ಮತ್ತಷ್ಟು ತೆಳ್ಳಗಾದ ಎನ್​ಟಿಆರ್! ಇಷ್ಟೊಂದು ಸಣ್ಣಗಾಗಲು ಕಾರಣವನ್ನೂ ಬಹಿರಂಗಪಡಿಸಿದ ಸೂಪರ್​ಸ್ಟಾರ್​! NTR

NTR : ಹಲವು ವರ್ಷಗಳ ನಂತರ ಇದೇ ಮೊದಲ ಬಾರಿಗೆ ಜೂನಿಯರ್​ ಎನ್​ಟಿಆರ್​ ಚಲನಚಿತ್ರ ಕಾರ್ಯಕ್ರಮವೊಂದರಲ್ಲಿ ಕಾಣಿಸಿಕೊಂಡರು. ಹೈದರಾಬಾದ್‌ನಲ್ಲಿ ನಡೆದ ಮ್ಯಾಡ್ ಸ್ಕ್ವೇರ್ ಸಿನಿಮಾದ ಸಕ್ಸಸ್​ ಈವೆಂಟ್​ನಲ್ಲಿ ಜೂ. ಎನ್​ಟಿಆರ್ ಭಾಗವಹಿಸಿದ್ದರು. ಈ ವೇಳೆ ಅವರು ತುಂಬಾ ತೆಳ್ಳಗೆ ಕಾಣುತ್ತಿದ್ದರು. ಅವರನ್ನು ನೋಡಿ ಅಭಿಮಾನಿಗಳು ಅಚ್ಚರಿಗೊಂಡಿದ್ದಾರೆ.

ಇದೇ ಈವೆಂಟ್​ನಲ್ಲಿ ಮಾತನಾಡಿದ ಎನ್​ಟಿಆರ್, ತಮ್ಮ ಹೊಸ ಚಿತ್ರದ ವಿವರಗಳನ್ನು ಬಹಿರಂಗಪಡಿಸಿದರು. ಆದರೆ, ಆ ಸಿನಿಮಾ ಯಾವುದೆ ಎಂಬ ಸುಳಿವು ನೀಡಲಿಲ್ಲ. ಅಂದಹಾಗೆ ಎನ್​ಟಿಆರ್​ ಅವರ ಹೊಸ ಚಿತ್ರದ ಚಿತ್ರೀಕರಣ ಈಗಾಗಲೇ ಆರಂಭವಾಗಿದೆ. ಆದರೆ, ಎನ್​ಟಿಆರ್ ಇನ್ನೂ ಚಿತ್ರತಂಡವನ್ನು ಸೇರಿಲ್ಲ. ಶೀಘ್ರದಲ್ಲೇ ಸೆಟ್​ಗೆ ಹೋಗಲಿದ್ದಾರೆ. ಈ ಚಿತ್ರದಲ್ಲಿ ಕಾಲು ಗಂಟೆಯ ಫ್ಲ್ಯಾಷ್ ಬ್ಯಾಕ್ ಸಂಚಿಕೆ ಇದ್ದು, ಅದಕ್ಕಾಗಿ ಅವರು ತೆಳ್ಳಗಿದ್ದಾರೆ ಎಂದು ಹೇಳಲಾಗುತ್ತಿದೆ. ಇದರ ಚಿತ್ರೀಕರಣ ಮುಗಿದ ನಂತರ ಅವರು ಎಂದಿನಂತೆ ತಮ್ಮ ಹಳೆಯ ಲುಕ್​ಗೆ ಮರಳಲಿದ್ದಾರೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: ಹೆಂಡತಿ ಕಿರುಕುಳ ಸಹಿಸಲಾರೆ… ಸಾವೊಂದೆ ನನಗಿರುವ ದಾರಿ ಎಂದು ರೈಲಿಗೆ ಹಾರಿ ಪ್ರಾಣ ಬಿಟ್ಟ ಪತಿ! Wife Torture

ಕೆಜಿಎಫ್ ಮತ್ತು ಸಲಾರ್ ಚಿತ್ರಗಳ ಮೂಲಕ ಪ್ಯಾನ್ ಇಂಡಿಯಾ ಖ್ಯಾತಿ ಗಳಿಸಿದ ಪ್ರಶಾಂತ್ ನೀಲ್, ಎನ್​ಟಿಆರ್​​ ಚಿತ್ರದೊಂದಿಗೆ ಆ ಟ್ರ್ಯಾಕ್ ರೆಕಾರ್ಡ್ ಅನ್ನು ಮುಂದುವರಿಸಲು ದೃಢನಿಶ್ಚಯ ಮಾಡಿದ್ದಾರೆ. ಮುಂದಿನ ವರ್ಷ ಜನವರಿಯಲ್ಲಿ ಹೊಸ ಸಿನಿಮಾ ಬಿಡುಗಡೆ ಮಾಡಲು ಅವರು ಯೋಜಿಸುತ್ತಿದ್ದಾರೆ. ಅದು ಹೇಳಿದ ಸಮಯಕ್ಕೆ ಬಿಡುಗಡೆಯಾಗುತ್ತದೆಯೇ ಅಥವಾ ಇಲ್ಲವೇ ಎಂಬುದನ್ನು ಕಾದು ನೋಡಬೇಕಾಗಿದೆ.

ಆರ್‌ಆರ್‌ಆರ್ ಚಿತ್ರದ ಮೂಲಕ ಭಾರತಾದ್ಯಂತ ಖ್ಯಾತಿ ಗಳಿಸಿದ ತಾರಕ್, ದೇವರ ಮೂವಿ' ಚಿತ್ರದ ಮೂಲಕ ಬ್ಲಾಕ್‌ಬಸ್ಟರ್ ಗಳಿಸಬೇಕೆಂದು ಬಯಸಿದ್ದರು. ಆದರೆ, ಕಲೆಕ್ಷನ್ ಸಾಧಾರಣವಾಗಿತ್ತು. ಈ ಚಿತ್ರ ಜಪಾನ್‌ನಲ್ಲೂ ಬಿಡುಗಡೆಯಾಯಿತು. ಪ್ರಸ್ತುತ, ಎನ್‌ಟಿಆರ್ ಪ್ರಶಾಂತ್ ನೀಲ್ ನಿರ್ದೇಶನದ ಆಕ್ಷನ್ ಎಂಟರ್‌ಟೈನರ್‌ನಲ್ಲಿ ನಟಿಸುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/if-you-dont-have-an-oc-you-wont-get-electricity-map-and-cc-are-mandatory-for-all-buildings

https://www.vijayavani.net/no-more-crying-while-chopping-onion-just-a-little-vinegar-is-all-you-need