ಈ ಕುರಿತು ‘ವಿಜಯವಾಣಿ’ಯೊಂದಿಗೆ ಮಾತನಾಡಿದ ಅವರು, ‘ಚಿತ್ರದಲ್ಲಿ ಹುಟ್ಟುಹಬ್ಬದ ಕುರಿತಾದ ಒಂದು ಹಾಡಿದೆ. ಸಾಮಾನ್ಯವಾಗಿ, ಹುಟ್ಟುಹಬ್ಬ ಎಂದರೆ ಇಂಗ್ಲೀಷ್ನಲ್ಲಿ ‘ಹ್ಯಾಪಿ ಬರ್ಥ್ಡೇ ಟೂ ಯೂ ...’ ಎಂಬ ಥೀಮ್ ಸಾಂಗ್ ಇದೆ. ಅಂಥದ್ದೊಂದು ಹಾಡು ಕನ್ನಡದಲ್ಲಿಲ್ಲ. ಕನ್ನಡದಲ್ಲೇ ಒಂದು ಹಾಡು ಮಾಡುವ ಆಸೆ ಇತ್ತು. ಆ ಹಾಡು ತಯಾರಾದಾಗ, ನೀವೇ ಹಾಡಿದರೆ ಚೆನ್ನ ಎಂದು ಸಂಗೀತ ನಿರ್ದೇಶಕ ರವಿ ಬಸ್ರೂರು ಒತ್ತಾಯಿಸಿದರು. ಎಲ್ಲಾ ಅಂದುಕೊಂಡಂತೆ ಆಗಿದ್ದರೆ, ಇಷ್ಟರಲ್ಲಿ ಚಿತ್ರವೇ ಬಿಡುಗಡೆಯಾಗಬೇಕಿತ್ತು. ಈಗ ನೋಡಿದರೆ, ಲಾಕ್ಡೌನ್ನಿಂದ ಎಲ್ಲವೂ ತಡವಾಗಿ, ಆ ಹಾಡು ನನ್ನ ಹುಟ್ಟುಹಬ್ಬಕ್ಕೇ ಬಿಡುಗಡೆಯಾಗುವಂತಾಗಿದೆ’ ಎನ್ನುತ್ತಾರೆ ರಮೇಶ್.
