ಬಿಗ್​ಬಾಸ್​ ಮನೆಯಿಂದ ಅರ್ಧಕ್ಕೆ ಎಲಿಮಿನೇಟ್ ಆದ ಬಗ್ಗೆ ಕೊನೆಗೂ ಶಾಕಿಂಗ್ ಹೇಳಿಕೆ ನೀಡಿದ ರಾಜೀವ್​!​​

ಬೆಂಗಳೂರು: ಕರೊನಾದಿಂದಾಗಿ ಬಿಗ್​ಬಾಸ್​ ಸೀಸನ್​​ 8ನೇ ಆವೃತ್ತಿ ಅರ್ಧಕ್ಕೆ ಮೊಟಕುಗೊಂಡಿದೆ. ಸ್ಪರ್ಧಿಗಳೆಲ್ಲರು ಇಂದು ಮನೆಯಿಂದ ಹೊರಗೆ ಬರಲಿದ್ದಾರೆ. ಯಾರು ಗೆಲ್ಲಲಿದ್ದಾರೆ? ಯಾರಿಗೆ ಬಹುಮಾನ ದೊರೆಯಲಿದೆ? ಎಂಬ ಮಾಹಿತಿ ಈವರೆಗೂ ತಿಳಿದುಬಂದಿಲ್ಲ.

ಈ ನಡುವೆ ಮನೆಯಿಂದ ಅರ್ಧದಲ್ಲೇ ಎಲಿಮಿನೇಟ್​ ಆಗಿ ಅಚ್ಚರಿಗೆ ಕಾರಣರಾಗಿರುವ ರಾಜೀವ್​, ತಮ್ಮ ಎಲಿಮಿನೇಶನ್​ ಬಗ್ಗೆ ಬೆರಗಾಗುವಂತಹ ಹೇಳಿಕೆ ನೀಡಿ ಇದೀಗ ಸುದ್ದಿಯಾಗಿದ್ದಾರೆ. ಬಿಗ್​ಬಾಸ್​ ಮನೆಯಲ್ಲಿರುವ ಟಾಪ್​ ಫೈನಲಿಸ್ಟ್​ ಸ್ಪರ್ಧಿಗಳಲ್ಲಿ ರಾಜೀವ್​ ಸಹ ಒಬ್ಬರು ಎಂದು ಹೇಳಲಾಗಿತ್ತು. ಆದರೆ, ಅವರ ಅರ್ಧದಲ್ಲೇ ಎಲಿಮಿನೇಟ್​ ಆಗಿದ್ದು ಬಹುತೇಕರಿಗೆ ಅಚ್ಚರಿಯಾಗಿದೆ.

ಅಲ್ಲದೆ, ಈ ವಿಚಾರವಾಗಿ ನೆಟ್ಟಿಗರು ಕಲರ್ಸ್​ ಕನ್ನಡವನ್ನು ಟ್ರೋಲ್​ ಸಹ ಮಾಡಿದ್ದರು. ರಾಜೀವ್​ಗೆ ಮರುಪ್ರವೇಶ ನೀಡುವಂತೆ ಒತ್ತಾಯ ಸಹ ಮಾಡಿದ್ದರು. ಅಷ್ಟರಮಟ್ಟಿಗೆ ರಾಜೀವ್​ ಖ್ಯಾತಿಯನ್ನು ಪಡೆದುಕೊಂಡಿದ್ದರು.

ಇತ್ತೀಚೆಗೆ ನಡೆದ ಸಂದರ್ಶನವೊಂದರಲ್ಲಿ ರಾಜೀವ್​ ತಮ್ಮ ಎಲಿಮಿನೇಟ್​ ಬಗ್ಗೆ ಮಾತನಾಡಿದ್ದು, ಆ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ. ಬಿಗ್​ಬಾಸ್​ ಟ್ರೋಫಿ ಗೆಲ್ಲದೇ ಇದ್ದಿದ್ದರೂ ನನಗೆ ಬೇಸರ ಇರಲಿಲ್ಲ. ಅಂತಿಮ ಸ್ಪರ್ಧಿಗಲ್ಲಿ ನಾನು ಇರುತ್ತೇನೆ ಎಂಬ ಭರವಸೆ ಇತ್ತು. ಆದರೆ, ಅದು ಈಡೇರಲಿಲ್ಲ ಎಂದಿದ್ದಾರೆ.

ತಮ್ಮ ಬಿಗ್​ಬಾಸ್​ ಆಟವನ್ನು ಸಚಿನ್​ಗೆ ಹೋಲಿಕೆ ಮಾಡಿರುವ ರಾಜೀವ್​, ಸಚಿನ್​ 100 ಹೊಡೆದರೆ ಟೀಮ್​ ಇಂಡಿಯಾ ಆ ಪಂದ್ಯವನ್ನ ಸೋಲುತ್ತದೆ ಎಂಬ ನಂಬಿಕೆ ಇತ್ತು. ನಾನು 100 ಅಂಕ ಗಳಿಸುವ ವ್ಯಕ್ತಿಯಲ್ಲ. ಆದರೆ, 85 ಅಂಕ ಪಡೆಯುವ ವಿದ್ಯಾರ್ಥಿಯಂತೂ ಹೌದು. ಕೊನೆಗೆ 13 ಅಥವಾ 12 ವಾರಗಳಾದರೂ ಮನೆಯಲ್ಲಿರುತ್ತೇನೆ ಅಂದುಕೊಂಡಿದ್ದೆ. ಆದರೆ, ಅದು ಆಗಲಿಲ್ಲ ಎಂದು ಬೇಸರು ವ್ಯಕ್ತಪಡಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/r-burglars-torture-and-brutally-ends-british-woman-life-20-in-front-husband/

https://www.vijayavani.net/r-zimbabwean-father-66-with-16-wives-and-151-children-has-a-strict-schedule-to-keep-his-family-growing/

https://www.vijayavani.net/r-watch-husband-loses-pregnant-wife-unborn-child-due-to-covid/