ನಟಿ ಚೈತ್ರಾ ಹಳ್ಳಿಕೇರಿ ಈ ನಡುವೆ ‘ಕನ್ನಡ ಬಿಗ್ಬಾಸ್: ಒಟಿಟಿ ಸೀಸನ್ 1’ರ ಸ್ಪರ್ಧಿಯಾಗಿದ್ದರು. ‘ಬಿಗ್ಬಾಸ್’ ಬಳಿಕ ಜನರು ನನಗೆ ಬಹಳ ಪ್ರೀತಿ ನೀಡಿದರು. ಆ ಶೋನಿಂದಾಗಿಯೇ ಹೆಚ್ಚು ಗುರುತಿಸುತ್ತಾರೆ’ ಎನ್ನುವ ಚೈತ್ರಾ, ಈ 20 ವರ್ಷಗಳಲ್ಲಿ ಚಿತ್ರರಂಗದಲ್ಲಾಗಿರುವ ಬದಲಾವಣೆ ಬಗ್ಗೆ, ‘ಅಂದಿಗೂ-ಇಂದಿಗೂ ಸಿನಿಮಾ ರಂಗದಲ್ಲಿ ತುಂಬಾ ಬದಲಾವಣೆಯಾಗಿವೆ. ಅಂದು ರೀಲ್ ಕ್ಯಾಮರಾ ಇದ್ದರೆ, ಇದೀಗ ಡಿಜಿಟಲ್ ಆಗಿದೆ. ಇನ್ನು ಮಹಿಳಾ ಸಹಭಾಗಿತ್ವ ಇಂದು ಹೆಚ್ಚಿದೆ. ಆಗ ಸೆಟ್ನಲ್ಲಿ ನಾನೊಬ್ಬಳೇ ಮಹಿಳೆ ಇರುತ್ತಿದೆ. ಆದರೆ, ಈಗ ನಿರ್ದೇಶನ, ಮೇಕಪ್, ಬರವಣಿಗೆ, ಪ್ರೊಡಕ್ಷನ್ ಟೀಂ ಸೇರಿ ಹಲವು ವಿಭಾಗಗಳಲ್ಲಿ ಹೆಚ್ಚಿನ ಮಹಿಳೆಯರನ್ನು ಕಂಡೆ. ಇದು ಒಳ್ಳೆಯ ಬೆಳವಣಿಗೆ’ ಎಂದು ಹರ್ಷವ್ಯಕ್ತಪಡಿಸಿದರು.
