ವಿಷ್ಣು ಅಭಿನಯದ ‘ಬಳ್ಳಾರಿ ನಾಗ’ ಚಿತ್ರದಲ್ಲಿ ಅವರ ಬಾಲ್ಯದ ಪಾತ್ರದಲ್ಲಿ ನಿರಂಜನ್ ನಟಿಸಿದ್ದರು. ಅವರ ಆಶೀರ್ವಾದ ಪಡೆಯುವ ರೀತಿಯಲ್ಲಿ ದೃಶ್ಯವನ್ನು ಸಂಯೋಜಿಸಿದ್ದಾರಂತೆ ನಿರ್ದೇಶಕ ಎಚ್.ಬಿ. ಸಿದ್ದು. ಮಂಡ್ಯ ಭಾಗದ ಹುಡುಗನಾಗಿ ನಿರಂಜನ್ ಕಾಣಿಸಿಕೊಂಡಿದ್ದು, ಅವರಿಗೆ ರಾಧ್ಯಾ ಜೋಡಿಯಾಗಿ ನಟಿಸಿದ್ದಾರೆ. ಅವರಿಗೂ ಇದು ಚೊಚ್ಚಲ ಸಿನಿಮಾ. ಶರತ್ ಲೋಹಿತಾಶ್ವ, ‘ಕಾಮಿಡಿ ಕಿಲಾಡಿಗಳು’ ಖ್ಯಾತಿಯ ಪ್ರವೀಣ್, ಅಲೋಕ್ ಸೇರಿ ಹಲವರಿದ್ದಾರೆ. ಕೆ.ಕೆ. ಅಶ್ರಫ್ ನಿರ್ಮಾಣ ಮಾಡಿರುವ ಈ ಚಿತ್ರದ ಹಾಡುಗಳಿಗೆ ಅಭಿಮಾನ್ ರಾಯ್ ಸಂಗೀತ ನೀಡಿದ್ದಾರೆ. ದೀಪು ಕುಮಾರ್ ಸಂಕಲನ, ಚಿದಾನಂದ ಛಾಯಾಗ್ರಹಣ ಚಿತ್ರಕ್ಕಿದೆ. ಇದೇ 20ಕ್ಕೆ ನಿರಂಜನ್ ಬರ್ತ್ಡೇ. ಅಂದು ಚಿತ್ರದ ಹಾಡೊಂದನ್ನು ತಂಡ ಬಿಡುಗಡೆ ಮಾಡಲಿದೆ.
