ಲ್ಯಾಂಗ್​ ಮಂಜು-ದಿವ್ಯಾ ಸುರೇಶ್​ ನಡುವಿನ ಅಸಲಿ ಸಂಬಂಧ ಬಯಲು ಮಾಡಿದ ನೆಟ್ಟಿಗರು!

ಬೆಂಗಳೂರು: ಮಹಾಮಾರಿ ಕರೊನಾ ವೈರಸ್​ ಕರಿನೆರಳು ಕಿರುತೆರೆ ಲೋಕದ ಅತಿದೊಡ್ಡ ರಿಯಾಲಿಟಿ ಶೋ ಬಿಗ್​ಬಾಸ್​ ಮೇಲೆ ಬಿದ್ದಿದ್ದು, ಕಾರ್ಯಕ್ರಮ ಅರ್ಧಕ್ಕೆ ಮೊಟಕುಗೊಂಡಿದೆ. ಇದರಿಂದಾಗಿ ಬಿಗ್​ಬಾಸ್​ ಅಭಿಮಾನಿಗಳಿಗೆ ಭಾರಿ ನಿರಾಶೆ ಆಗಿದೆ.

ಕಾರ್ಯಕ್ರಮ ನಿಂತ ಬೆನ್ನಲ್ಲೇ ಸಾಮಾಜಿಕ ಜಾಲತಾಣದಲ್ಲಿ ಸ್ಪರ್ಧಿಗಳ ಕುರಿತ ಚರ್ಚೆ ಶುರುವಾಗಿದೆ. ಶೋ ನ ಆರಂಭದಿಂದ ಸಂಚಲನ ಮೂಡಿಸಿರುವ ಮಜಾಭಾರತದ ಮಂಜ ಮತ್ತು ದಿವ್ಯಾ ಸುರೇಶ್​ ಸಂಬಂಧದ ಬಗ್ಗೆಯು ನೆಟ್ಟಿಗರು ಸ್ಫೋಟಕ ವಿಚಾರವೊಂದನ್ನು ಬಯಲಿಗೆ ಎಳೆದಿದ್ದಾರೆ.

ಇಬ್ಬರ ನಡುವೆ ಲವ್​ ಇದೆ ಎನ್ನುವ ಮಾತುಗಳು ಕೇಳಿಬರುತ್ತಿತ್ತು. ಇದು ಸ್ವತಃ ವೀಕ್ಷಕರಿಗೂ ಅಚ್ಚರಿಯಾಗಿತ್ತು. ಶೋ ನ ಮಧ್ಯೆ ಜೋಡಿ ಟಾಸ್ಕ್​ ಆದಾಗಿನಿಂದ ಅರವಿಂದ್​ ಕೆ.ಪಿ ಮತ್ತು ದಿವ್ಯಾ ಉರುಡುಗ ಸಹ ತುಂಬಾ ಆಪ್ತರಾದರು. ಇವರಿಬ್ಬರ ಜೋಡಿ ತುಂಬಾ ಜನಮನ್ನಣೆಯನ್ನೂ ಗಳಿಸಿದೆ. ಇದೀಗ ಅರವಿಂದ್​-ದಿವ್ಯಾ ಉರುಡುಗ ಜೋಡಿ ಬಗ್ಗೆ ಮೆಚ್ಚುಗೆ ಮಾತುಗಳು ಕೇಳಿಬಂದಿವೆ. ಆದರೆ, ಮಂಜು ಮತ್ತು ದಿವ್ಯಾ ಸುರೇಶ್​ ಜೋಡಿಯನ್ನು ನೆಟ್ಟಿಗರು ಸಿಕ್ಕಾಪಟ್ಟೆ ಟ್ರೋಲ್​ ಮಾಡುತ್ತಿದ್ದಾರೆ.

ಇನ್ನೊಬ್ಬ ಮಹಿಳಾ ಸ್ಪರ್ಧಿಯೊಂದಿಗೆ ಲ್ಯಾಗ್​ ಮಂಜು ಆಪ್ತವಾಗಿದ್ದರೆ, ಆತನ ಬಗ್ಗೆ ಅಸುರಕ್ಷಿತ ಭಾವನೆ ಹೊಂದುತ್ತಿದ್ದರು ಎಂದು ದಿವ್ಯಾ ಸುರೇಶ್​ರನ್ನು ಕಾರ್ಯಕ್ರಮದ ಮೊದಲ ದಿನದಿಂದಲೂ ಟ್ರೋಲ್ ಮಾಡುತ್ತಿದ್ದಾರೆ. ದಿವ್ಯಾ ಉರುಡುಗ ಮತ್ತು ಅರವಿಂದ ಜೋಡಿಯ ಬಗ್ಗೆ ದಿವ್ಯಾ ಸುರೇಶ್​ ಅಸೂಯೆ ಪಟ್ಟಿದ್ದಾರೆಂದು ವೀಕ್ಷಕರು ಟೀಕಿಸಿದ್ದಾರೆ.

ವೀಕ್ಷಕರ ವಿಶ್ಲೇಷಣೆ ಪ್ರಕಾರ ಮಂಜು ಆಟದ ಮೇಲೆ ಗಮನಹರಿಸುತ್ತಿರಲಿಲ್ಲ. ದಿವ್ಯಾ ಸುರೇಶ್​ ಮನೆಯಿಂದ ಹೊರ ಹೋಗಿದ್ದರೆ ಮಂಜು ತಮ್ಮ ಅಸಲಿ ಆಟ ಆಡುತ್ತಿದ್ದರು ಎಂದು ಅಭಿಪ್ರಾಯಪಟ್ಟಿದ್ದಾರೆ. ನೆಟ್ಟಿಗರು ಪ್ರಕಾರ ಬಿಗ್​ ಮನೆಯಲ್ಲಿ ಮಂಜು ಮತ್ತು ದಿವ್ಯಾ ಅವರ ಪ್ರೀತಿಯ ವರ್ತನೆ ಮೇಲ್ನೋಟಕ್ಕೆ ಮಾತ್ರ. ಅವರಿಬ್ಬರ ಸಂಬಂಧ ನಕಲಿ ಎಂದಿದ್ದಾರೆ.

ದಿವ್ಯಾ ಸುರೇಶ್ ಜತೆ​ ಪ್ರೀತಿ ಶುರುವಾದಾಗಿನಿಂದ ಮಂಜು ತನ್ನ ಕಾಮಿಡಿ ಟ್ರ್ಯಾಕ್​ ಅನ್ನೇ ಮರೆತಿದ್ದಾರೆಂದು ನೆಟ್ಟಿಗರು ಹೇಳಿದ್ದಾರೆ. ತಮ್ಮ ಖ್ಯಾತಿಯನ್ನು ಹೆಚ್ಚಿಸಿಕೊಳ್ಳಲು ಮತ್ತು ಬಿಗ್​ಬಾಸ್​ ಮನೆಯಲ್ಲಿ ಹೆಚ್ಚ ದಿನ ಉಳಿಯುವ ತಂತ್ರವಾಗಿ ಇಬ್ಬರು ಪ್ರೀತಿಯ ನಾಟಕ ಆಡುತ್ತಿದ್ದರು ಎಂದು ನೆಟ್ಟಿಗರು ಇಬ್ಬರನ್ನು ಟ್ರೋಲ್​ ಮಾಡುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/big-boss-season-8-to-end-because-of-corona/

https://www.vijayavani.net/r-shyamala-responds-to-cricketers-relationship-with-bhubaneswar/

https://www.vijayavani.net/actress-namita-starting-a-ott-app/