ಪುಷ್ಪಾ.. ಅಳಬೇಡ್ಕಣೆ...: ರೊಮ್ಯಾಂಟಿಕ್, ಕಾಮಿಡಿ ಥ್ರಿಲ್ಲರ್ ಸಬ್ಜೆಕ್ಟ್

ಎಪ್ಪತ್ತರ ದಶಕದಲ್ಲಿ ಬಾಲಿವುಡ್​ನಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡಿದ್ದ ‘ಅಮರ್ ಪ್ರೇಮ್ ಚಿತ್ರದ ಫೇಮಸ್ ಡೈಲಾಗ್ ‘ಪುಷ್ಪಾ.. ಐ ಹೇಟ್ ಟಿಯರ್ಸ್’ ಈಗ ಸಿನಿಮಾವೊಂದರ ಟೈಟಲ್ ಆಗಿದೆ.

ಇದು ರೊಮ್ಯಾಂಟಿಕ್ ಮತ್ತು ಕಾಮಿಡಿ ಥ್ರಿಲ್ಲರ್ ಸಬ್ಜೆಕ್ಟ್ ಇರುವ ಚಿತ್ರವಾಗಿದ್ದು, ಕನ್ನಡ ಮತ್ತು ಹಿಂದಿ ಭಾಷೆಗಳಲ್ಲಿ ಫೆ. 28ರಂದು ಬಿಡುಗಡೆ ಆಗುತ್ತಿದೆ. ಈ ಚಿತ್ರದಲ್ಲಿ ನಾಯಕರಾಗಿ ಕನ್ನಡದ ಜೆಕೆ(ಕಾರ್ತಿಕ್ ಜಯರಾಂ) ನಟಿಸಿದ್ದಾರೆ. ಇತ್ತೀಚೆಗೆ ಮಾಧ್ಯಮಗಳ ಜತೆ ಮಾತನಾಡಿದ ಜೆಕೆ, ‘ಹಿಂದಿ ಸೀರಿಯಲ್ ‘ರಾವಣ್’ನಲ್ಲಿ ನಟಿಸುವಾಗ ಈ ಆಫರ್ ಸಿಕ್ಕಿತು. ಈ ಚಿತ್ರದಲ್ಲಿ ಪತಿ- ಪತ್ನಿ ಮತ್ತು ವಿವಾಹೇತರ ಸಂಬಂಧದ ಕುರಿತ ಕಥೆ ಇದೆ.

ಕಪಿಲ್ ಶರ್ಮಾ ಶೋ ಖ್ಯಾತಿಯ ಕೃಷ್ಣಾ ಅಭಿಷೇಕ್, ಅನುಸ್ಮೃತಿ ಮುಖ್ಯಪಾತ್ರದಲ್ಲಿದ್ದಾರೆ. ಒಂದು ರೀತಿ ಅವರದ್ದು ಕಾಮಿಡಿ ವಿಲನ್ ರೋಲ್ ಪಾತ್ರ‘ ಎಂದು ತಿಳಿಸಿದರು. ಸಿನಿಮಾದ ಕ್ಲೈಮ್ಯಾಕ್ಸ್​ನಲ್ಲಿ ಭಾರತೀಯ ಸಂಸ್ಕೃತಿಯೇ ಶ್ರೇಷ್ಠವೆಂದು ತೋರಿಸಲಾಗಿದೆ ಎಂದರು ನಿರ್ದೇಶಕ ದಿನಕರ್ ಕಪೂರ್. ರಾಮ್ ಗುಲಾಟಿ ಸಂಗೀತ ನೀಡಿದ್ದು, ಅರವಿಂದ ಸಿಂಹ ಛಾಯಾಗ್ರಹಣ ಮಾಡಿದ್ದಾರೆ.