ಚಿರು..ನಿನ್ನ ಅಚ್ಚುಮೆಚ್ಚಿನ ಸ್ಥಳವಾದ ನನ್ನ ಮನೆಗೆ ನಿನಗೆ ಸ್ವಾಗತ ಎಂದು ವಿಡಿಯೋಕ್ಕೆ ಕ್ಯಾಪ್ಷನ್ ಬರೆದಿದ್ದಾರೆ. ಕೈಕಟ್ಟಿ ನಿಂತು, ನಗುತ್ತಿರುವ ಚಿರಂಜೀವಿ ಫೋಟೋವನ್ನು ಇಟ್ಟು, ಅದರ ಸುತ್ತಲೂ ಹಸಿರು, ಬಿಳಿ ಹೂವುಗಳ ಚೆಂದನೆಯ ಮಂಟಪ ಕಟ್ಟಿದ್ದನ್ನು ವಿಡಿಯೋದಲ್ಲಿ ನೋಡಬಹುದು. ಈ ಮೂಲಕ ಅಗಲಿದ ಚಿರುವನ್ನು ತನ್ನ ಮನೆಯಲ್ಲಿ ಜೀವಂತವಾಗಿಟ್ಟಿದ್ದಾರೆ ಪನ್ನಗಭರಣ ಅವರು.
ಇಂದು ಬೆಳಗ್ಗೆಯೂ ಕೂಡ ಒಂದಷ್ಟು ಫೋಟೋಗಳನ್ನು ಅವರು ಹಂಚಿಕೊಂಡಿದ್ದಾರೆ. ಚಿರು, ನೀನು ಇಲ್ಲದೆ ಒಂದು ತಿಂಗಳು ಕಳೆದುಹೋಯಿತು. ಮಾತನಾಡಲು ಸಾಧ್ಯವಾಗುತ್ತಿಲ್ಲ..ಕಣ್ಣಲ್ಲಿ ನೀರು ಬರುತ್ತಿದೆ. ಆದರೂ ಅಳಬಾರದು ಎಂದು ನಿರ್ಧರಿಸಿದ್ದೇವೆ. ಖುಷಿಯಾಗಿರುತ್ತೇವೆ. ನಾವೆಲ್ಲರೂ ಒಟ್ಟಿಗೆ ಸೇರಿದ್ದೇವೆ. ಆದರೆ ಚಿರುವನ್ನು ನೆನಪಿಸಿಕೊಂಡು ಅಳುವುದಿಲ್ಲ. ಬದಲಿಗೆ ಅವನ ನೆನಪಲ್ಲಿ ಸಂಭ್ರಮಪಡುತ್ತೇವೆ..ಅವನೇ ಹೇಳಿದಂತೆ ಎಲ್ಲರೂ ಖುಷಿಯಾಗಿರುತ್ತೇವೆ. ಅವನು ನಮ್ಮ ಕುಟುಂಬ...ಅವನಿಗೆ ಸಂಬಂಧಪಟ್ಟ ವಿಷಯಗಳೆಲ್ಲವೂ ನಮ್ಮದೂ ಹೌದು..ಹಾಗೇ..ನಮ್ಮದೆಲ್ಲವೂ ಅವನಿಗೆ ಸೇರಿದ್ದು. ಪ್ರತಿದಿನ, ಪ್ರತಿಕ್ಷಣ ಅವನ ನೆನಪಲ್ಲಿ ಖುಷಿಯಾಗಿರುತ್ತೇವೆ. ಲವ್..ಯೂ ಫಾರೆವರ್ ಮಚ್ಚಾ..ಎಂದು ಪ್ರೀತಿಯ ಸಾಲುಗಳನ್ನು ಬರೆದಿದ್ದಾರೆ.
