ಬಾಲಿವುಡ್​ ನಟಿ ರೇಖಾ ಬಂಗಲೆ ಸೀಲ್​​​ಡೌನ್​; ಗೇಟ್​ ಮುಚ್ಚಿ, ಸ್ಯಾನಿಟೈಸ್​ ಮಾಡಿದ ಬಿಎಂಸಿ

ಬಾಲಿವುಡ್​ ಹಿರಿಯ ನಟಿ ರೇಖಾ ಅವರ ಮುಂಬೈನಲ್ಲಿರುವ ಬಂಗಲೆ ಸೀಲ್​ಡೌನ್​ ಆಗಿದೆ. ಅವರ ನಿವಾಸ ಇರುವ ಪ್ರದೇಶವನ್ನು ಕಂಟೇನ್​ಮೆಂಟ್​ ಝೋನ್​ ಎಂದು ಬೃಹನ್​ ಮುಂಬೈ ಮುನ್ಸಿಪಲ್​ ಕಾರ್ಪೋರೇಶನ್​ ಗುರುತಿಸಿದೆ.

ರೇಖಾ ಅವರ ಬಂಗಲೆಯಲ್ಲಿ ಕೆಲಸ ಮಾಡುತ್ತಿರುವ ಸೆಕ್ಯುರಿಟಿ ಗಾರ್ಡ್​ ಓರ್ವರಲ್ಲಿ ಕರೊನಾ ದೃಢಪಟ್ಟ ಬಳಿಕ ಇಡೀ ಬಂಗಲೆಯನ್ನೇ ಸೀಲ್​ಡೌನ್​ ಮಾಡಲಾಗಿದೆ.

ಮಹಾರಾಷ್ಟ್ರ, ಮುಂಬೈನಲ್ಲಿ ಕರೊನಾ ಸಿಕ್ಕಾಪಟೆ ಹೆಚ್ಚುತ್ತಿದೆ. ಬಾಲಿವುಡ್​ ಸೆಲೆಬ್ರಿಟಿಗಳ ಮನೆಗೂ ಕಾಲಿಟ್ಟಿದೆ. ಕಳೆದ ವಾರ ಅಮಿರ್​ ಖಾನ್​, ಕರಣ್​ ಜೋಹರ್​ ಮತ್ತು ಬೋನಿ ಕಪೂರ್​ ಅವರ ಮನೆಯ ಕೆಲಸದವರಲ್ಲಿ ಕರೊನಾ ಕಾಣಿಸಿಕೊಂಡಿತ್ತು.

ಇಂದು ಹಿರಿಯ ನಟ ಅಮಿತಾಭ್​ ಬಚ್ಚನ್​ ಅವರಲ್ಲಿ ಕೊವಿಡ್​-19 ದೃಢಪಟ್ಟಿದೆ.

ನಟಿ ರೇಖಾ ಅವರ ಬಂಗಲೆಯಲ್ಲಿ ಇಬ್ಬರು ಸೆಕ್ಯೂರಿಟಿ ಗಾರ್ಡ್​ಗಳಿದ್ದು, ಅವರಲ್ಲಿ ಒಬ್ಬರಿಗೆ ಕರೊನಾ ಸೋಂಕು ಕಾಣಿಸಿಕೊಂಡಿದೆ. ಆತನನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ ಬಿಎಂಸಿ ತಿಳಿಸಿದೆ. ಬಂಗಲೆಯ ಗೇಟ್​ ಮುಚ್ಚಲಾಗಿದ್ದು, ಅಲ್ಲಿನ ಆವರಣವನ್ನು ಸ್ಯಾನಿಟೈಸ್​ ಮಾಡಲಾಗಿದೆ. (ಏಜೆನ್ಸೀಸ್​)

https://www.vijayavani.net/actor-amitabh-bachchan-tests-positive-for-coronavirus/