"ಕೆಜಿಎ್ ಚಾಪ್ಟರ್ 1', "ಎಕ್ಕ' ಚಿತ್ರಗಳ ಖ್ಯಾತಿಯ ನಟ ಪುನೀತ್ ರುದ್ರನಾಗ್ ಚೊಚ್ಚಲ ಬಾರಿಗೆ ಆ್ಯಕ್ಷನ್-ಕಟ್ ಹೇಳುತ್ತಿರುವ, ಶ್ರೀಮುರಳಿ ನಾಯಕನಾಗಿರುವ ಸಿನಿಮಾ "ಉಗ್ರಾಯುಧಮ್'. ಇದೊಂದು ಪೀರಿಯಾಡಿಕ್ ಡ್ರಾಮಾ ಜಾನರ್ ಕಥೆಯಾಗಿದ್ದು, "ನಿದ್ರಾದೇವಿ ನೆಕ್ಸ್ಟ್ಡೋರ್' ಖ್ಯಾತಿಯ ಜಯರಾಮ್ ದೇವಸಮುದ್ರ ನಿರ್ಮಿಸುತ್ತಿದ್ದಾರೆ. ಚಿತ್ರದ ಬಗ್ಗೆ ನಿರ್ದೇಶಕ ಪುನೀತ್ ರುದ್ರನಾಗ್, "ನಾನು ಚಿತ್ರರಂಗಕ್ಕೆ ಬಂದಾಗಿನಿಂದಲೂ ಶ್ರೀಮುರಳಿ ಮತ್ತು ಕುಟುಂಬದವರು ನನಗೆ ಪ್ರೋತ್ಸಾಹ ನೀಡುತ್ತಿದ್ದಾರೆ. ಇದೀಗ ನನ್ನ ಮೊದಲ ನಿರ್ದೇಶನದ ಚಿತ್ರಕ್ಕೆ ಶ್ರೀಮುರಳಿ ಅವರೇ ನಾಯಕನಾಗಿರುವುದು ಖುಷಿ ನೀಡಿದೆ. "ಉಗ್ರಾಯುಧಮ್' 700 ವರ್ಷಗಳ ಹಿಂದಿನ ಕಥೆ. ನವೆಂಬರ್ನಲ್ಲಿ ಶೂಟಿಂಗ್ ನಡೆಸಲಿದ್ದೇವೆ. ಸಕಲೇಶಪುರದ 135 ಎಕರೆ ಜಾಗದಲ್ಲಿ ಅದ್ಧೂರಿ ಸೆಟ್ ಹಾಕಲಾಗುತ್ತಿದ್ದು, ಹೆಚ್ಚಿನ ಶೂಟಿಂಗ್ ಅಲ್ಲಿಯೇ ನಡೆಯಲಿದೆ. ಈ ಸಿನಿಮಾಗೆ ಡಾ. ರಾಜಕುಮಾರ್ ಅವರೇ ಸ್ಪೂರ್ತಿ' ಎಂದು ಹೇಳಿಕೊಂಡರು.
