ಈ ಚಿತ್ರಕ್ಕೆ ನಿರ್ವಪಕ ಸಿದ್ದೇಶ ವಿರಕ್ತಮಠ ಅವರೇ ಕಥೆ ಬರೆದಿದ್ದಾರೆ. ಅದಕ್ಕೆ ಕಾರಣರಾದವರು ಅವರ ಮಾವ ವಿಜಯ ಕುಲಕರ್ಣಿ. ರೈತ ಹೋರಾಟಗಾರರಾಗಿರುವ ಅವರಿಂದ ಸಾಕಷ್ಟು ವಿಷಯ ಕಲೆ ಹಾಕಿ, ಕಥೆ ಮಾಡಿ, ಇದೀಗ ರೈತಪರ ಸಿನಿಮಾ ಮಾಡಿದ್ದಾರೆ ವಿರಕ್ತಮಠ. ಕಿರುತೆರೆಯಿಂದ ಹಿರಿತೆರೆಗೆ ಹೀರೋ ಆಗಿ ಬಂದಿರುವ ರಕ್ಷ್, ಬಸಪ್ಪ ಕಡ್ಲಿಕೊಪ್ಪ ಎಂಬ ರೈತನ ಪಾತ್ರ ಮಾಡಿದ್ದಾರೆ. ‘ರೈತರಿ ಸಮಸ್ಯೆಗೆ ಸ್ಪಂದಿಸುವ ಪಾತ್ರ ನನ್ನದು’ ಎನ್ನುವ ಅವರು, ಚಿತ್ರದ ಬಗ್ಗೆ ಸಾಕಷ್ಟು ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಇನ್ನು ಶುಭಾ ಪೂಂಜ ಇಲ್ಲಿ ರಾಣಿ ಎಂಬ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ನಾಯಕನ ಹೋರಾಟಕ್ಕೆ ಸಹಕಾರಿಯಾಗಿ ನಿಲ್ಲುತ್ತಾರಂತೆ. ಮಿಕ್ಕಂತೆ ನೀನಾಸಂ ಅಶ್ವತ್ಥ್ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಂಡರೆ, ಭವ್ಯಾ ಅಧಿಕಾರಿಯಾಗಿ ನಟಿಸಿದ್ದಾರಂತೆ. ಕೇಶವಾದಿತ್ಯ ಸಂಭಾಷಣೆ ಬರೆಯುವುದರ ಜತೆಗೆ ಒಂದು ಹಾಡನ್ನೂ ರಚಿಸಿದ್ದು, ಯಶೋವರ್ಧನ್ ಸಂಗೀತ ಸಂಯೋಜಿಸಿದ್ದಾರೆ.
