‘ಕಂಟೆಂಟ್ ಇರುವ ಕಮರ್ಷಿಯಲ್ ಚಿತ್ರವಿದು. ಈ ಹಿಂದೆಂದೂ ಕಾಣಿಸದ ವಿಶೇಷ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದೇನೆ. ತುಂಬ ಬೇಗ ಚಿತ್ರದ ಕೆಲಸ ಮುಗಿದಿದೆ. ಚಿತ್ರವನ್ನೂ ನೋಡಿದ್ದೇನೆ. ಪ್ರೇಕ್ಷಕರಿಗೆ ಖಂಡಿತ ಇಷ್ಟವಾಗುತ್ತದೆ’ ಎಂಬುದು ಯೋಗಿ ಮಾತು. ‘ನಿರ್ದೇಶಕರ ಈ ಹಿಂದಿನ ‘ರಂಗನಾಯಕಿ’ ಚಿತ್ರದಲ್ಲಿ ನಟಿಸಿದ್ದೇನೆ. ಸಿನಿಮಾ ಮೇಲಿನ ಪ್ಯಾಷನ್, ಸರಿಯಾದ ಸಮಯಕ್ಕೆ ಮುಗಿಸುವ ಅವರ ಹಠ ನಿಜಕ್ಕೂ ಮೆಚ್ಚುವಂಥದ್ದು. ಈ ಚಿತ್ರವೂ ಅಷ್ಟೇ ನೈಜವಾಗಿ ಮೂಡಿಬಂದಿದೆ’ ಎನ್ನುತ್ತಾರೆ ಅದಿತಿ. ಹಿರಿಯ ನಟ ಅಶೋಕ್, ಸಾಯಿಕುಮಾರ್, ಸುಂದರ್, ರಮೇಶ್ ಭಟ್, ಶ್ರುತಿ ನಾಯಕ್, ಪ್ರಶಾಂತ್ ಸಿದ್ದಿ ತಾರಾಗಣದಲ್ಲಿದ್ದಾರೆ. ಮಣಿಕಾಂತ್ ಕದ್ರಿ ಸಂಗೀತ ನೀಡಿರುವ ಈ ಚಿತ್ರಕ್ಕೆ ರಾಕೇಶ್ ಛಾಯಾಗ್ರಹಣ, ಪ್ರೀತಿ ಮೋಹನ್ ಸಂಕಲನವಿದೆ.
