ಚಿತ್ರದ ಹೆಸರು ‘ರೈಡರ್’. ಈ ‘ರೈಡರ್’ ಎಲ್ಲಿಗೆ ರೈಡ್ ಹೋಗ್ತಾನೆ, ಏನು ರೈಡ್ ಮಾಡ್ತಾನೆ ಎಂಬ ರಹಸ್ಯವನ್ನು ಚಿತ್ರತಂಡದವರು ಬಿಟ್ಟುಕೊಟ್ಟಿಲ್ಲ. ಆದರೆ, ಬಿಡುಗಡೆಯಾಗಿರುವ ಪೋಸ್ಟರ್ ಮಾತ್ರ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಅದಕ್ಕೆ ಸರಿಯಾಗಿ ರಗಡ್ ಆಗಿ ಈ ಫೋಸ್ಟರ್ ರೂಪಿಸಲಾಗಿದೆ. ಇದಕ್ಕೂ ಮುನ್ನ ‘ಎನ್ಕೆ 04’ ಎಂಬ ಹೆಸರಿನಲ್ಲಿ ಪ್ರಾರಂಭವಾಗಿದ್ದ ಈ ಚಿತ್ರದ ಅರ್ಧದಷ್ಟು ಚಿತ್ರೀಕರಣವಾಗಿತ್ತು. ಬೆಂಗಳೂರಿನ ಸುತ್ತಮುತ್ತ ಚಿತ್ರದ ಹಲವು ಭಾಗದ ಚಿತ್ರೀಕರಣವಾಗಿತ್ತು. ನಿಖಿಲ್ಗೆ ನಾಯಕಿಯಾಗಿ ಕಾಶ್ಮೀರಾ ಪರದೇಶಿ ಅಭಿನಯಿಸುತ್ತಿದ್ದು, ಮಿಕ್ಕಂತೆ ಸಂಪದ, ಚಿಕ್ಕಣ್ಣ, ಶಿವರಾಜ್ ಕೆ.ಆರ್. ಪೇಟೆ, ರಾಜೇಶ್ ನಟರಂಗ, ದತ್ತಣ್ಣ, ಶೋಭರಾಜ್ ಮುಂತಾದವರು ನಟಿಸುತ್ತಿದ್ದಾರೆ.
