ಸಮಂತಾ ಜತೆಗಿರೋ ವಿದೇಶಿ ವ್ಯಕ್ತಿ ಯಾರು? ಈ ಒಂದು ವಿಚಾರಕ್ಕೆ ಮತ್ತೆ ಸುದ್ದಿಯಾದ ಸ್ಯಾಮ್​!

ಹೈದರಾಬಾದ್​: ನಟ ನಾಗಚೈತನ್ಯ ಜತೆ ಡಿವೋರ್ಸ್​ ಪಡೆದುಕೊಂಡಾಗಿನಿಂದ ಸೌತ್​ ಬ್ಯೂಟಿ ಸಮಂತಾ ಭಾರೀ ಸುದ್ದಿಯಲ್ಲಿದ್ದಾರೆ. ಅವರ ಪ್ರತಿಯೊಂದು ಚಲನವಲನಗಳನ್ನು ಸೂಕ್ಷ್ಮವಾಗಿ ಗಮನಿಸಲಾಗುತ್ತಿದ್ದು, ಸ್ಯಾಮ್​ ಏನೇ ಮಾಡಿದರೂ ಅದು ತಕ್ಷವೇ ಸುದ್ದಿಯಾಗುತ್ತಿದೆ.

ಇತ್ತೀಚೆಗೆ ಮುಂಬೈನಲ್ಲಿ ನಡೆದ ಕ್ರಿಟಿಕ್ಸ್​ ಚಾಯ್ಸ್​ ಅವಾರ್ಡ್ಸ್​ ಕಾರ್ಯಕ್ರಮದಲ್ಲಿ ಸ್ಯಾಮ್​ ಭಾಗವಹಿಸಿದ್ದರು. ಈ ವೇಳೆ ಅವರು ಧರಿಸಿದ್ದ ಹಾಟ್​ ಡ್ರೆಸ್​ ಎಲ್ಲರ ಹುಬ್ಬೇರಿಸುವುದರ ಜತೆಗೆ ಕೆಲವೇ ಕ್ಷಣಗಳಲ್ಲಿ ಫೋಟೋ ವೈರಲ್​ ಆಗಿ, ಸಿಕ್ಕಾಪಟ್ಟೆ ಟ್ರೋಲ್​ ಕೂಡ ಆಗಿತ್ತು. ಇದಕ್ಕೆ ಸಮಂತಾ ಕೂಡ ಸರಿಯಾದ ತಿರುಗೇಟು ನೀಡಿದ್ದರು. ಇದೀಗ ಸಮಂತಾ ವಿದೇಶಿ ವ್ಯಕ್ತಿಯೊಬ್ಬರ ಜತೆ ಆತ್ಮೀಯವಾಗಿ ತೆಗೆಸಿಕೊಂಡಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಯಾರದು ಎಂಬ ಕುತೂಹಲ ನೆಟ್ಟಿಗರಲ್ಲಿದೆ.

ಫೋಟೋ ನೋಡಿದವರು ಸಮಂತಾಗೆ ಹೊಸ ಬಾಯ್​ಫ್ರೆಂಡ್​ ಸಿಕ್ಕಿದರಾ ಎಂದು ಮಾತನಾಡಿಕೊಳ್ಳುತ್ತಿದ್ದಾರೆ. ಆದರೆ, ಅಸಲಿ ವಿಚಾರ ಏನೆಂದರೆ, ಫೋಟೋದಲ್ಲಿರುವುದು ಹಾಲಿವುಡ್​ನ ಸಾಹಸ ನಿರ್ದೇಶಕ ಯೆನ್ನಿಕ್​ ಬೆನ್​. ಸಮಂತಾರ ಮುಂದಿನ ಯಶೋಧಾ ಚಿತ್ರದಲ್ಲಿ ಸಮಂತಾ ಸಾಹಸ ದೃಶ್ಯಗಳನ್ನು ಬೆನ್​ ನಿರ್ದೇಶನ ಮಾಡಲಿದ್ದಾರೆ.

ಬೆನ್​ ಅವರು ಹಾಲಿವುಡ್​ ಸಿನಿಮಾಗಳಾದ ಟ್ರಾನ್ಸ್​ಪೋರ್ಟರ್​ 3, ಇನ್ಸೆಪ್ಸನ್​, ಡಂಕಿರ್ಕ್​ ಮತ್ತು ಭಾರತೀಯ ಸಿನಿಮಾಗಳಾದ ರಾಯೀಸ್​, ಟೈಗರ್​ ಜಿಂದಾ ಹೈ, ಅತ್ತಾರಿಂಟಿಕಿ ದಾರೇದಿ, ನೇನೊಕ್ಕಡೈನೆ ಸೇರಿದಂತೆ ಹಲವು ಸಿನಿಮಾಗಳಿಗೆ ಸಾಹಸ ನಿರ್ದೇಶನ ಮಾಡಿದ್ದಾರೆ. ಈ ಮುಂಚೆಯೇ ಸಮಂತಾ ನಟಿಸಿದ್ದ ಫ್ಯಾಮಿಲಿ ಮ್ಯಾನ್​ 2 ವೆಬ್​ ಸೀರಿಸ್​ನಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದಾರೆ.

ಯಶೋಧಾ ಚಿತ್ರನ್ನು ಡ್ಯೂ ಹರೀಶ್​ ಎಂಬುವರು ನಿರ್ದೇಶನ ಮಾಡುತ್ತಿದ್ದಾರೆ. ಇದು ಅವರ ಚೊಚ್ಚಲು ನಿರ್ದೇಶನದ ಚಿತ್ರ. ಈ ಚಿತ್ರವೂ ಥ್ರಿಲ್ಲರ್ ಕಥಾಹಂದರ ಹೊಂದಿದ್ದು, ತೆಲುಗು, ತಮಿಳು, ಮಲಯಾಳಂ, ಹಿಂದಿ ಮತ್ತು ಕನ್ನಡದಲ್ಲಿ ಬಿಡುಗಡೆ ಮಾಡುವುದಾಗಿ ಈಗಾಗಲೇ ಘೋಷಿಸಲಾಗಿದೆ. ಶ್ರೀದೇವಿ ಮೂವೀಸ್ ಅಡಿಯಲ್ಲಿ ಶಿವಲೆಂಕ ಕೃಷ್ಣ ಪ್ರಸಾದ್ ಅವರು ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/r-ipl-2022-rcb-star-glenn-maxwell-marries-girlfriend-vini-raman/

https://www.vijayavani.net/r-internet-celeb-actress-gayathri-dies-in-road-accident/

https://www.vijayavani.net/r-gossip-whats-wrong-with-samantha/