ಶಾಲಾ ಮಕ್ಕಳ ಮುಂದೆ ಗುಪ್ತಾಂಗ ಪ್ರದರ್ಶಿಸಿದ ಖ್ಯಾತ ನಟನ ಬಂಧನ​: 2016ರಲ್ಲೂ ಈತ ಅಸಹ್ಯ ಕೃತ್ಯ ಎಸಗಿದ್ದ

ತ್ರಿಸ್ಸೂರ್​: ಶಾಲಾ ಮಕ್ಕಳ ಮುಂದೆ ಗುಪ್ತಾಂಗ ಪ್ರದರ್ಶಿಸುವ ಮೂಲಕ ಅಶ್ಲೀಲ ವರ್ತನೆ ತೋರಿ ಬಂಧನವಾಗಿರುವ ಮಲಯಾಳಂ ನಟ ಶ್ರೀಜಿತ್​ ರವಿ, ತನ್ನ ತಪ್ಪನ್ನು ಒಪ್ಪಿಕೊಂಡಿದ್ದಾರೆ.

ಈ ಪ್ರಕರಣದ ಬಗ್ಗೆ ಸ್ಥಳೀಯ ಖಾಸಗಿ ಮಾಧ್ಯಮವೊಂದು ವರದಿ ಮಾಡಿದೆ. ನಾನು ಅನಾರೋಗ್ಯ ಪೀಡಿತನಾಗಿದ್ದು, ಔಷಧಿಯನ್ನು ತೆಗೆದುಕೊಳ್ಳದಿದ್ದರಿಂದ ಗೊತ್ತಿಲ್ಲದೇ ಈ ತಪ್ಪು ನಡೆದಿದೆ. ಉದ್ದೇಶಪೂರ್ವಕವಾಗಿ ಮಾಡಿದ ತಪ್ಪಲ್ಲ ಎಂದು ಪೊಲೀಸರ ಮುಂದೆ ಶ್ರೀಜಿತ್​ ಹೇಳಿಕೆ ನೀಡಿದ್ದಾರೆಂದು ತಿಳಿದುಬಂದಿದೆ.

ಜುಲೈ 4ರಂದು ಮಧ್ಯಾಹ್ನ 3.30ಕ್ಕೆ ಅಯ್ಯಂಥೋಲ್​ನಲ್ಲಿರುವ ಎಸ್​.ಎನ್​ ಪಾರ್ಕ್​ ಬಳಿ ಕಾರಿನಲ್ಲಿ ಬಂದ ಶ್ರೀಜಿತ್​ ರವಿ, ಶಾಲಾ ಮಕ್ಕಳ ಮುಂದೆ ತನ್ನ ಗುಪ್ತಾಂಗವನ್ನು ಪ್ರದರ್ಶಿಸಿ ಅಶ್ಲೀಲವಾಗಿ ವರ್ತಿಸಿದ್ದಾರೆ. ನಂತರ ಮಕ್ಕಳು ತಮ್ಮ ಪಾಲಕರಿಗೆ ಈ ವಿಚಾರವನ್ನು ತಿಳಿಸಿದ್ದಾರೆ. ತಕ್ಷಣವೇ ಪಾಲಕರು ತ್ರಿಸ್ಸೂರ್​ನ ವೆಸ್ಟ್​ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಸಮೀಪದಲ್ಲಿದ್ದ ಸಿಸಿಟಿವಿ ದೃಶ್ಯಾವಳಿಗಳ ಮೂಲಕ ಆರೋಪಿಯನ್ನು ಪತ್ತೆಹಚ್ಚಿದ್ದಾಗ ಆರೋಪಿ ಶ್ರೀಜಿತ್​ ರವಿ ಎಂಬುದು ಬೆಳಕಿಗೆ ಬಂದಿದೆ. ಈ ಹಿಂದೆ 2016ರಲ್ಲೂ ಶ್ರೀಜಿತ್​ರನ್ನು ಬಂಧಿಸಲಾಗಿತ್ತು. ಆವಾಗಲೂ ಶಾಲಾ ಮಕ್ಕಳಿಗೆ ಗುಪ್ತಾಂಗ ಪ್ರದರ್ಶಿಸಿದ ಆರೋಪದ ಮೇಲೆ ಬಂಧನವಾಗಿತ್ತು. ಆಗಲೂ ನಾನು ಯಾವುದೇ ತಪ್ಪು ಮಾಡಿಲ್ಲ ಎಂದು ಹೇಳಿದ್ದರು. ಆದರೆ, ಈಗ ಆರೋಪಿಯ ಕೃತ್ಯ ಸಿಸಿಟಿವಿಯಿಂದ ಬಯಲಾಗಿದ್ದು, ಮಾತ್ರೆ ತೆಗೆದುಕೊಳ್ಳದಿದ್ದರಿಂದ ಈ ತಪ್ಪು ನಡೆದು ಹೋಗಿದೆ ಎಂದು ಸಬೂಬು ನೀಡಿದ್ದಾರೆ.

ಸದ್ಯ ಆರೋಪಿಯನ್ನು ಬಂಧಿಸಲಾಗಿದ್ದು, ಪೊಲೀಸರು ಹೆಚ್ಚಿನ ವಿಚಾರಣೆಯನ್ನು ನಡೆಸುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/r-chennai-woman-suffering-from-sleepwalking-disorder-depression-dumps-gold-worth-rs-15-lakh-in-atm-dustbin/

https://www.vijayavani.net/r-mandya-husband-wife-clash-family-dispute-mandya-police-extramarital-affair/

https://www.vijayavani.net/a-ksrtc-bus-and-car-accident-in-tiptur/