ಬಾಕ್ಸಾಫೀಸ್​ನಲ್ಲಿ ಮಾರಿಯಾದ ಕುರಿ ; 3 ದಿನಗಳಲ್ಲಿ ಟೋಬಿ ಗಳಿಸಿದ್ದೆಷ್ಟು?

ವಿಜಯವಾಣಿ ಸುದ್ದಿಜಾಲ ಬೆಂಗಳೂರು

ರಾಜ್​ ಬಿ. ಶೆಟ್ಟಿ, ಚೈತ್ರಾ ಜೆ. ಆಚಾರ್​ ಅಭಿನಯದ "ಟೋಬಿ' ಕಳೆದ ಶುಕ್ರವಾರ (ಆ. 25) ರಾಜ್ಯಾದ್ಯಂತ ಬಿಡುಗಡೆಯಾಗಿದೆ. 150 ಥಿಯೇಟರ್​ಗಳಲ್ಲಿ ಹಾಗೂ 60 ಮಲ್ಟಿಪ್ಲೆಕ್ಸ್​ ಸೇರಿ 210 ತೆರೆಗಳಲ್ಲಿ ರಿಲೀಸ್​ ಆಗಿದೆ. ಮೊದಲ ದಿನ 3 ಕೋಟಿ ರೂ., ಎರಡನೇ 2 ಕೋಟಿ ರೂ. ಗಳಿಸಿರುವ ಚಿತ್ರ, ಆ ಮೂಲಕ ಎರಡು ದಿನಗಳಲ್ಲಿ ಐದು ಕೋಟಿ ರೂ.ಗೂ ಅಧಿಕ ಕಲೆಕ್ಷನ್​ ಮಾಡಿಕೊಂಡಿದೆ. ಇನ್ನು ಭಾನುವಾರ 4 ಕೋಟಿ ರೂ. ಕಲೆಕ್ಷನ್​ ಮಾಡಿಕೊಳ್ಳುವ ನಿರೀಕ್ಷೆಯಿದ್ದು, ಮೊದಲ ವಾರಾಂತ್ಯಕ್ಕೆ ಚಿತ್ರದ ಒಟ್ಟು ಗಳಿಕೆ 10 ಕೋಟಿ ರೂ. ದಾಟಲಿದೆ ಎನ್ನಲಾಗಿದೆ.

ಇದನ್ನೂ ಓದಿ : ʼಖುಷಿʼ ಸಿನಿಮಾ ರಿಲೀಸ್‌ಗೆ ದಿನಗಣನೆ..! ಸೆಪ್ಟಂಬರ್ 1ಕ್ಕೆ ಚಿತ್ರ ಬಿಡುಗಡೆ

ಬಸಿಲ್​ ಚೊಚ್ಚಲ ನಿರ್ದೇಶನದಲ್ಲಿಯೇ ಗೆಲುವಿನ ನಗು ಬೀರಿದ್ದಾರೆ. ಜತೆಗೆ ಮೂಕ "ಟೋಬಿ'ಯ ಪಾತ್ರದಲ್ಲಿ ಮಿಂಚಿರುವ ರಾಜ್​ ಬಿ. ಶೆಟ್ಟಿ ಅಭಿನಯಕ್ಕೆ ಜನರಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಅಷ್ಟೇ ಅಲ್ಲ. ಚಿತ್ರದ ಪ್ರಮುಖ ತಾರಾಗಣದಲ್ಲಿದ್ದ ಚೈತ್ರಾ ಜೆ. ಆಚಾರ್​, ಗೋಪಾಲಕೃಷ್ಣ ದೇಶಪಾಂಡೆ, ದೀಪಕ್​ ಶೆಟ್ಟಿ, ಸಂಯುಕ್ತಾ ಹೊರನಾಡು ನಟನೆಯ ಬಗ್ಗೆಯೂ ಎಲ್ಲೆಡೆ ಉತ್ತಮ ಮಾತುಗಳು ಕೇಳಿಬರುತ್ತಿವೆ.

ಇದನ್ನೂ ಓದಿ : ಸುಶಾಂತ್ ನಿಧನದ​​ ನಂತರ ಇದೀಗ ಭಾರತದ ಶ್ರೀಮಂತ ಉದ್ಯಮಿ ಜೊತೆ ರಿಯಾ ಡೇಟಿಂಗ್​..!?

ಮಿಧುನ್​ ಮುಕುಂದನ್​ ಚಿತ್ರಕ್ಕೆ ಪೂರಕವಾದ ಸಂಗೀತ ನೀಡಿದ್ದಾರೆ ಹಾಗೂ ಕ್ಯಾಮರಾ ಹಿಂದೆ ಪ್ರವಿಣ್​ ಶ್ರಿಯಾನ್​ ಅಚ್ಚುಕಟ್ಟಾದ ಕೆಲಸ ಮಾಡಿ ಗಮನ ಸೆಳೆದಿದ್ದಾರೆಂದು ಹೇಳಲಾಗುತ್ತಿದೆ. ಭಾನುವಾರದವರೆಗೆ (ಆ.27) ಚಿತ್ರತಂಡ ಬೆಂಗಳೂರಿನಲ್ಲಿ ಥಿಯೇಟರ್​ಗಳಿಗೆ ಭೇಟಿ ನೀಡಿ ಪ್ರೇಕ್ಷಕರೊಂದಿಗೆ ಸಿನಿಮಾ ವೀಕ್ಷಿಸಿತ್ತು. ಇದೀಗ ಸೋಮವಾರದಿಂದ "ಟೋಬಿ' ಚಿತ್ರತಂಡ ಮಂಡ್ಯ, ಮೈಸೂರು, ತುಮಕೂರು ಸೇರಿ ರಾಜ್ಯದ ಹಲವೆಡೆ ಪ್ರವಾಸ ಕೈಗೊಂಡಿದೆ. ಚಿತ್ರಮಂದಿರಗಳಿಗೆ ಭೇಟಿ ನೀಡಿ, ಅಭಿಮಾನಿಗಳ ಜತೆ ಸಿನಿಮಾ ನೋಡುತ್ತಿದೆ.

https://www.vijayavani.net/kichcha-sudeep-six-pack-workout-for-46th-movie