ಸ್ಮಶಾನದಲ್ಲಿ ಸಲಗ ಟೈಟಲ್ ಟ್ರ್ಯಾಕ್​

ಬೆಂಗಳೂರು: ದುನಿಯಾ ವಿಜಯ್ ನಿರ್ದೇಶನ ಮಾಡಿ ನಟಸುತ್ತಿರುವ ‘ಸಲಗ’ ಸಿನಿಮಾದ ಟೈಟಲ್ ಟ್ರಾ್ಯಕ್ ಚಿತ್ರೀಕರಣ ಬೆಂಗಳೂರಿನ ಚಾಮರಾಜಪೇಟೆಯ ಸ್ಮಶಾನದಲ್ಲಿ ನಡೆದಿದೆ. ದುನಿಯಾ ವಿಜಯ್ ನಟನೆಯ ಸಿನಿಮಾಗಳಲ್ಲಿ ಸ್ಮಶಾನದ ಶಾಟ್ ಇದ್ದೇ ಇರುತ್ತದೆ. ಅದು ಸಲಗದಲ್ಲಿಯೂ ಮುಂದುವರೆದಿದೆ.

‘ನನ್ನ ಸಿನಿಮಾದಲ್ಲಿ ಇಮ್ಯಾಜಿನೇಶನ್​ಗಿಂತಲೂ ವಾಸ್ತವತೆ ಇರುತ್ತದೆ. ಮನುಷ್ಯ ವಾಸ್ತವತೆಯನ್ನು ಅರ್ಥ ಮಾಡಿಕೊಂಡಾಗ ಮಾತ್ರ ನೆಮ್ಮದಿಯಾಗಿ ಇರಲು ಸಾಧ್ಯ. ಹಾಗಾಗಿ ಸ್ಮಶಾನದ ಸೀನ್​ಗಳು ಇರುತ್ತವೆ. ಸಲಗದಲ್ಲಿ ಟೈಟಲ್ ಟ್ರಾ್ಯಕ್​ಗಾಗಿ ಸ್ಮಶಾನಕ್ಕೆ ಬಂದಿದ್ದೇವೆ. ‘ಸಾವು ನಿನ್ನ ಪಕ್ಕದಲ್ಲಿಯೇ ಮಲಗಿರುತ್ತದೆ’ಎಂಬ ಪದ ಈ ಹಾಡಿನಲ್ಲಿದೆ. ಇದು ನನಗೆ ಬಹಳ ಇಷ್ಟವಾಯಿತು.

ಜನ ವಾಸ್ತವವನ್ನು ಹೆಚ್ಚು ಹೇಳಿದಾಗ ಸಿನಿಮಾದೊಂದಿಗೆ ಕನೆಕ್ಟ್ ಆಗುತ್ತಾರೆ.’ಎನ್ನುತ್ತಾರೆ ವಿಜಯ್. ಈಗಾಗಲೇ ಚಿತ್ರೀಕರಣ ಕಂಪ್ಲೀಟ್ ಮಾಡಿರುವ ವಿಜಯ್ ಕೊನೆಯ ಕ್ಷಣದ ಕೆಲಸಗಳನ್ನು ಮಾಡಿಕೊಳ್ಳುತ್ತಿದ್ದಾರೆ. ಎಲ್ಲವೂ ಅಂದುಕೊಂಡಂತೆ ಆದರೆ ಈ ಚಿತ್ರ ಇದೇ ತಿಂಗಳ ಕೊನೆ ಅಥವಾ ಮಾರ್ಚ್ ತಿಂಗಳ ಆರಂಭದಲ್ಲಿ ರಿಲೀಸ್ ಆಗುತ್ತದೆ. ಕೆ ಪಿ ಶ್ರೀಕಾಂತ್ ನಿರ್ಮಾಣ ಮಾಡಿರುವ ಈ ಚಿತ್ರದಲ್ಲಿ ಡಾಲಿ ಧನಂಜಯ ಖಡಕ್ ಪೊಲೀಸ್ ಆಫೀಸರ್ ಆಗಿ ಕೆಲಸ ಮಾಡಿದ್ದಾರೆ. ಚರಣ್​ರಾಜ್ ಸಂಗೀತ, ಟಗರು ಮಾಸ್ತಿ ಡೈಲಾಗ್, ಶಿವು ಸೇನಾ ಸಿನಿಮಾಟೋಗ್ರಫಿ ಈ ಚಿತ್ರಕ್ಕಿದೆ.