ಕನ್ನಡಕ್ಕೆ ಬಂದ ಕುನಾಲ್ : ‘ಲಂಬೋದರ 2.0’ ಮೂಲಕ ಸ್ಯಾಂಡಲ್‌ವುಡ್‌ಗೆ ಪದಾರ್ಪಣೆ ಮಾಡಿದ ಬಾಲಿವುಡ್ ನಟ

ಬೆಂಗಳೂರಿನ ಜತೆ ವಿಶೇಷ ಒಡನಾಟವನ್ನು ಹೊಂದಿರುವ ಕುನಾಲ್ ಕಪೂರ್ ಕನ್ನಡ ಭಾಷೆಯ ಬಗ್ಗೆ ಅಪಾರ ಅಭಿಮಾನ ಹೊಂದಿದ್ದಾರಂತೆ. ಸ್ವತಃ ಅವರೇ ಕನ್ನಡದಲ್ಲಿ ಡೈಲಾಗ್ ಹೇಳುತ್ತಿದ್ದಾರಂತೆ. ‘ಕುನಾಲ್ ಈಗಾಗಲೇ 10 ದಿನಗಳ ಶೂಟಿಂಗ್ ಮುಗಿಸಿದ್ದಾರೆ. ಚಿತ್ರೀಕರಣದಲ್ಲಿ ಸ್ವತಃ ಅವರೇ ಕನ್ನಡದಲ್ಲಿ ಡೈಲಾಗ್ ಹೇಳುತ್ತಿರುವುದು ವಿಶೇಷ. ಕೆಲವೊಂದು ಕನ್ನಡ ಪದಗಳು ಗೊತ್ತಾಗದಿರುವಾಗ ನಮ್ಮನ್ನು ಕೇಳಿ ಪದೇ ಪದೇ ಉಚ್ಚರಿಸಿ ಬಳಿಕ ಹೇಳುತ್ತಿದ್ದರು. ಇನ್ನು ಬೆಂಗಳೂರಿನ ವಿಶೇಷ ಒಡನಾಟ ಹೊಂದಿರುವ ಕುನಾಲ್ ಇಲ್ಲಿನ ಪರಿಸರ ಹಾಗೂ ಊಟವನ್ನು ಇಷ್ಟಪಡುತ್ತಾರೆ. ಕನ್ನಡ ಭಾಷೆಯನ್ನು ತುಂಬಾ ಗೌರವಿಸುತ್ತಾರೆ’ ಎಂದು ಸುನಿ ಮಾಹಿತಿ ನೀಡುತ್ತಾರೆ.