ಬಯೋಪಿಕ್​ನಲ್ಲಿ ಸಲ್ಮಾನ್​

ಬಾಲಿವುಡ್​ ನಟ ಸಲ್ಮಾನ್​ ಖಾನ್​ ವೃತ್ತಿ ಜೀವನದಲ್ಲಿ ಹೊಸದೊಂದು ಅಧ್ಯಾಯ ಶುರುವಾಗಲಿದೆ. ಅದೇನೆಂದರೆ, ಚಿತ್ರರಂಗಕ್ಕೆ ಆಗಮಿಸಿ ಮೂರು ದಶಕಗಳೇ ಕಳೆದರೂ, ಇಲ್ಲಿಯವರೆಗೂ ಬಯೋಪಿಕ್​ನಲ್ಲಿ ಸಲ್ಮಾನ್​ ನಟಿಸಿರಲಿಲ್ಲ. ಇದೀಗ ಆ ಗಳಿಗೆಯೂ ಸನ್ನಿಹಿತವಾಗಿದೆ.

ತೆರೆಮೇಲೆ ಗೂಢಚಾರಿಯಾಗಿ ಖದರ್​ ತೋರಿಸಲಿದ್ದಾರವರು. ಹೌದು, "ಬ್ಲಾಕ್​ ಟೈಗರ್​' ಎಂದೇ ಜನಪ್ರಿಯರಾಗಿರುವ ಭಾರತೀಯ ಗೂಢಚಾರಿ ರವೀಂದ್ರ ಕೌಶಿಕ್​ ಅವರ ಜೀವನದ ಒಂದಷ್ಟು ಭಾಗವನ್ನು ಸಿನಿಮಾ ಮಾಡಲು ನಿರ್ದೇಶಕ ರಾಜಕುಮಾರ್​ ಗುಪ್ತಾ ತಯಾರಿ ನಡೆಸಿದ್ದಾರೆ. ಕಳೆದ 5 ವರ್ಷಗಳಿಂದ ರವೀಂದ್ರ ಅವರ ವೃತ್ತಿ ಜೀವನದ ಸವಾಲುಗಳನ್ನು ಕಥೆ ಮಾಡಿಕೊಂಡಿರುವ ಗುಪ್ತ, ಇದೀಗ ಚಿತ್ರಕಥೆಯನ್ನೂ ಸಿದ್ಧಪಡಿಸಿದ್ದಾರೆ.