ಈ ಕುರಿತು ‘ವಿಜಯವಾಣಿ’ ಜತೆಗೆ ಮಾತನಾಡಿದ ಧನಂಜಯ್, ‘ನಾನು ತುಂಬಾ ಸಿನಿಮಾ ಮಾಡ್ತಿದ್ದೀನಿ ಅಂತ ಎಲ್ಲಾ ಅಂದುಕೊಂಡುಬಿಟ್ಟಿದ್ದಾರೆ. ಹಾಗೇನಿಲ್ಲ. ಈಗಾಗಲೇ ಅಭಿನಯಿಸಿರುವ ‘ಯುವರತ್ನ’, ‘ಪೊಗರು’, ‘ಸಲಗ’, ‘ಬಡವ ರ್ಯಾಸ್ಕಲ್’ ಚಿತ್ರಗಳು ಇಷ್ಟು ಹೊತ್ತಿಗೆ ಬಿಡುಗಡೆಯಾಗಬೇಕಿತ್ತು. ಆದರೆ, ಕರೊನಾ ಮತ್ತು ಲಾಕ್ಡೌನ್ನಿಂದ ಎಲ್ಲಾ ತಡವಾಯ್ತು. ಈ ಮಧ್ಯೆ ನಾನು ಒಪ್ಪಿರೋದು ಮೂರೇಮೂರು ಚಿತ್ರಗಳನ್ನ. ಇನ್ನೊಂದಿಷ್ಟು ಚಿತ್ರಗಳನ್ನು ಕಮಿಟ್ ಆಗಿರುವುದು ಹೌದು. ಆದರೆ, ಅವೆಲ್ಲಾ ಶುರುವಾಗೋದು ಮುಂದಿನ ವರ್ಷವೇ. ಆದರೆ, ಎಲ್ಲಾ ಚಿತ್ರಗಳು ಒಟ್ಟಿಗೆ ಸೇರಿ, ನಾನು ತುಂಬಾ ಬಿಜಿಯಾಗಿಬಿಟ್ಟಿದ್ದೀನಿ ಅನಿಸುವಂತಿದೆ’ ಎಂದು ಸ್ಪಷ್ಟಪಡಿಸುತ್ತಾರೆ.
