ಕರೊನಾ ಮೂರನೆಯ ಅಲೆಯಿಂದಾಗಿ, ಜ. 7ಕ್ಕೆ ಬಿಡುಗಡೆಯಾಗಬೇಕಿದ್ದ ರಾಜಮೌಳಿ ನಿರ್ದೇಶನದ ‘ಆರ್ಆರ್ಆರ್’ ಚಿತ್ರವು ಅನಾಮತ್ತಾಗಿ ಮುಂದಕ್ಕೆ ಹೋಗಿದೆ. ಮುಂದೆ ಯಾವಾಗ ಬಿಡುಗಡೆ ಎಂದು ಚಿತ್ರತಂಡ ಇನ್ನೂ ತೀರ್ವನಿಸಿಲ್ಲ. ಈ ಬಾರಿ, ಚಿತ್ರ ಮುಂದೂಡಿದ್ದರಿಂದ 20 ಕೋಟಿ ರೂ.ಗಳನ್ನು ಚಿತ್ರತಂಡ ಕಳೆದುಕೊಂಡಿದೆ ಎಂದು ಹೇಳಲಾಗುತ್ತಿದೆ. ಹೌದು, ಕಳೆದ ಒಂದು ತಿಂಗಳಿನಿಂದ ಚಿತ್ರತಂಡದವರು ಕಾಲಿಗೆ ಚಕ್ರ ಕಟ್ಟಿಕೊಂಡವರಂತೆ ಹಲವು ನಗರಗಳಿಗೆ ಭೇಟಿ ಕೊಟ್ಟು ಚಿತ್ರದ ಪ್ರಮೋಷನ್ ಮಾಡಿದ್ದಾರೆ. ಹೈದರಾಬಾದ್ ಅಲ್ಲದೆ ಬೆಂಗಳೂರು, ಚೆನ್ನೈ, ಮುಂಬೈ, ತಿರುವನಂತಪುರಂ ... ಹೀಗೆ ಹಲವು ಕಡೆ ಭೇಟಿ ನೀಡಿದ್ದಾರೆ. ಬೆಂಗಳೂರಲ್ಲೇ ಚಿತ್ರತಂಡ ಎರಡು ಬಾರಿ ಪ್ರಚಾರ ಮಾಡಿದ್ದು, ಮೂರನೆಯ ಪ್ರೀ-ರಿಲೀಸ್ ಕಾರ್ಯಕ್ರಮ ಕೊನೆಯ ಕ್ಷಣದಲ್ಲಿ ರದ್ದಾಗಿತ್ತು. ಇದೆಲ್ಲದರಿಂದ 20 ಕೋಟಿ ರೂ.ವರೆಗೂ ನಷ್ಟವಾಗಿದೆಯಂತೆ.
