ಪ್ರವಾಹಪೀಡಿತರಿಗಾಗಿ ಡಾರ್ಲಿಂಗ್ ಪ್ರಭಾಸ್ ನೀಡಿದ ದೇಣಿಗೆ ಎಷ್ಟು ಕೋಟಿ ಗೊತ್ತಾ? ಟಾಲಿವುಡ್​ನಲ್ಲೇ ಅತಿ ಹೆಚ್ಚು!

ಆಂಧ್ರ ಪ್ರದೇಶ: ನಿರಂತರವಾಗಿ ಸುರಿಯುತ್ತಿರುವ ಮಳೆಯಿಂದಾಗಿ ಆಂಧ್ರ ಪ್ರದೇಶ, ಕರ್ನಾಟಕ, ತಮಿಳುನಾಡು ರಾಜ್ಯಗಳಲ್ಲಿ ಸಾಕಷ್ಟು ನಷ್ಟ ಉಂಟಾಗಿದೆ. ಅದರಲ್ಲೂ, ಆಂಧ್ರ ಪ್ರದೇಶದ ತಿರುಪತಿ, ಚಿತ್ತೂರು, ನೆಲ್ಲೂರು, ವೈಜಾಗ್, ಗೋದಾವರಿ ಪ್ರದೇಶಗಳಲ್ಲಿ ಸಾವಿರಾರು ಬೆಳೆ ಹಾನಿ ಮತ್ತು ಜನರು ನೆಲ, ಮನೆ, ರಸ್ತೆಗಳನ್ನು ಕಳೆದುಕೊಂಡಿದ್ದಾರೆ. ಇದರಿಂದ ಜನರಿಗೆ ಸಹಾಯ ಮಾಡಲು ಸರ್ಕಾರಗಳು ಹರಸಾಹಸ ಪಡುತ್ತಿವೆ. ಆದರೆ, ಖುಷಿಯ ವಿಚಾರವೆಂದರೆ ಹಲವು ಸಿನಿ ತಾರೆಯರು ಈ ಸಂಕಷ್ಟಕ್ಕೆ ಸ್ಪಂದಿಸುತ್ತಿದ್ದಾರೆ. ಅಂತಹ ಬಹಳಷ್ಟು ಸಿನಿ ತಾರೆಯರ ಪೈಕಿ ಸದ್ಯ ಸಿಕ್ಕಾಪಟ್ಟೆ ಗಮನ ಸೆಳೆಯುತ್ತಿರುವುದು ತೆಲುಗು ಸ್ಟಾರ್ ನಟ ಡಾರ್ಲಿಂಗ್ ಪ್ರಭಾಸ್.

ಈಗಾಗಲೇ, ಹಲವು ತೆಲುಗು ಸ್ಟಾರ್ ನಟರು ಆಂಧ್ರ ಪ್ರದೇಶ ಸರ್ಕಾರದ ಬೊಕ್ಕಸಕ್ಕೆ ದೇಣಿಗೆ ನೀಡುತ್ತಿದ್ದಾರೆ. ಈ ಸಾಲಿಗೆ ನಟ ಪ್ರಭಾಸ್ ಕೂಡ ಸೇರಿದ್ದು, ಬರೋಬ್ಬರಿ 1 ಕೋಟಿ ದೇಣಿಗೆ ಸರ್ಕಾರಕ್ಕೆ ನೀಡಿದ್ದಾರೆ. ಪ್ರಭಾಸ್ 1 ಕೋಟಿ ದೇಣಿಗೆ ಕೊಟ್ಟಿದ್ದು ಇದೇ ಮೊದಲ ಬಾರಿಯಲ್ಲ. ಈ ಹಿಂದೆ ಕರೊನಾ ಸಮಯದಲ್ಲೂ ತಮ್ಮ ರಾಜ್ಯ ಸರ್ಕಾರಕ್ಕೆ 1 ಕೋಟಿ, ಕೇಂದ್ರ ಸರ್ಕಾರಕ್ಕೆ 3 ಕೋಟಿ ದೇಣಿಗೆ ಕೊಟ್ಟಿದ್ದಾರೆ. ಇದಕ್ಕೂ ಮುನ್ನ ತೆಲುಗು ನಟರಾದ ಚಿರಂಜೀವಿ, ಜೂ.ಎನ್​​ಟಿಆರ್, ಮಹೇಶ್ ಬಾಬು, ರಾಮ್ ಚರಣ್ ಮತ್ತು ಹಲವು ಸ್ಟಾರ್ ನಟರು ಸರ್ಕಾರಕ್ಕೆ ದೇಣಿಗೆ ಕೊಟ್ಟಿದ್ದಾರೆ. ಆದರೆ, ಇಲ್ಲಿಯವರೆಗೆ ಎಲ್ಲಾ ಸಂರ್ದಭಗಳಲ್ಲಿ ಅತಿ ಹೆಚ್ಚು ದೇಣಿಗೆ ಕೊಡುವ ಮೂಲಕ ಅಭಿಮಾನಿಗಳಿಂದ ನಿಜವಾದ ಡಾರ್ಲಿಂಗ್ ಮತ್ತು ಹೀರೋ ಎನಿಸಿಕೊಂಡಿದ್ದಾರೆ ಪ್ರಭಾಸ್. ಜೊತೆಗೆ, ಇಷ್ಟು ದೇಣಿಗೆ ಕೊಟ್ಟರು ನಟ ಪ್ರಭಾಸ್ ಇಲ್ಲಿಯವರೆಗೆ ಎಲ್ಲೂ ಹೇಳಿಕೊಂಡಿಲ್ಲ ಅಥವಾ ಬೇರೆ ನಟರ ಹಾಗೆ ತಮ್ಮ ಸಾಮಾಜಿಕ ಜಾಲತಾಣದಲ್ಲಿಯೂ ಪೋಸ್ಟ್ ಸಹ ಮಾಡಿಲ್ಲ ಎನ್ನಲಾಗಿದೆ. 

https://www.vijayavani.net/kgf-2-dubbing-completed-by-sanjay-dutt-and-prashanth-neel-twitter-post-goes-viral/

https://www.vijayavani.net/pushpa-trailer-crosses-25-million-views-daali-dhananjaya-and-rashmika-look-impresses-kannadigas/