'ಫ್ಯಾಂಟಮ್​' ಚಿತ್ರದಲ್ಲಿ ಪನ್ನಾ ಯಾರೆಂದು ಕೊನೆಗೂ ಸಿಗ್ತು ಉತ್ತರ ...

ಬುಧವಾರವಷ್ಟೇ ಸುದೀಪ್​ ಒಂದು ಟ್ವೀಟ್​ ಮಾಡಿದ್ದರು. 'ಫ್ಯಾಂಟಮ್​' ಚಿತ್ರದ ಪನ್ನಾ ಪಾತ್ರದ ಫಸ್ಟ್​ ಲುಕ್​ ನಾಳೆ ಬಿಡುಗಡೆ ಮಾಡಲಾಗುತ್ತಿದೆ ಎಂದು ಹೇಳಿದ್ದರು.

ಇಷ್ಟಕ್ಕೂ ಈ ಪನ್ನಾ ಯಾರು ಎಂಬ ರಹಸ್ಯವನ್ನು ಅವರು ಬಿಟ್ಟುಕೊಟ್ಟಿರಲಿಲ್ಲ. 'ಆ ಪಾತ್ರದ ಬಗ್ಗೆ ನಮ್ಮ ಸೃಷ್ಟಿಕರ್ತರೇ ಎಲ್ಲಾ ವಿಷಯಗಳನ್ನು ಹೇಳಲಿದ್ದಾರೆ. ಗುರುವಾರ ಬೆಳಿಗ್ಗೆ ಹೊಸ ಪೋಸ್ಟರ್​ ಬಿಡುಗಡೆಯಾಗಲಿದೆ' ಎಂದು ಹೇಳಿದ್ದರು.

ಇದನ್ನೂ ಓದಿ: ಅವಕಾಶಕ್ಕಾಗಿ ರೋಹಿತ್​ ಹತ್ತಿರ ಕೈಮುಗಿದು ಬೇಡಿಕೊಂಡ್ರಾ ಸಾರಾ?

'ಫ್ಯಾಂಟಮ್​' ಚಿತ್ರದಲ್ಲಿ ಶ್ರದ್ಧಾ ಶ್ರೀನಾಥ್​ ನಾಯಕಿಯಾಗಿ ನಟಿಸುತ್ತಿದ್ದಾರೆ ಎಂಬ ಸುದ್ದಿ ಇದೆ. ಇನ್ನು ಚಿತ್ರದ ಮೊದಲ ಸ್ನೀಕ್​ಪೀಕ್​ನಲ್ಲಿ ದೋಣಿಯಲ್ಲಿ ಸುದೀಪ್​ ಜತೆಗೆ ಒಂದು ಹುಡುಗಿ ಇದ್ದಾಳೆ. ಈ ಹುಡುಗಿ ಮತ್ತು ಶ್ರದ್ಧಾ ಇಬ್ಬರಲ್ಲಿ ಪನ್ನಾ ಯಾರು? ಅಥವಾ ಇವರಿಬ್ಬರನ್ನೂ ಬಿಟ್ಟು ಪನ್ನಾ ಎಂಬ ಇನ್ನೊಂದು ಪಾತ್ರ ಯಾವುದಾದರೂ ಇದೆಯಾ? ಎಂಬ ಪ್ರಶ್ನೆಗಳು ಎಲ್ಲರನ್ನೂ ಕಾಡುತ್ತಿದ್ದವು.

ಆ ಪ್ರಶ್ನೆಗಳಿಗೆ ಇದೀಗ ಉತ್ತರ ಸಿಕ್ಕಿದೆ. ಈ ಪನ್ನಾ ಬೇರೆ ಯಾರೋ ಅಲ್ಲ, ಕಿರುತೆರೆ ನಟಿ ನೀತಾ ಅಶೋಕ್​. ಈಗಾಗಲೇ, 'ಯಶೋಧೆ', 'ನಾ ನಿನ್ನ ಬಿಡಲಾರೆ' ಮುಂತಾದ ಧಾರಾವಾಹಿಗಳಲ್ಲಿ ನಟಿಸಿದ್ದ ನೀತಾ, ಈಗ ಮೊದಲ ಬಾರಿಗೆ 'ಫ್ಯಾಂಟಮ್​' ಮೂಲಕ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟಿದ್ದಾರೆ.

ಇದನ್ನೂ ಓದಿ: ಒಂದು ದಿನಕ್ಕೆ ಸೋನುಗೆ ಎಷ್ಟು ಮನವಿ ಬರುತ್ತೆ? ಕೇಳಿದ್ರೆ ಬೆಚ್ಚಿ ಬೀಳ್ತೀರಾ …

ಈ ಚಿತ್ರದಲ್ಲಿ ಅಪರ್ಣಾ ಭಲ್ಲಾಳ್​ ಎಂಬ ಪಾತ್ರದಲ್ಲಿ ಅವರು ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಚಿತ್ರದಲ್ಲಿ ಅವರು ನಿರೂಪ್​ ಭಂಡಾರಿ ಜೋಡಿಯಾಗಿ ನಟಿಸಲಿದ್ದಾರಂತೆ.

ಜಾಕ್​ ಮಂಜು ನಿರ್ಮಾಣ ಮಾಡುತ್ತಿರುವ 'ಫ್ಯಾಂಟಮ್​' ಚಿತ್ರಕ್ಕೆ ಅಜನೀಶ್​ ಲೋಕನಾಥ್​ ಸಂಗೀತ ಸಂಯೋಜಿಸುತ್ತಿದ್ದಾರೆ.

https://www.vijayavani.net/superstar-teaser-released/