ಅಮೀರ್​ ಖಾನ್​ ಮಾತ್ರವಲ್ಲ! ಮೂರನೇ ಬಾರಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಸ್ಟಾರ್​ ನಟ-ನಟಿಯರಿವರು | Aamir Khan

ಮುಂಬೈ: 'ತಾರೇ ಜಮೀನ್​ ಪರ್​', 'ಲಗಾನ್'​ ಖ್ಯಾತಿಯ ಸ್ಟಾರ್​ ಹೀರೋ, ಬಾಲಿವುಡ್​ನ ಹಿರಿಯ ನಟ ಆಮಿರ್ ಖಾನ್ (Aamir Khan) ಇತ್ತೀಚೆಗಷ್ಟೇ ಗೌರಿ ಸ್ಪ್ರಾಟ್ ಜೊತೆಗೆ ಮೂರನೇ ಬಾರಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಈ ಜೋಡಿ ವಿವಾಹ ಸುದ್ದಿ ಬೀಳುತ್ತಿದ್ದಂತೆ ಜಾಲತಾಣಗಳಲ್ಲಿ ಅಮೀರ್​ ಅವರ ಮೊದಲ ಮತ್ತು ಎರಡನೇ ಪತ್ನಿಯ ಸುದ್ದಿಗಳು ಜೋರಾಗಿವೆ. ಮತ್ತೊಂದೆಡೆ, 61ನೇ ವಯಸ್ಸಿನಲ್ಲಿ ಮೂರನೇ ಮದುವೆ ಬೇಕಿತ್ತಾ? ಎಂದು ಒಂದಷ್ಟು ನೆಟ್ಟಿಗರು ಟೀಕಿಸಿದ್ದಾರೆ.

ಕುಟುಂಬ ಮತ್ತು ಸ್ನೇಹಿತರ ಸಮ್ಮುಖದಲ್ಲಿ ಮದುವೆಯಾದ ಗೌರಿ ಮತ್ತು ಅಮೀರ್​, ಚಿತ್ರರಂಗದ ಕಲಾವಿದರು, ರಾಜಕೀಯ ಗಣ್ಯರಿಂದ ಶುಭಾಶಯಗಳನ್ನು ಸ್ವೀಕರಿಸಿದರು. ಈ ಮಧ್ಯೆ, ಸಾಮಾಜಿಕ ಜಾಲತಾಣಗಳಲ್ಲಿ ನಟನ ಅಭಿಮಾನಿಗಳು, ನವ ಜೋಡಿಗೆ ಶುಭ ಹರಿಸಿದರೆ, ಅತ್ತ ಮೂರು ಮದುವೆಯಾದ ಅಮೀರ್​ ಬಗ್ಗೆ ಅನೇಕರು ತಮ್ಮ ತಮ್ಮ ದೃಷ್ಟಿಕೋನಗಳಲ್ಲಿ ಅಭಿಪ್ರಾಯ, ಅನಿಸಿಕೆಗಳನ್ನು ವ್ಯಕ್ತಪಡಿಸುತ್ತಿದ್ದಾರೆ. 1986ರಲ್ಲಿ ರೀನಾ ದತ್ತಾರನ್ನು ವಿವಾಹವಾದ ಅಮೀರ್​ ಜೋಡಿಗೆ ನಟ ಜುನೈದ್ ಖಾನ್ ಮತ್ತು ಇರಾ ಖಾನ್ ಎಂಬ ಇಬ್ಬರು ಮಕ್ಕಳಿದ್ದಾರೆ.

ಈ ದಂಪತಿಗಳು 2002ರಲ್ಲಿ ವಿಚ್ಛೇದನ ಮೂಲಕ ದೂರ ಸರಿದರು. ಅದಾದ 3 ವರ್ಷಗಳ ಬಳಿಕ ಕಿರಣ್ ರಾವ್ ಅವರನ್ನು 2005ರಲ್ಲಿ ಮದುವೆಯಾದ ಅಮೀರ್ ಖಾನ್​ ಜೋಡಿ ಆಜಾದ್ ರಾವ್ ಖಾನ್ ಎಂಬ ಮಗನನ್ನು ದತ್ತು ಪಡೆದರು. ಆದಾಗ್ಯೂ, ದಂಪತಿಗಳು 2021ರಲ್ಲಿ ಡಿವೋರ್ಸ್​ ಘೋಷಿಸಿ, ದಾಂಪತ್ಯ ಜೀವನಕ್ಕೆ ಎಳ್ಳು-ನೀರು ಬಿಟ್ಟರು. ಈಗ ಮೂರನೇ ಬಾರಿ ಅದು 61ನೇ ವಯಸ್ಸಿನಲ್ಲಿ ಗೌರಿ ಅವರ ಕೈಹಿಡಿದಿರುವುದು ಹಲವರಿಗೆ ಆಶ್ಚರ್ಯ ತಂದಿದೆ.

