ಫೆ.7ರಂದು ಬಿಡುಗಡೆ ಆಗಲಿರುವ ‘ಮಲಂಗ್’ ಚಿತ್ರ ನೋಡಿರುವ ಅನಿಲ್ ಕಪೂರ್, ತಮ್ಮ ಯೌವನದ ದಿನಗಳನ್ನು ನೆನಪಿಸಿಕೊಂಡಿದ್ದಾರೆ. ‘ಚಿತ್ರದ ಪ್ರತಿ ಸೀನ್ ಕೂಡ ಖುಷಿ ಕೊಟ್ಟಿದೆ. ನಾನೂ ಪ್ರೀತಿಯಲ್ಲಿ ಬೀಳಬೇಕು, ನಟ-ನಟಿಯ ಪಾತ್ರದಂತೆ ಪ್ರೇಯಸಿಯೊಂದಿಗೆ ಮೋಜು-ಮಸ್ತಿ ಮಾಡಬೇಕು, ಬೈಕ್ನಲ್ಲಿ ಸುತ್ತಾಡಬೇಕೆಂದು ಮನಸ್ಸಾಗಿದೆ’ ಎಂದಿದ್ದಾರೆ. ಚಿತ್ರದಲ್ಲಿ ಪೊಲೀಸ್ ಅಧಿಕಾರಿಯ ನೆಗೆಟಿವ್ ರೋಲ್ನಲ್ಲಿ ಅನಿಲ್ ಕಪೂರ್ ಕಾಣಿಸಿಕೊಂಡಿದ್ದಾರೆ. ಮೋಹಿತ್ ಸೂರಿ ನಿರ್ದೇಶನದ, ರೊಮ್ಯಾಂಟಿಕ್-ಆಕ್ಷನ್-ಡ್ರಾಮಾ ಕಥಾನಕ ಹೊಂದಿರುವ ‘ಮಲಂಗ್’, ಯುವಮನಸ್ಸುಗಳಿಗೆ ಹೇಳಿ ಮಾಡಿಸಿದ ಚಿತ್ರದಂತಿದೆ. ಸೋಮವಾರ ಈ ಸಿನಿಮಾದ ಟ್ರೇಲರ್ ಬಿಡುಗಡೆ ಆಗಿದ್ದು, ಚಿತ್ರದ ಬಗ್ಗೆ ಭಾರಿ ನಿರೀಕ್ಷೆ ಮೂಡಿದೆ. -ಏಜೆನ್ಸೀಸ್
