ಇವತ್ತು ಸ್ನೇಹ, ಸಿನಿಮಾ ಹಾಗೂ ಮಾತಿನಲ್ಲಿ ಲೆಕ್ಕಾಚಾರ ಇರಬೇಕಾದರೆ, ನನ್ನ ಹಾಗೂ ಹಂಸಲೇಖರ ಮಧ್ಯೆ ಯಾವುದೇ ಲೆಕ್ಕಾಚಾರ ಇರಲಿಲ್ಲ. ಎಂದಿಗೂ ನಾವು ಲಾಭ-ನಷ್ಟ ಹಾಗೂ ಫಲಿತಾಂಶದ ಬಗ್ಗೆ ಯೋಚಿಸಿರಲಿಲ್ಲ. ನಾವಿಬ್ಬರೂ ಒಂದಿನ ಸಡನ್ ಆಗಿ ದೂರವಾಗಿಬಿಟ್ಟೆವೂ. ಆದರೆ, ಇವತ್ತಿಗೂ ಕಾರಣ ಸರಿಯಾಗಿ ಗೊತ್ತಿಲ್ಲ. ನಮಗೆ ನಾವೇ ಕಾರಣ ಕೊಟ್ಟುಕೊಂಡು ತಿರಗಾಡುತ್ತಿದ್ದೇವೆ ಅಷ್ಟೇ. ಸಮಯವೇ ನಮ್ಮನ್ನು ದೂರ ಮಾಡಿತೋ ಗೊತ್ತಿಲ್ಲ. ಆಗ ನಾನು ಬರೆಯಬೇಕಿತ್ತೇನೋ? ಸಂಗೀತ ಮಾಡಬೇಕಿತ್ತೇನೋ? ಆಗ ದೂರವಾಗಿದ್ದವರು ಮತ್ತೆ ಸೇರಲಿಲ್ಲ. ಮತ್ತೇ ನಾವು ನಾವಿಬ್ಬರೂ ಸೇರಲು ಮತ್ತೊಬ್ಬ ಎನ್. ಎಸ್.ರಾವ್ ಬರಬೇಕು ಅಷ್ಟೇ. ಹಂಸಲೇಖರನ್ನು ನಮಗೆ ಎನ್.ಎಸ್.ರಾವ್ ಪರಿಚಯಿಸಿದರು. ಆಗ ಗಿಟಾರ್ ಹಿಡಿದುಕೊಂಡು ಬಂದಿದ್ದರು. ಆ ಗಿಟಾರ್ ಹಿಡಿದುಕೊಂಡು ನಾನು ಹೊರಟೆ ಅಷ್ಟೇ. ಇನ್ನು, ನಾನು ಹೃದಯವಾದರೆ, ನೀವು ಅದರ ಬಡಿತ ಹಾಗೂ ರಿದಂ. ಇಷ್ಟು ದಿನ ನಾವು ಆ್ಯಕ್ಷನ್ ಹೇಳುವಾಗ, ನೀವು ರಿಯಾಕ್ಟ್ ಮಾಡುತ್ತಿದ್ದೀರಿ. ಈಗ ನಾವು ರಿಯಾಕ್ಟ್ ಮಾಡುವ ಸಮಯ ಬಂದಿದೆ. ಶೀರ್ಷಿಕೆ ‘ಓಕೆ’ ಎಂದು ಇಟ್ಟಿದ್ದೀರಿ, ಅದರ ಕೆಳಗಡೆ ಸ..ರಿ.. ಸೇರಿಸಿ. ನಿಮಗೆ ಸರಿಹೊಂದುತ್ತದೆ’ ಎಂದು ರವಿಚಂದ್ರನ್, ಹಂಸಲೇಖರಿಗೆ ಶುಭ ಕೋರಿದರು.
