BiggBoss Kannada: ಬಿಗ್ಬಾಸ್ ಮನೆಯಲ್ಲಿ ಡಾನ್ ಶೆಟ್ಟಿಗಾಗಿ ವರ ಹುಡುಕಾಟದ ಸಮಾರೋಪಕ್ಕೆ ವಿಶೇಷ ವ್ಯಕ್ತಿಯಾಗಿ ಬಿಗ್ಬಾಸ್ 12ರ ಮಾಜಿ ಸ್ಪರ್ಧಿ ರಕ್ಷಿತಾ ಶೆಟ್ಟಿ ಎಂಟ್ರಿ ಕೊಟ್ಟಿದ್ದಾರೆ. ಸದ್ಯ ರಿಲೀಸ್ ಆಗಿರುವ ಪ್ರೊಮೋವು ಹೆಚ್ಚು ಕುತೂಹಲವನ್ನು ಮೂಡಿಸಿದೆ. ಈ ವಾರವೂ ದೊಡ್ಮನೆಯಲ್ಲಿ ಎಂಟರ್ಟೈನ್ಮೆಂಟ್ಗೆ ಯಾವುದೇ ಕೊರತೆ ಇರೋದಿಲ್ಲ ಎನ್ನುವುದನ್ನು ಒಂದು ಭಾಗದ ವೀಕ್ಷಕರು ಹೇಳುತ್ತಿದ್ದರೆ, ಕೆಲವೊಬ್ಬರು ಗಿಲ್ಲಿ ಬರಬೇಕಿತ್ತು ಎಂದು ಬೇಡಿಕೆಯನ್ನಿಟ್ಟಿದ್ದಾರೆ.
ಬಿಗ್ಬಾಸ್ ಮನೆಯಲ್ಲಿ ಟಾಸ್ಕ್ ವಿಚಾರವಾಗಿ ಶೆಟ್ಟಿ ಡಾನ್ ಮದುವೆಗಾಗಿ ವರನನ್ನು ಹುಡುಕಾಡಲಾಗುತ್ತಿದೆ. ವರ ಯಶಸ್ ಮತ್ತು ಗಗನ್ ಅವರ ಕುಟುಂಸ್ಥರು ಶೆಟ್ಟಿ ಡಾನ್ ಮನವೊಲಿಸಬೇಕು. ಕೊನೆಗೆ ಸೌಂದರ್ಯಾ ಶೆಟ್ಟಿ ಒಪ್ಪುವ ವರನ ಟೀಂಗೆ ವಾರದ ವಿಶೇಷ ಸೌಲಭ್ಯ ನೀಡಲಾಗುತ್ತದೆ ಎಂದು ಬಿಗ್ಬಾಸ್ ಟಾಸ್ಕ್ ಕೊಟ್ಟಿದ್ದಾರೆ.
ಶೆಟ್ಟಿ ಡಾನ್ ಒಲಿಸಿಕೊಳ್ಳು ಪೈಪೋಟಿ
ಸದ್ಯ ಮಂಗಳವಾರದ ಎಪಿಸೋಡ್ನಲ್ಲಿ ಗಗನ್ ಮತ್ತು ಯಶಸ್ ಸೌಂದರ್ಯಾ ಅವರನ್ನು ಒಲಿಸಿಕೊಳ್ಳಲು ತರಹೇವಾರಿ ರೀತಿಯಲ್ಲಿ ಯತ್ನಿಸಿದರು. ಯಶಸ್ ಟಿಶ್ಯೂ ಸಹಾಯದಿಂದ ಗಾರ್ಡನ್ ಏರಿಯಾದಲ್ಲಿ ದೊಡ್ಡದಾಗಿ ಐ ಲವ್ ಯೂ ಎಂದು ಬರೆದು ಪ್ರಪೋಸ್ ಮಾಡಿದ್ರೆ, ಇನ್ನೂ ಗಗನ್ ಅವರು ಚಪಾತಿಯನ್ನು ಲಟ್ಟಿಸಿ ಐ ಲವ್ ಯೂ ಎಂದು ಬರೆದು ಕ್ಯೂಟ್ ಆಗಿ ಮೆಚ್ಚುಗೆಗೆ ಪಾತ್ರರಾದರು. ಸದ್ಯ ಈ ಎಂಟರ್ಟೈನ್ಮೆಂಟ್ ಅನ್ನು ಹೆಚ್ಚಿಸಲು ಪಟಾಕಿ ಪೋರಿ ರಕ್ಷಿತಾ ಎಂಟ್ರಿ ಕೊಟ್ಟಿದ್ದಾರೆ.
