ಲಾಕ್​ಡೌನ್​ ನಂತರ ಶುರುವಾದ 'ಚಡ್ಡಿದೋಸ್ತ್' ಈಗ ಕೊನೆಯ ಹಂತಕ್ಕೆ ...

ಲಾಕ್​ಡೌನ್​ ನಂತರ ಚಿತ್ರೀಕರಣ ಪ್ರಾರಂಭಿಸಬಹುದು ಎಂದು ಕರ್ನಾಟಕ ಸರ್ಕಾರವು ಆದೇಶ ನೀಡಿತಾದರೂ, ಬಹಳಷ್ಟು ಜನ ಚಿತ್ರೀಕರಣ ಮಾಡುವುದಕ್ಕೆ ಮುಂದೆ ಬರಲಿಲ್ಲ. ಹೀಗಿರುವಾಗಲೇ ನಟ-ನಿರ್ದೇಶಕ ಆಸ್ಕರ್​ ಕೃಷ್ಣ ಒಂದು ಚಿತ್ರವನ್ನು ಪ್ರಾರಂಭಿಸಿದರು. ಅದೇ 'ಚಡ್ಡಿದೋಸ್ತ್​ ಕಡ್ಡಿ ಅಲ್ಲಾಡ್ಸ್​ಬಿಟ್ಟ'.

ಇದನ್ನೂ ಓದಿ: ಇಂದು ಸಂಜೆ ಲೈವ್​ ಬರ್ತಿದ್ದಾರೆ ಪುನೀತ್​ ರಾಜಕುಮಾರ್​

ಹೀಗೆ ಪ್ರಾರಂಭವಾದ 'ಚಡ್ಡಿದೋಸ್ತ್​ ಕಡ್ಡಿ ಅಲ್ಲಾಡ್ಸ್​ಬಿಟ್ಟ' ಚಿತ್ರವು ಇದೀಗ ಮುಕ್ತಾಯದ ಹಂತಕ್ಕೆ ಬಂದಿದೆ. ಈಗಾಗಲೇ ಬೆಂಗಳೂರು, ಕುಣಿಗಲ್ ಹಾಗೂ ಇನ್ನಿತರ ಸ್ಥಳಗಳಲ್ಲಿ ಚಿತ್ರೀಕರಣ ಮುಗಿಸಿಕೊಂಡು ಬಂದಿರುವ ಚಿತ್ರತಂಡ ಮುಂದಿನ ಭಾಗದ ಚಿತ್ರೀಕರಣಕ್ಕೆ ಸಿದ್ಧತೆ ನಡೆಸಿದೆ.

ವಿಶೇಷವೆಂದರೆ, ಈ ಚಿತ್ರವನ್ನು ಆಸ್ಕರ್​ ಕೃಷ್ಣ ನಿರ್ದೇಶನ ಮಾಡುತ್ತಿರುವುದಷ್ಟೇ ಅಲ್ಲ, ಈ ಚಿತ್ರದಲ್ಲಿ ಹೀರೋ ಆಗಿ ಸಹ ನಟಿಸುತ್ತಿದ್ದಾರೆ. ಈ ಚಿತ್ರವು ಖ್ಯಾತ ಕಾದಂಬರಿಕಾರ ಕೌಂಡಿನ್ಯ ಅವರ 'ಮೈ ಡಿಯರ್ ಫ್ರೆಂಡ್' ಎಂಬ ಜನಪ್ರಿಯ ಕಾದಂಬರಿಯನ್ನು ಆಧರಿಸಿದೆ. ಈ ಕಾದಂಬರಿಯನ್ನಿಟ್ಟುಕೊಂಡು ಚಿತ್ರಕಥೆ ಮತ್ತು ಸಂಭಾಷಣೆ ಬರೆಯುವುದರ ಜತೆಗೆ, ಒಂದು ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ ನಟ ಲೋಕೇಂದ್ರ ಸೂಯ.

'ಚಡ್ಡಿದೋಸ್ತ್​ ಕಡ್ಡಿ ಅಲ್ಲಾಡ್ಸ್​ಬಿಟ್ಟ' ಚಿತ್ರವನ್ನು ಸೆವೆನ್​ ರಾಜ್​ ಎನ್ನುವವರು ನಿರ್ಮಿಸುತ್ತಿದ್ದು, ಒಂದು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇನ್ನು ಚಿತ್ರದಲ್ಲಿ ನಾಯಕಿಯಾಗಿ ಮಲಯಾಳಂ ನಟಿ ಗೌರಿ ನಾಯರ್ ಕಾಣಿಸಿಕೊಂಡಿದ್ದಾರೆ. ಚಿತ್ರಕ್ಕೆ ಗಗನ ಕುಮಾರ್ ಛಾಯಾಗ್ರಹಣ, ಅನಂತ್ ಆರ್ಯನ್ ಸಂಗೀತವಿದೆ.

ಇದನ್ನೂ ಓದಿ: ರಾಧಿಕಾ ಪಂಡಿತ್​ ಕೊಟ್ಟ ಸರ್​ಪ್ರೈಸ್​ ಇದು!

ಈ ಚಿತ್ರದ ಕೊನೆಯ ಹಂತದ ಚಿತ್ರೀಕರಣ ಇನ್ನೇನು ಪ್ರಾರಂಭವಾಗಲಿದ್ದು, ಈ ವರ್ಷದ ಕೊನೆಯ ಹೊತ್ತಿಗೆ ಚಿತ್ರ ಬಿಡುಗಡೆಯಾಗುವ ಸಾಧ್ಯತೆ ಇದೆ.

https://www.vijayavani.net/bombay-high-court-postpones-pil-hearing-due-to-heavy-rains-in-city/