ಈ ಫೋಟೋಗಳಿಗೆ ಒಂದಷ್ಟು ಮೆಚ್ಚುಗೆಯ ಕಮೆಂಟ್ಗಳು ಬಂದಿದ್ದರೂ, ಅವರು ಯುವತಿಯಂತೆ ಉಡುಪು ತೊಟ್ಟು ತೆಗೆಸಿಕೊಂಡಿರುವ ಫೋಟೋಗಳಿಗೆ ಹಲವರು ಕೆಟ್ಟದಾಗಿ ಕಮೆಂಟ್ ಮಾಡಿ ಟ್ರೋಲ್ ಮಾಡಿದ್ದರು. ನಾನು ಫೋಟೋಶೂಟ್ ಮಾಡಿದಕ್ಕೆ ಕೆಲವರು ನೀತಿಗೆಟ್ಟವಳು ಎಂದು ಜರಿದಿದ್ದಾರೆ. ಇನ್ನು ಕೆಲವರು ಮನೆಯಲ್ಲಿ ಕೂತು ಸುಮ್ಮನೆ ಬೈಬಲ್ ಓದಿ. ಇದು ದೇವರನ್ನು ಪ್ರಾರ್ಥಿಸುವ ವಯಸ್ಸು, ನಿಮ್ಮ ದೇಹವನ್ನು ತೋರಿಸುವ ವಯಸ್ಸಲ್ಲ ಎಂದಿದ್ದರೆ, ಇನ್ನು ಕೆಲವರು ಹಳೇ ಆಟೋಗೆ ಹೋಲಿಸಿದ್ದು, ಎಷ್ಟು ಅಲಂಕರಿಸಿದರೂ ಅದು ಹಳೇದೇ ಎಂದು ಜರಿದಿದ್ದಾರೆ ಎಂಬುದಾಗಿ ರಜಿನಿ ಹೇಳಿಕೊಂಡಿದ್ದಾರೆ. ಕೆಲವರು ತಮ್ಮ ಮೇಲಿನ ಹೊಟ್ಟೆಯುರಿಗೆ ಹೀಗೆಲ್ಲ ಹೇಳಿದ್ದಾರೆ ಎಂಬುದಾಗಿಯೂ ರಜಿನಿ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಯಾವ ವಯಸ್ಸಲ್ಲಿ ಬೇಕಿದ್ದರೂ ಬದುಕನ್ನು ಆನಂದಿಸಬಹುದು ಎಂಬುದನ್ನು ತೋರಿಸಲೆಂದೇ ನಾನು ಹೀಗೆ ಫೋಟೋಶೂಟ್ ಮಾಡಿಸಿಕೊಂಡಿದ್ದೆ. ಅದಾಗ್ಯೂ ಕೆಲವರು ನೆಗೆಟಿವ್ ಕಮೆಂಟ್ ಮಾಡಿದ್ದಾರೆ ಎಂದು ಅವರು ಬೇಸರ ವ್ಯಕ್ತಪಡಿಸಿದ್ದಾರೆ. (ಏಜೆನ್ಸೀಸ್)
