ನಿನ್ನೊಂದಿಗೆ ಸಂಭ್ರಮಿಸಲು ಕಾಯಲಾಗದು… ಬಾಯ್​ಫ್ರೆಂಡ್​ ಪರಿಚಯಿಸಿದ ನಟಿ ಮೃನಾಲ್​ ಠಾಕೂರ್!

ಮುಂಬೈ: ಸೀತಾ ರಾಮಂ ಸಿನಿಮಾ ಮೂಲಕ ಸೀತಾ ಮಹಾಲಕ್ಷ್ಮೀಯಾಗಿ ಸಾಂಪ್ರದಾಯಿಕ ಪಾತ್ರದಲ್ಲಿ ಎಲ್ಲರ ಮನಸ್ಸು ಗೆದ್ದಿರುವ ನಟಿ ಮೃನಾಲ್​ ಠಾಕೂರ್, ಸದ್ಯ ಸಾಕಷ್ಟು ಸಿನಿಮಾಗಳಲ್ಲಿ ಬಿಜಿಯಾಗಿದ್ದಾರೆ. ಸೀತಾ ರಾಮಂ ಸಿನಿಮಾ ಯಶಸ್ಸಿನ ಬಳಿಕ ಮೃನಾಲ್​ ಅವರ ಅದೃಷ್ಟವೇ ಬದಲಾಗಿದ್ದು, ನಾನಿ, ವಿಜಯ್​ ದೇವರಕೊಂಡ ಸೇರಿದಂತೆ ಅನೇಕ ಸ್ಟಾರ್​ ನಟರ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಸದ್ಯ ಸ್ಟಾರ್​ ನಟಿಯರ ಸಾಲಿಗೆ ಮೃನಾಲ್​ ಸೇರಿಕೊಂಡಿದ್ದಾರೆ.

ಬೆಳ್ಳಿ ಪರದೆಗೆ ಕಾಲಿಡುವ ಮುನ್ನ ಬಾಲಿವುಡ್ ಧಾರಾವಾಹಿಗಳ ಮೂಲಕ ಮೃನಾಲ್​ ಹೆಚ್ಚು ಸದ್ದು ಮಾಡಿದ್ದರು. ತನ್ನ ಗ್ಲಾಮರ್ ಶೋ ಜೊತೆಗೆ ತನ್ನ ಅದ್ಭುತ ನಟನೆಯಿಂದ ಎಲ್ಲರ ಗಮನ ಸೆಳೆದರು. ಇದರಿಂದ ಬಾಲಿವುಡ್​ನಲ್ಲಿ ಅವಕಾಶಗಳು ಸಿಕ್ಕವು. ಅಲ್ಲದೆ, ಮಲಯಾಳಂ ಹೀರೋ ದುಲ್ಕರ್ ಸಲ್ಮಾನ್ ಅವರೊಂದಿಗೆ ತೆಲುಗಿನಲ್ಲಿ ನಟಿಸಿದ ಮೊದಲ ಚಿತ್ರ ಸೀತಾ ರಾಮಂ ಬಾಕ್ಸ್​ ಆಫೀಸ್​ನಲ್ಲಿ ಧೂಳೆಬ್ಬಿಸಿತು. ಮೊದಲ ಚಿತ್ರದಲ್ಲೇ ಮೃನಾಲ್​ ಪ್ರೇಕ್ಷಕರ ಹೃದಯವನ್ನು ಗೆದ್ದರು. ಸೀತೆಯ ಪಾತ್ರದಲ್ಲಿ ನಟಿಸಿ ಅಭಿಮಾನಿಗಳ ಮನದಲ್ಲಿ ಅಚ್ಚಳಿಯದ ಛಾಪು ಮೂಡಿಸಿದ್ದಾರೆ.

ಈ ಚಿತ್ರದ ಯಶಸ್ಸಿನ ಬಳಿಕ ಮೃನಾಲ್​ ಅವರಿಗೆ ಆಫರ್‌ಗಳ ಸುರಿಮಳೆ ಹರಿದುಬರುತ್ತಿವೆ. ನಾನಿ ನಾಯಕನಾಗಿ ನಟಿಸಿರುವ ಹಾಯ್ ನನ್ನ ಚಿತ್ರದಲ್ಲಿ ಅವಕಾಶ ಸಿಕ್ಕಿತು. ಈ ಚಿತ್ರ ಸೂಪರ್​ ಡೂಪರ್​ ಹಿಟ್​ ಆಯಿತು. ಇದಾದ ನಂತರ ವಿಜಯ್ ದೇವರಕೊಂಡ ಅಭಿನಯದ “ಫ್ಯಾಮಿಲಿ ಸ್ಟಾರ್” ಸಿನಿಮಾದಲ್ಲಿ ನಟಿಸಿದರು. ಈ ಸಿನಿಮಾ ಫ್ಲಾಪ್ ಆದ ಹಿನ್ನೆಲೆಯಲ್ಲಿ ಸಿನಿಮಾಗಳಿಂದ ಮೃನಾಲ್​ ಕೊಂಚ ಬ್ರೇಕ್ ತೆಗೆದುಕೊಂಡಿದ್ದಾರೆ. ಆದಾಗ್ಯೂ, ಸದಾ ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿರುತ್ತಾರೆ ಮತ್ತು ಅಭಿಮಾನಿಗಳ ಜತೆ ನಿರಂತರ ಸಂಪರ್ಕದಲ್ಲಿ ಇರುತ್ತಾರೆ. ತನ್ನ ಮನಮೋಹಕ ಫೋಟೋಗಳನ್ನು ಹಂಚಿಕೊಳ್ಳುವ ಮೂಲಕ ಪಡ್ಡೆ ಹುಡುಗರ ನಿದ್ದೆಗೆಡಿಸುತ್ತಿರುತ್ತಾರೆ.

