ಬಿಗ್ಬಾಸ್ ಆರಂಭದಲ್ಲಿ ಕಾಮಿಡಿಯಿಂದಲೇ ಸಖತ್ ಸದ್ದು ಮಾಡಿದ್ದ ಮಂಜು ಪಾವಗಡ, ನಂತರದ ದಿನಗಳಲ್ಲಿ ದಿವ್ಯಾ ಸುರೇಶ್ ಜತೆ ಹೆಚ್ಚು ಕಾಣಿಸಿಕೊಳ್ಳುತ್ತಿದ್ದರು. ಇದು ಅವರ ಮೇಲೆ ಋಣಾತ್ಮಕ ಪ್ರಭಾವವೂ ಬೀರಿತು. ಆದರೆ, ದಿವ್ಯಾ ಉರುಡುಗ ಮತ್ತು ಅರವಿಂದ್ ಕೆ.ಪಿ. ನಡುವಿನ ಸಂಬಂಧ ಜಾಲತಾಣದಲ್ಲಿ ಭಾರಿ ಚರ್ಚೆಯಾಗುವುದರೊಂದಿಗೆ ಖ್ಯಾತಿಯನ್ನು ತಂದುಕೊಟ್ಟಿತು. ಬಳಿಕ ಎರಡನೇ ಇನ್ನಿಂಗ್ಸ್ನಲ್ಲಿ ಮಂಜು ದಿವ್ಯಾ ಸುರೇಶ್ರಿಂದ ಕೊಂಚ ಅಂತರ ಕಾಯ್ದುಕೊಂಡಿದ್ದನ್ನು ನೋಡಬಹುದು. ಇದೀಗ ಆಟದ ಮೇಲೆ ಮಂಜು ಸಂಪೂರ್ಣ ಗಮನವಹಿಸಿದ್ದಾರೆ. ಅಲ್ಲದೆ, ಅವರ ಖ್ಯಾತಿ ಮತ್ತಷ್ಟು ಹೆಚ್ಚಾಗಿದೆ. ಟಾಸ್ಕ್ಗಳನ್ನು ಚೆನ್ನಾಗಿ ಮಾಡಿದ್ದಾರೆ ಮತ್ತು ಎಲ್ಲರನ್ನೂ ನಕ್ಕು ನಗಿಸಿದ್ದಾರೆ. ಹೀಗಾಗಿ ಮಂಜು ಮೇಲೆ ಜನರಿಗೆ ಪೂರ್ಣ ವಿಶ್ವಾಸ ಇದೆ ಎನ್ನಬಹುದು.