ಅಷ್ಟಕ್ಕೂ ಮೂರನೇ ಬಾರಿಗೆ ಮದುವೆಯಾದ ಜೋಡಿ ಇವರದ್ದೇ ಮೊದಲೇನಲ್ಲ! ಹಿರಿಯ ನಟ ಸಂಜಯ್ ದತ್ ಕೂಡ ಮೂರು ಬಾರಿ ವಿವಾಹವಾಗಿದ್ದಾರೆ. ಅವರ ಮೊದಲ ಮದುವೆ 1987ರಲ್ಲಿ ನಟಿ ರಿಚಾ ಶರ್ಮಾ ಅವರೊಂದಿಗೆ. ಬಿರುಕಿನ ನಂತರ 1998ರಲ್ಲಿ ರಿಯಾ ಪಿಳ್ಳೈ ಜತೆ ಎರಡನೇ ಮದುವೆಯಾದರು. ಈ ದಂಪತಿ ಎರಡೇ ವರ್ಷಕ್ಕೆ ಬೇರ್ಪಟ್ಟು, 2008ರಲ್ಲಿ ವಿಚ್ಛೇದನ ಘೋಷಿಸಿದರು. ಅದೇ ವರ್ಷ, ಸಂಜಯ್ ದತ್ ಮಾನ್ಯತಾ ದತ್ ಎಂಬುವವರ ಜತೆ ಖಾಸಗಿ ಸಮಾರಂಭದಲ್ಲಿ ವಿವಾಹವಾದರು. ಈ ಜೋಡಿಗೆ 2010ರಲ್ಲಿ ಅವಳಿ ಮಕ್ಕಳು ಜನಿಸಿದರು. ಇವರೊಂದಿಗೆ ಓರ್ವ ಪುತ್ರ ಮತ್ತು ಪುತ್ರಿಯೂ ಇದ್ದಾರೆ.

ಕಿಶೋರ್ ಕುಮಾರ್: ಮೊದಲು 1950ರಲ್ಲಿ ರುಮಾ ಗುಹಾ ಠಾಕುರ್ತಾ ಅವರನ್ನು ವಿವಾಹವಾದ ಕಿಶೋರ್​, 1958ರಲ್ಲಿ ವಿಚ್ಛೇದನ ಪಡೆಯುವ ಮುನ್ನವೇ ಅಮಿತ್ ಕುಮಾರ್ ಅವರೊಂದಿಗೆ ದಾಂಪತ್ಯಕ್ಕೆ ಕಾಲಿಟ್ಟರು. ಆ ನಂತರ, 1960ರಲ್ಲಿ, ಬಾಲಿವುಡ್​ನ ಬ್ಯೂಟಿ ನಟಿ ಮಧುಬಾಲಾ ಜೊತೆ ಮದುವೆಯಾದರು. ಆದರೆ, ಹೃದಯ ಕಾಯಿಲೆಯಿಂದಾಗಿ ನಟಿ 1969ರಲ್ಲಿ ನಿಧನರಾದರು. ಬಳಿಕ 1976ರಲ್ಲಿ ನಟಿ ಯೋಗಿತಾ ಬಾಲಿ ಅವರ ಕೈಹಿಡಿದ ಕಿಶೋರ್​, ಕೇವಲ ಎರಡು ವರ್ಷಗಳಿಗೆ ದಾಂಪತ್ಯ ಮುರಿದುಕೊಂಡರು. ಇದಾದ ಮೇಲೂ 1980ರಲ್ಲಿ ನಟಿ ಲೀನಾ ಚಂದಾವರ್ಕರ್​ರನ್ನು ವಿವಾಹವಾದರು.

