ಅಪ್ಪು-ಸುಚಿ ಕಥೆ ಮುಂದುವರಿಯಲಿ: 23 ವರ್ಷಗಳ ಬಳಿಕ ‘ಅಪ್ಪು’ ಸಿನಿಮಾ ರಿ-ರಿಲೀಸ್ ಆಗಿದೆ. ಇಂದಿಗೂ ಈ ಸಿನಿಮಾದ ಕಥೆ ಎಷ್ಟು ತಾಜಾತನದಿಂದ ಕೂಡಿದೆ ಅಲ್ವಾ ಅನಿಸುತ್ತದೆ. ರಿ-ರಿಲೀಸ್ ಆದಾಗಲೇ ನಾನು ಈ ಸಿನಿಮಾವನ್ನು ಪೂರ್ಣವಾಗಿ ನೋಡಿರುವುದು. ‘ಅಪ್ಪು’ ರಿಲೀಸ್ ಆದಾಗ ನಾನು ಸಿನಿಮಾ ನೋಡಿರಲಿಲ್ಲ. ಪಾತ್ರಕ್ಕೆ ನ್ಯಾಯ ಒದಗಿಸಿದ್ದೀನೋ ಅಥವಾ ಇಲ್ಲವೋ ಎಂಬ ಸಣ್ಣ ಭಯದಿಂದಾಗಿ ಆಗ ಚಿತ್ರ ವೀಕ್ಷಿಸಿರಲಿಲ್ಲ. ಕೇವಲ ಹಾಡುಗಳು, ಬಿಟ್ ವಿಡಿಯೋಗಳಷ್ಟೇ ನೋಡಿದ್ದೆ. ಶುಕ್ರವಾರ ಸಹೋದರನ ಜತೆ ಹೋಗಿ ಪೂರ್ತಿ ಸಿನಿಮಾ ನೋಡಿದೆ. ತುಂಬಾ ಇಷ್ಟವಾಯಿತು. ಹಾಡುಗಳು, ಸಂಗೀತ, ಸಾಹಿತ್ಯ, ಸಂಭಾಷಣೆ, ಫೈಟ್ಗಳು ಎಲ್ಲ ಅದ್ಭುತವಾಗಿ ಮೂಡಿಬಂದಿವೆ. ‘ಅಪ್ಪು-ಸುಚಿ’ ಲವ್ ಸ್ಟೋರಿ ಇನ್ನು ಮುಂದುವರಿದರೆ ಚೆಂದ ಅಲ್ವಾ ಅನಿಸಿತು. ಇದು ನನ್ನ ಅಭಿಲಾಷೆ ಕೂಡ.
