ಭಾರತ ವಿಶ್ವಕಪ್​ ಗೆದ್ದ ದಿನದಂದೇ ಬಿಡುಗಡೆಯಾಗುತ್ತಾ '83'?

ಮುಂಬೈ: ಒಂದು ಕಡೆ ದಕ್ಷಿಣ ಭಾರತದ ದೊಡ್ಡದೊಡ್ಡ ಚಿತ್ರಗಳ ಬಿಡುಗಡೆ ದಿನಾಂಕಗಳು ಘೋಷಣೆಯಾಗುತ್ತಿದ್ದರೆ, ಇನ್ನೊಂದು ಕಡೆ ಸಲ್ಮಾನ್​ ಖಾನ್​ ಅಭಿನಯದ 'ರಾಧೇ' ಬಿಟ್ಟರೆ ಯಾವ ಬಾಲಿವುಡ್​ ಚಿತ್ರದ ಬಿಡುಗಡೆ ದಿನಾಂಕಯೂ ಕಳೆದ ವಾರದವರೆಗೂ ಆಗಿರಲಿಲ್ಲ.

ಇದನ್ನೂ ಓದಿ: ದಾವಣಗೆರೆಯಲ್ಲಿ ಪೊಗರು ಹಾಡುಗಳ ಹಬ್ಬ

ಅಕ್ಷಯ್​ ಕುಮಾರ್​ ಅಭಿನಯದ 'ಸೂರ್ಯವಂಶಿ' ಚಿತ್ರದ ಬಿಡುಗಡೆಯ ದಿನಾಂಕ ಕಳೆದ ವಾರವಷ್ಟೇ ಘೋಷಣೆಯಾಗಿತ್ತು ಮತ್ತು ರೋಹಿತ್​ ಶೆಟ್ಟಿ ನಿರ್ದೇಶನದ ಈ ಚಿತ್ರವು ಏಪ್ರಿಲ್​ ಎರಡರಂದು ಬಿಡುಗಡೆಯಾಗುತ್ತದೆ ಎಂದು ಹೇಳಲಾಗಿತ್ತು. ಇದೀಗ ರಣವೀರ್ ಸಿಂಗ್​ ಮತ್ತು ದೀಪಿಕಾ ಪಡುಕೋಣೆ ಅಭಿನಯಿಸಿರುವ '83' ಚಿತ್ರದ ಬಿಡುಗಡೆ ದಿನಾಂಕ ಘೋಷಣೆಯಾಗುವುದರಲ್ಲಿದೆ.

ಚಿತ್ರವನ್ನು ನಿರ್ಮಿಸಿರುವ ರಿಲಯನ್ಸ್​ ಎಂಟರ್​ಟೈನ್​ಮೆಂಟ್​ ಸಂಸ್ಥೆಯು ಇನ್ನೂ ಅಧಿಕೃತವಾಗಿ ಚಿತ್ರದ ಬಿಡುಗಡೆಯನ್ನು ಘೋಷಿಸದಿದ್ದರೂ, ಜೂನ್​ನಲ್ಲಿ ಘೋಷಿಸುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ. ಅಷ್ಟೇ ಅಲ್ಲ, ಭಾರತ ವಿಶ್ವಕಪ್​ ಗೆದ್ದ ದಿನದಂದೇ ಚಿತ್ರ ಬಿಡುಗಡೆಯಾಗುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.

ಹೌದು, '83' ಚಿತ್ರದ ಬಿಡುಗಡೆಯು ಜೂನ್​ಗೆ ಹೋಗಿದೆ. ಏಪ್ರಿಲ್​ನಲ್ಲಿ 'ಸೂರ್ಯವಂಶಿ' ಚಿತ್ರ ಬಿಡುಗಡೆಯಾಗಲಿದೆ. ಮೇನಲ್ಲಿ 'ರಾಧೇ' ಮತ್ತು 'ಸತ್ಯಮೇವ ಜಯತೇ 2' ಚಿತ್ರಗಳು ಬಿಡಗುಡೆಯಾಗಲಿವೆ. ಹಾಗಾಗಿ ಜೂನ್​ನಲ್ಲಿ ಚಿತ್ರ ಬಿಡುಗಡೆ ಮಾಡುವ ಬಗ್ಗೆ ರಿಲಯನ್ಸ್​ ಎಂಟರ್​ಟೈನ್​ಮೆಂಟ್​ ನಿರ್ಧರಿಸಿದೆ. ಇನ್ನು 1983ರ ಜೂನ್​ 25ರಂದು ಭಾರತವು ವಿಶ್ವಕಪ್​ ಗೆದ್ದಿದ್ದರಿಂದ, ಅದೇ ದಿನ ಚಿತ್ರ ಬಿಡುಗಡೆ ಮಾಡಿದರೆ ಹೇಗೆ ಎಂಬ ಯೋಚನೆ ಸಂಸ್ಥೆಗಿದೆ. ಜೂನ್​ 25 ಶುಕ್ರವಾರವಾದ್ದರಿಂದ, ಅದೇ ದಿನ ಚಿತ್ರ ಬಿಡುಗಡೆಯಾದರೆ ಅದರಲ್ಲಿ ಆಶ್ಚರ್ಯವೇನಿಲ್ಲ.

ಇದನ್ನೂ ಓದಿ: ಸಲಾರ್​ ಸಿನಿಮಾದಲ್ಲಿ ಪ್ರಿಯಾಂಕಾ ಚೋಪ್ರಾ ಡಾನ್ಸ್?

'83' ಚಿತ್ರದಲ್ಲಿ ರಣವೀರ್​ ಸಿಂಗ್​ ಅವರು ಕಪಿಲ್​ ದೇವ್​ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು ಮಿಕ್ಕಂತೆ ದೀಪಿಕಾ ಪಡುಕೋಣೆ, ತಾಹಿರ್​ ರಾಜ್​ ಭಾಸಿನ್​, ಸಾಖಿಬ್​ ಸಲೀಮ್​, ಸಾಹಿಲ್​ ಕಟ್ಟರ್​ ಮುಂತಾದವರು ನಟಿಸಿದ್ದಾರೆ. ಚಿತ್ರವನ್ನು ಕಬೀರ್​ ಖಾನ್​ ನಿರ್ದೇಶನ ಮಾಡಿದ್ದಾರೆ.

https://www.vijayavani.net/actress-sharmiela-mandre-as-cinema-producer/