ನಟ ಮತ್ತು ರಾಜಕಾರಣಿ ಪವನ್ ಕಲ್ಯಾಣ್ ಕೂಡ 3 ಬಾರಿ ವಿವಾಹವಾಗಿದ್ದಾರೆ. ಮೊದಲು 1997ರಲ್ಲಿ ನಂದಿನಿಯನ್ನು ಮದುವೆಯಾದ ಅವರು, 2008ರಲ್ಲಿ ವಿಚ್ಛೇದನ ಪಡೆದುಕೊಂಡರು. 2009ರಲ್ಲಿ ನಟಿ ರೇಣು ದೇಸಾಯಿ ಜೊತೆ ದಾಂಪತ್ಯಕ್ಕೆ ಕಾಲಿಟ್ಟ ಪವನ್​ಗೆ ಇಬ್ಬರು ಮಕ್ಕಳು ಜನಿಸಿದರು. ಮೂರು ವರ್ಷಗಳ ಬಳಿಕ 2012ರಲ್ಲಿ ದಂಪತಿಗಳು ದೂರವಾದರು. 2013ರಲ್ಲಿ, ಪವನ್ ಕಲ್ಯಾಣ್ ರಷ್ಯಾದ ನಟಿ ಅನ್ನಾ ಲೆಜ್ನೆವಾರನ್ನು ಮದುವೆಯಾದರು. ಈ ಜೋಡಿಗೆ ಇಬ್ಬರು ಮಕ್ಕಳಿದ್ದಾರೆ.

ತಮಿಳು, ತೆಲುಗು, ಕನ್ನಡ ಮತ್ತು ಮಲಯಾಳಂ ಚಿತ್ರರಂಗದಲ್ಲಿ ತಮ್ಮದೇ ಛಾಪು ಮೂಡಿಸಿ, 80-90ರ ದಶಕದಲ್ಲಿ ಬಹುಭಾಷೆ ತಾರೆಯಾಗಿ ಮಿಂಚಿದ ನಟಿ ಲಕ್ಷ್ಮಿ ಮೂರು ಬಾರಿ ಮದುವೆಯಾಗಿದ್ದಾರೆ. ಅವರು ಮೊದಲು ಭಾಸ್ಕರ್ ಅವರನ್ನು ವಿವಾಹವಾದ ನಟಿಗೆ ನಟಿ ಐಶ್ವರ್ಯ ಭಾಸ್ಕರ್ ಎಂಬ ಮಗಳು ಜನಿಸಿದರು. ನಂತರ ವಿಚ್ಛೇದನ ಪಡೆದುಕೊಂಡ ಲಕ್ಷ್ಮಿ, 1975ರಲ್ಲಿ ಮಲಯಾಳಂ ನಟ ಮೋಹನ್ ಶರ್ಮಾ ಕೈಹಿಡಿದರು. ಕೆಲವು ವರ್ಷಗಳ ಬಳಿಕ ಬೇರ್ಪಟ್ಟರು ಈ ಜೋಡಿ, 1980ರಲ್ಲಿ ವಿಚ್ಛೇದನ ಘೋಷಿಸಿದರು. ನಂತರ 1987ರಲ್ಲಿ ನಟ ಮತ್ತು ನಿರ್ದೇಶಕ ಶಿವಚಂದ್ರನ್ ಜೊತೆ ಮೂರನೇ ಬಾರಿ ದಾಂಪತ್ಯಕ್ಕೆ ಕಾಲಿಟ್ಟರು.

ಮೊದಲು 1975ರಲ್ಲಿ ನಟ ಪಂಕಜ್ ಕಪೂರ್ ಅವರನ್ನು ವಿವಾಹವಾದರು. ನಂತರ 1984ರಲ್ಲಿ ವಿಚ್ಛೇದನ ಪಡೆದರು. 1990ರಲ್ಲಿ ನಟ ರಾಜೇಶ್ ಖಟ್ಟರ್ ಮದುವೆಯಾದ ಈ ಜೋಡಿಗೆ ಇಶಾನ್ ಖಟ್ಟರ್ ಎಂಬ ಪುತ್ರ ಜನಿಸಿದರು. ಮತ್ತು 2001ರಲ್ಲಿ ದಂಪತಿ ದೂರವಾದರು. ನಂತರ ನಟಿ 2004ರಲ್ಲಿ ರಜಾ ಅಲಿ ಖಾನ್ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಆದರೆ, ಆ ಮದುವೆಯೂ ವಿಚ್ಛೇದನದಲ್ಲಿ ಕೊನೆಗೊಂಡಿತು,(ಏಜೆನ್ಸೀಸ್).