಗಾರನ ನೂರಾರು ನೋವುಗಳು

ಫಾರೆನ್ಸಿಕ್ ಅಧಿಕಾರಿ ರಾಧೇಯ (ಆಜೇಯ್) 36 ಕೊಲೆ ಮಾಡಿರುವ ಆರೋಪ ಸಾಬೀತಾಗಿ ಗಲ್ಲು ಶಿಕ್ಷೆಗೆ ಗುರಿಯಾಗಿದ್ದಾನೆ. ಇನ್ನೇನು ಕೆಲ ದಿನಗಳಲ್ಲಿ ಗಲ್ಲು ಶಿಕ್ಷೆಗೊಳಗಾಗಲಿರುವ ಆತ, ಕೊನೆಯ ಆಸೆ ಏನೆಂದು ಕೇಳುವ ವಕೀಲರ ಬಳಿ ತಾನು ಹೇಳುವ ಕಥೆಯನ್ನು ಪುಸ್ತಕ ರೂಪದಲ್ಲಿ ತರಬೇಕು. ತಾನು ಹೇಳುವ ಲೇಖಕರಿಂದಲೇ ತನ್ನ ಜೀವನದ ಹಾದಿಯನ್ನು ಬರೆಸಬೇಕು ಎಂದು ಬೇಡಿಕೆ ಇಡುತ್ತಾನೆ. ಅದಕ್ಕೆ ಒಪ್ಪುವ ಪೊಲೀಸ್ ಅಧಿಕಾರಿಗಳು ಆತ ಬಯಸಿದ ಲೇಖಕಿ ಅನುಪಮಾ ರಂಜನ್‌ಳನ್ನು ಕರೆತರುತ್ತಾರೆ. ರಾಧೇಯ ಆಕೆಯ ಬಳಿ ತಾನೇಕೆ ಸರಣಿ ಕೊಲೆ ಮಾಡಿದೆ? ತನ್ನ ಬದುಕಿನಲ್ಲಿ ಬೀಸಿದ ಬಿರುಗಾಳಿಯಾದರೂ ಏನು? ಎಂಬುದನ್ನು ತುಂಬಾ ಕೋಪ, ಆವೇಶದಲ್ಲಿಯೇ ಒಂದೊಂದಾಗಿ ಬಿಚ್ಚಿಡುತ್ತಾನೆ. ಹಾಗಾದರೆ, ಫಾರೆನ್ಸಿಕ್ ಅಧಿಕಾರಿ ರಾಧೇಯ, ಸೀರಿಯಲ್ ಕಿಲ್ಲರ್ ಯಾಕಾದ? ಎನ್ನುವುದೇ ‘ರಾಧೇಯ’ ಚಿತ್ರದ ಮುಖ್ಯಕಥೆ.