ನಿವಿಷ್ಕಾ ಸಿಕ್ಸರ್ : ‘ಬೃಂದಾ ವಿಹಾರಿ’ ಸೇರಿ ನಟಿಯ ಆರು ಸಿನಿಮಾಗಳು ರಿಲೀಸ್‌ಗೆ ಸಿದ್ಧ

ನಟಿ ನಿವಿಷ್ಕಾ ಪಾಟೀಲ್ ‘ಸಾಮ್ರಾಟ್’ ಚಿತ್ರವನ್ನು ಒಪ್ಪಿಕೊಂಡಿದ್ದಾರೆ. ‘ಕೆಲ ವರ್ಷಗಳ ಹಿಂದೆ ಕಾಲೇಜಿನಲ್ಲಿ ಓದುವಾಗ ನಮ್ಮೂರು ಬೆಳಗಾವಿಯಲ್ಲಿ ದೊಡ್ಡ ಗಲಾಟೆಯಾಗಿತ್ತು. ಆ ಘಟನೆಯನ್ನಿಟ್ಟುಕೊಂಡೇ ಕನ್ನಡದಲ್ಲಿ ‘ಸಾಮ್ರಾಟ್’ ಸಿನಿಮಾ ಬರುತ್ತಿದೆ. ಕಾಕಾತಾಳೀಯ ಎಂದರೆ, ಕಣ್ಣಾರೆ ಕಂಡ ಘಟನೆಯಾಧಾರಿತ ಆ ಸಿನಿಮಾಕ್ಕೆ ನಾನೇ ಹೀರೋಯಿನ್ ಎಂದರೆ ಅಚ್ಚರಿ ಅನಿಸುತ್ತದೆ. ಸದ್ಯ ಈ ಚಿತ್ರಕ್ಕಾಗಿ ತಯಾರಿ ನಡೆಸಿದ್ದೇನೆ. ಹಾಗೆಯೇ, ಕೆಲ ಕಥೆಗಳನ್ನು ಕೇಳಿದ್ದೇನೆ. ಆದರೆ, ಯಾವುದನ್ನು ಅಂತಿಮಗೊಳಿಸಿಲ್ಲ’ ಎಂದು ನಿವಿಷ್ಕಾ ಹೇಳಿಕೊಳ್ಳುತ್ತಾರೆ.