ನೇಹಾರ ಈ ಟೀ ಶರ್ಟ್​ ಬೆಲೆ ಕೇಳಿದರೆ ತಲೆ ತಿರುಗುವುದು ಗ್ಯಾರಂಟಿ!

ಮುಂಬೈ: ಸೆಲೆಬ್ರಿಟಿಗಳು ಧರಿಸುವ ಬಟ್ಟೆ ನೋಡಿ ವಾವ್​ ಎಂದು ಬಾಯಿ ತೆರೆಯುವವರಿರುತ್ತಾರೆ. ಆದರೆ ಅದೇ ಬಟ್ಟೆಯ ಬೆಲೆ ಕೇಳಿದರೆ ನೀವು ತಲೆ ತಿರುಗಿ ಬೀಳೋದು ಗ್ಯಾರಂಟಿ. ಸುಪ್ರಸಿದ್ಧ ಗಾಯಕಿ ನೇಹಾ ಕಕ್ಕರ್​ ಅವರ ಈ ಒಂದು ಟೀ ಶರ್ಟ್​ ಬೆಲೆಯಲ್ಲಿ ನೀವು ಏನೇನು ಖರೀದಿಸಬಹುದಿತ್ತು ಎನ್ನುವುದನ್ನು ಊಹಿಸಿಕೊಳ್ಳಿ..

ಇತ್ತೀಚೆಗಷ್ಟೇ ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ನೇಹಾ ಕಕ್ಕರ್​ ಅವರು ಕೆಲ ದಿನಗಳ ಹಿಂದೆ ಪತಿ ರೀಹನ್​ಪ್ರೀತ್​ನೊಂದಿಗೆ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡಿದ್ದಾರೆ. ಮುದ್ದಾದ ಜೋಡಿಯನ್ನು ಕಂಡೊಡನೆ ಜನರು ಅವರೊಂದಿಗೆ ಸೆಲ್ಫಿ ತೆಗೆಸಿಕೊಳ್ಳಲು ಮುಗಿಬಿದ್ದಿದ್ದಾರೆ. ಅಂದ ಹಾಗೆ ಆ ದಿನದಂದು ನೇಹಾ ಗುಸ್ಸಿ ಫ್ಯಾಷನ್​ ಸಂಸ್ಥೆಯ ಕಡು ನೀಲಿ ಬಣ್ಣದ ಟೀ ಶರ್ಟ್​ ಧರಿಸಿದ್ದರು. ಅದಕ್ಕೆ ಮ್ಯಾಚ್​ ಆಗುವಂತೆ ಕಪ್ಪು ಪ್ಯಾಂಟ್ ಮತ್ತು ಬಿಳಿ ಬಣ್ಣದ ಸ್ಪೋರ್ಟ್ಸ್​ ಶೂ ಧರಿಸಿದ್ದರು. ಅವರು ಧರಿಸಿದ್ದ ಆ ಸಿಂಪಲ್​ ಟೀ ಶರ್ಟ್​ನ ಬೆಲೆ ಬರೋಬ್ಬರಿ 590 ಡಾಲರ್​. ಅಂದರೆ ಭಾರತೀಯ ರೂಪಾಯಿಗಳಲ್ಲಿ ಬರೋಬ್ಬರಿ 42 ಸಾವಿರ ರೂಪಾಯಿ.

ಏನೂ ವಿಶೇಷವಿಲ್ಲದ ಆ ಸಿಂಪಲ್​ ಟೀ ಶರ್ಟ್​ಗೆ 42 ಸಾವಿರ ರೂಪಾಯಿ ತೆತ್ತಿದ್ದೇಕೆ ಎನ್ನುವ ಪ್ರಶ್ನೆ ನಿಮ್ಮ ತಲೆಯಲ್ಲಿ ಬಂದಿರಬಹುದು. ಅದಕ್ಕೆಲ್ಲ ಕಾರಣ ಬ್ರ್ಯಾಂಡ್​. ಬಾಲಿವುಡ್​ ಮಂದಿಯ ಫೇವರಿಟ್​ ಎನಿಸಿಕೊಂಡಿರುವ ಗುಸ್ಸಿ ಬ್ರ್ಯಾಂಡ್​. ನಿಮಗೂ ಈ ಟೀ ಶರ್ಟ್​ ಧರಿಸುವ ಆಸೆ ಏನಾದರೂ ಇತ್ತೆಂದರೆ ಗುಸ್ಸಿಯ ಅಧಿಕೃತ ಮಾರ್ಕೆಂಟಿಗ್​​ ಪೇಜ್​ಗೆ ತೆರಳಿ ಟೀ ಶರ್ಟ್​ ಆರ್ಡರ್​ ಮಾಡಬಹುದು. (ಏಜೆನ್ಸೀಸ್​)

ಕ್ಷಣಕ್ಷಣದ ಮಾಹಿತಿಗಾಗಿ ವಿಜಯವಾಣಿ ಫೇಸ್​ಬುಕ್​ ಪೇಜ್​ ಲೈಕ್​ ಮಾಡಿ

https://www.vijayavani.net/lockdown-in-maharashtra-nagpur/

https://www.vijayavani.net/roberrt-darshan-d-boss-sandalwood-kannada-film/