ಇದೀಗ ಮೃನಾಲ್​ ಅವರು ವ್ಯಕ್ತಿಯೊಬ್ಬರ ಜತೆಗಿರುವ ಫೋಟೋವನ್ನು ಇತ್ತೀಚೆಗಷ್ಟೇ ತಮ್ಮ ಇನ್​ಸ್ಟಾಗ್ರಾಂ ಸ್ಟೋರಿಯಲ್ಲಿ ಪೋಸ್ಟ್​ ಮಾಡಿ ಹುಟ್ಟುಹಬ್ಬದ ಶುಭಾಶಯಗಳನ್ನು ತಿಳಿಸಿದ್ದರು. ಉತ್ತಮ ಸ್ನೇಹಿತ ಮತ್ತು ಅದ್ಭುತ ವ್ಯಕ್ತಿಗೆ ಹುಟ್ಟುಹಬ್ಬದ ಶುಭಾಶಯಗಳು. ಈ ದಿನ ಪ್ರೀತಿ, ನಗು ಮತ್ತು ನಿಮ್ಮ ನೆಚ್ಚಿನ ವಿಷಯಗಳಿಂದಲೇ ತುಂಬಿರಲಿ. ನಿನ್ನ ಸ್ನೇಹ ಮತ್ತು ನೀನು ನನಗೆ ನೀಡಿದ ಬೆಂಬಲಕ್ಕೆ ನಾನು ಮನಸೋತಿದ್ದೇನೆ. ಮತ್ತೊಂದು ಅತ್ಯುತ್ತಮ ವರ್ಷ ನಿನ್ನದಾಗಲಿ. ಈ ವರ್ಷ ಸಂತೋಷ, ಯಶಸ್ಸು ಮತ್ತು ಸಂಭ್ರಮಿಸಲು ಮತ್ತಷ್ಟು ಕಾರಣಗಳು ನಿನ್ನ ಅರಸಿ ಬರಲಿ. ಈ ವಿಶೇಷ ದಿನದಲ್ಲಿ ನಿನಗೆ ಶುಭಕೋರುತ್ತೇನೆ ಮತ್ತು ಚೆನ್ನೈನಲ್ಲಿ ನಾಳೆ ಭೇಟಿಯಾಗೋಣ. ಸಂಭ್ರಮಾಚರಣೆ ಮಾಡಲು ಕಾಯಲಾಗದು ಎಂದು ಮೃನಾಲ್​ ಬರೆದುಕೊಂಡಿದ್ದರು.

ಇದೀಗ ಈ ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಅದನ್ನು ನೋಡಿದ ಅಭಿಮಾನಿಗಳು ಆ ಫೋಟೋದಲ್ಲಿರುವ ವ್ಯಕ್ತಿ ಯಾರೆಂದು ಕೇಳಲು ಆರಂಭಿಸಿದ್ದಾರೆ. ಮೃನಾಲ್​ ಮತ್ತು ಆ ವ್ಯಕ್ತಿ ನಡುವಿನ ಸಂಬಂಧ ಏನೆಂದು ಕೇಳುತ್ತಿದ್ದಾರೆ. ಆಕೆಯ ಬರೆದಿರುವ ಮೆಸೇಜ್​ ನೋಡಿ ಬಹುಶಃ ಮೃನಾಲ್​ ಅವರ ಬಾಯ್​ಫ್ರೆಂಡ್​ ಇರಬಹುದೆಂದು ನೆಟ್ಟಿಗರು ಊಹಿಸಿದ್ದಾರೆ. ಇದಕ್ಕೆ ಮೃನಾಲ್​ ಅವರೇ ಉತ್ತರ ಕೊಡಬೇಕಿದೆ. (ಏಜೆನ್ಸಿಸ್​)

https://www.vijayavani.net/do-you-have-a-swastik-symbol-on-your-palm-you-have-to-be-shocked-to-hear-its-meaning

https://www.vijayavani.net/orange-color-rare-to-catch-the-eye-first-discovered-in-the-world-in-this-indian-state-dont-kill