ವಿಶೇಷವೆಂದರೆ, ‘ಊಂಚಾಯ್’ (ಎತ್ತರ) ಹೆಸರಿನ ಈ ಸಿನಿಮಾಗೆ ನಾಯಕಿಯಾಗಿ ಪರಿಣಿತಿ ಚೋಪ್ರಾ ಅವರನ್ನು ಆಯ್ಕೆ ಮಾಡಿದ್ದಾರೆ. ಸೂರಜ್ ಬರ್ಜಾತ್ಯ ಚಿತ್ರಗಳೆಂದರೆ ಪರದೆ ತುಂಬಾ ಜನ ತುಂಬಿರುತ್ತಾರೆ. ಈ ಚಿತ್ರದಲ್ಲೂ ಅದನ್ನೇ ಮುಂದುವರೆಸಿದ್ದಾರೆ ಅವರು. ಅಮಿತಾಭ್ ಬಚ್ಚನ್, ಅನುಪಮ್ ಖೇರ್, ಬೋಮನ್ ಇರಾನಿ, ಡ್ಯಾನಿ, ಸಾರಿಕಾ, ನೀನಾ ಗುಪ್ತಾ ಮುಂತಾದವರು ಅಭಿನಯಿಸಿರುವ ಈ ಚಿತ್ರದಲ್ಲಿ ಪರಿಣಿತಿ ಒಬ್ಬರೇ ಚಿಕ್ಕವಯಸ್ಸಿನವರು ಎಂದರೆ ತಪ್ಪಿಲ್ಲ. 60 ಪ್ಲಸ್ ದಾಟಿದ ನಾಲ್ವರು ಹಿರಿಯರ ಕುರಿತ ಕಥೆ ಇದಾಗಿದ್ದು, ಪರಿಣಿತಿ ಒಂದು ಪ್ರಮುಖ ಪಾತ್ರ ಮಾಡುತ್ತಿದ್ದಾರಂತೆ. ಅಕ್ಟೋಬರ್ನಲ್ಲಿ ನೇಪಾಳದಲ್ಲಿ ಚಿತ್ರೀಕರಣ ಪ್ರಾರಂಭವಾಗಲಿದೆ.
