ಅಂದಹಾಗೆ, ‘ರೌಡಿ ಫೆಲೋ’ ಚಿತ್ರದ ಶೇ. 75ರಷ್ಟು ಚಿತ್ರೀಕರಣ ಈಗಾಗಲೇ ಮುಗಿದಿದ್ದು, 12 ದಿನಗಳ ಚಿತ್ರೀಕರಣ ಮುಗಿದರೆ ಕುಂಬಳಕಾಯಿ ಒಡೆಯಬಹುದು ಎನ್ನುತ್ತಾರೆ ರೋಹಿತ್. ಇದುವರೆಗೂ ‘ಕರ್ವ’, ‘ಬಕಾಸುರ’ ಮುಂತಾದ ಚಿತ್ರಗಳಲ್ಲಿ ನಟಿಸಿದ್ದ ರೋಹಿತ್, ಈ ಚಿತ್ರವನ್ನು ನಿರ್ದೇಶಿಸಿದ್ದೇ ಒಂದು ಸ್ವಾರಸ್ಯಕರ ಸಂಗತಿ. ‘ನಾಲ್ಕು ಕಥೆಗಳನ್ನು ಕೇಳಿದ್ದೆ. ಈ ಪೈಕಿ ಈ ಕಥೆ ನನಗೆ ಚೆನ್ನಾಗಿರುತ್ತದೆ ಎಂದು ಪ್ರಶಾಂತ್ ನೀಲ್ ಹೇಳಿದ್ದರು. ಈ ಕಥೆಯನ್ನು ತಿದ್ದಿ ಒಂದು ರೂಪ ಕೊಟ್ಟರು. ಈ ಚಿತ್ರವನ್ನು ಯಾರಿಂದ ಮಾಡಿಸಬೇಕು ಎಂದು ಚರ್ಚೆಯಾದಾಗ, ನಾನು ಮಾಡುತ್ತೇನೆ ಎಂದೆ. ಪ್ರಶಾಂತ್ ಹಿಂದೆ ನಿಂತು ಮಾರ್ಗದರ್ಶನ ಮಾಡಿದರು’ ಎನ್ನುತ್ತಾರೆ ರೋಹಿತ್. ರೋಹಿತ್ಗೆ ನಾಯಕಿಯಾಗಿ ವಿದ್ಯಾ ಪ್ರದೀಪ್ ನಟಿಸುತ್ತಿದ್ದು, ಮಿಕ್ಕಂತೆ ಊರ್ವಶಿ, ಅರವಿಂದ್ ಬೋಳಾರ್ ಮುಂತಾದವರು ನಟಿಸುತ್ತಿದ್ದಾರೆ. ರವಿವರ್ಮ ಈ ಚಿತ್ರದ ಮೂಲಕ ಪೂರ್ಣಪ್ರಮಾಣದ ವಿಲನ್ ಪಾತ್ರ ಮಾಡಿದ್ದಾರಂತೆ.
