ಎಲ್ಲ ಅಂದುಕೊಂಡಂತೆ ಆಗಿದ್ದರೆ, ಅ.29ರಂದು ಅದ್ಧೂರಿ ಮುಹೂರ್ತ ಮಾಡುವ ಮೂಲಕ ಚಿತ್ರ ಪ್ರಾರಂಭಿಸಬೇಕು ಎಂದು ಚಿತ್ರತಂಡ ಯೋಚಿಸಿತ್ತಂತೆ. ಅಂದು ಪುನೀತ್ ನಿಧನರಾದ ಕಾರಣ ಅದು ಸಾಧ್ಯವಾಗಿರಲಿಲ್ಲ. ಸರಳ ಪೂಜೆಯೊಂದಿಗೆ ಈ ಚಿತ್ರ ಶುರುವಾಗಿದ್ದು, ಇನ್ನೂ 25 ದಿನಗಳ ಚಿತ್ರೀಕರಣ ಬಾಕಿ ಇದ್ದು, ಈ ಮಧ್ಯೆ ಮುಹೂರ್ತ ಸಮಾರಂಭ ಆಯೋಜಿಸುವ ಮೂಲಕ ಮತ್ತೊಮ್ಮೆ ಚಾಲನೆ ನೀಡಲಾಗಿದೆ. ಇಲ್ಲಿ ‘ನಾಚಿ’ ಎಂದರೆ ನಾಯಕಿಯ ಹೆಸರಂತೆ. ನಚಿತಾ ಎನ್ನುವುದು ಆಕೆಯ ಹೆಸರಾಗಿದ್ದು, ಎಲ್ಲರೂ ಪ್ರೀತಿಯಿಂದ ನಾಚಿ ಎಂದು ಕರೆಯುತ್ತಾರಂತೆ. ಅದೊಮ್ಮೆ ಮಲೆನಾಡಿನ ಪ್ರದೇಶವೊಂದರಲ್ಲಿ ಪ್ರಾಚ್ಯವಸ್ತು ಸಂಶೋಧನೆಗೆಂದು ಹೋದಾಗ, ಅಲ್ಲಿ ಏನಾಗುತ್ತದೆ ಎಂಬುದು ಚಿತ್ರದ ಕಥೆ.
