ಶಬರಿಯಲ್ಲಿ ರಚಿತಾ ಡಬಲ್ ಶೇಡ್; ಹುಟ್ಟುಹಬ್ಬಕ್ಕೆ ಪೋಸ್ಟರ್​ಗಳ ಉಡುಗೊರೆ

ಬೆಂಗಳೂರು: ಫಸ್ಟ್​ಲುಕ್ ಮೂಲಕವೇ ಎಲ್ಲರ ಗಮನಸೆಳೆದಿತ್ತು ರಚಿತಾ ರಾಮ್ ಅಭಿನಯದ ‘ಶಬರಿ - ಸರ್ಚಿಂಗ್ ಫಾರ್ ರಾವಣ’ ಸಿನಿಮಾ. ಇದೀಗ ಈ ರಚಿತಾ ಜನ್ಮದಿನಕ್ಕೆ ಮತ್ತೊಂದು ವಿಶೇಷ ಲುಕ್ ಹೊರಬಂದಿದೆ. ಹಿಂದೆಂದೂ ಕಾಣಿಸದ ಶಾರ್ಟ್ ಹೇರ್, ಗಂಭೀರ ಮುಖಭಾವ ಮತ್ತು ರಗಡ್ ಗೆಟಪ್​ನಲ್ಲಿ ರಚಿತಾ ಎದುರಾಗಿದ್ದಾರೆ. ‘ಶಬರಿ - ಸರ್ಚಿಂಗ್ ಫಾರ್ ರಾವಣ’ ಚಿತ್ರವನ್ನು ನವೀನ್ ಶೆಟ್ಟಿ ನಿರ್ದೇಶನ ಮಾಡುತ್ತಿದ್ದಾರೆ.

ರಚಿತಾ ವಿಶೇಷ ಲುಕ್ ಬಗ್ಗೆ ಮಾತನಾಡಿರುವ ಅವರು, ‘ರಚಿತಾ ಅವರ ಪಾಲಿಗಿದು ಹೊಸ ರೀತಿಯ ಸಿನಿಮಾ. ಗ್ಲಾಮರಸ್ ಆಗಿ ಅವರನ್ನು ಇಲ್ಲಿಯವರೆಗೂ ನೋಡಿರಬಹುದು. ಈ ಚಿತ್ರದಲ್ಲಿ ಹೊಸ ಪ್ರಯೋಗಕ್ಕೆ ಮುಂದಾಗಿದ್ದೇವೆ. ಎರಡು ಶೇಡ್​ನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅದರಲ್ಲಿ ಈಗ ಹೊರಬಂದಿರುವ ಲುಕ್ ಸಹ ಒಂದು’ ಎಂಬುದು ನವೀನ್ ಮಾತು. ಮೈಸೂರು ಸೇರಿ ಹಲವೆಡೆ ಶೇ. 30ರಷ್ಟು ಚಿತ್ರೀಕರಣ ಮುಗಿಸಿರುವ ತಂಡ, ಆಯುಧ ಪೂಜೆ ಬಳಿಕ ಮತ್ತೆ ಶೂಟಿಂಗ್ ಆರಂಭಿಸಲಿದೆ. ಕೆಕೆ ಪ್ರೊಡಕ್ಷನ್ಸ್ ಮತ್ತು ಎಟಿಎಂ ಸ್ಟುಡಿಯೋಸ್ ಈ ಚಿತ್ರ ನಿರ್ವಿುಸುತ್ತಿವೆ.

ನೋಡುತಾ ನನ್ನನೇ ... ಹಾಡು ಬಂತು...: ರಚಿತಾ ರಾಮ್ ಬರ್ತ್​ಡೇ ಪ್ರಯುಕ್ತ ‘ಮಾನ್ಸೂನ್ ರಾಗ’, ‘ಲವ್ ಯೂ ರಚ್ಚು’, ‘ವೀರಂ’ ಚಿತ್ರತಂಡಗಳಿಂದ ವಿಶೇಷ ಪೋಸ್ಟರ್​ಗಳು ಉಡುಗೊರೆ ರೂಪದಲ್ಲಿ ಹೊರಬಂದಿವೆ. ಅಜೇಯ್ ರಾವ್ ಜತೆಗಿನ ‘ಲವ್ ಯೂ ರಚ್ಚು’ ಚಿತ್ರದಿಂದ ‘ನೋಡುತಾ ನನ್ನನೇ ...’ ಹಾಡು ಸಹ ಬಿಡುಗಡೆಯಾಗಿದೆ.

https://www.vijayavani.net/1-to-5th-standard-physical-classes-and-mid-day-meals-will-start-together/

https://www.vijayavani.net/an-woman-lost-her-life-after-a-car-hits-bike-this-car-belongs-to-mla/