ಪ್ರಣವ್​ ಮೋಹನ್​ ಲಾಲ್ ಜೊತೆ ಕಲ್ಯಾಣಿ ಪ್ರಿಯದರ್ಶನ್​​ ಮದುವೆ?; ಹೃದಯಂ ಜೋಡಿಗಳ ಬಗ್ಗೆ ತಾಯಿ ಹೇಳಿದ್ದೇನು?..Kalyani Priyadarshan

ಕಲ್ಯಾಣಿ ಪ್ರಿಯದರ್ಶನ್​ ಮತ್ತು ಪ್ರಣವ್​​ ಮದುವೆಯಾಗ್ತಾರೆ. ಡೇಟಿಂಗ್​ ನಲ್ಲಿದ್ದಾರೆ ಎನ್ನುವ ಸಾಕಷ್ಟು ಊಹಾಪೋಹಗಳು ಹೃದಯಂ ಸಿನಿಮಾದ ನಂತರ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ.  ಹೀಗಾಗಿ ಕಲ್ಯಾಣಿ ಅವರ ತಾಯಿ ಲಿಸ್ಸಿ ಅವರ ಪೋಸ್ಟ್​ಗೆ ನೇರವಾಗಿ ಅಭಿಮಾನಿಯೊಬ್ಬ ಇನ್​ಸ್ಟಾಗ್ರಾಂನಲ್ಲಿ ಪ್ರಶ್ನೆ ಮಾಡಿದ ಸಂದರ್ಭದಲ್ಲಿ ಅವರು ಈ ಬಗ್ಗೆ ಸ್ಪಷ್ಟನೆ ಕೊಟ್ಟಿದ್ದಾರೆ.

ಮಾಜಿ ನಟಿ ಮತ್ತು ಕಲ್ಯಾಣಿಯವರ ತಾಯಾದ ಲಿಸ್ಸಿ ಅವರು  ವಿಷು ಹಬ್ಬದ ಹಿನ್ನೆಲೆ ಇನ್​ಸ್ಟಾಗ್ರಾಂನಲ್ಲಿ ಪೋಸ್ಟ್​ವೊಂದನ್ನು ಹಂಚಿಕೊಂಡಿದ್ದರು. ಎಲ್ಲರಿಗೂ ಸಮೃದ್ಧಿ ಆರೋಗ್ಯ, ಆಸ್ತಿ ಸಂತೋಷ ನೀಡಲಿ ಎಂದು ಶುಭಾಷಯ ಕೋರಿದ್ದರು.  ಆಗ ಆಕಾಶ್​ ಎಂಬುವವರು ನಾನು ಕಲ್ಯಾಣಿ ಮತ್ತು ಪ್ರಣವ್​ರ ಮದುವೆಯ ದಿನಕ್ಕಾಗಿ ಕಾತುರದಿಂದ ಕಾಯುತ್ತಿದ್ದೇನೆ ಎಂದು ಟೆಕ್ಸ್ಟ್​ ಮಾಡಿದ್ದರು. ಇದಕ್ಕೆ ಆಕೆ ಉತ್ತರಿಸಿದ್ದಾರೆ. 

ಪ್ರಣವ್​ ಕುಟುಂಬ ಮತ್ತು ಕಲ್ಯಾಣಿ  ಕುಟುಂಬಸ್ಥರ ಸಂಬಂಧ ಇಂದು ನಿನ್ನೆಯದಲ್ಲ.  ನಿರ್ದೇಶಕ ಪ್ರಿಯದರ್ಶನ್​  ಮತ್ತು ಮೋಹನ್​​ ಲಾಲ್​ ಕುಟುಂಬದ ನಡುವೆ ದಶಕಗಳಿಂದ ಆಪ್ತ ಬಾಂಧವ್ಯವಿದೆ.  ಕಲ್ಯಾಣಿ ಮತ್ತು ಪ್ರಣವ್​ ಬಾಲ್ಯದಿಂದಲೂ ಒಟ್ಟಾಗಿ ಬೆಳೆದವರು. ಈ ಹಿಂದೆಯೊಮ್ಮೆ  ಪಾಡ್​ಕಾಸ್ಟ್​​ವೊಂದರಲ್ಲಿ ಲಿಸ್ಸಿ ಮಾತನಾಡುತ್ತಾ, 'ಇಬ್ಬರ ಮಧ್ಯೆ ಗಾಢವಾದ ಸ್ನೇಹ ಇದೆ. ಅವರ ನಡುವೆ ಇರುವುದು ಅಣ್ಣ-ತಂಗಿಯಂತಹ ಸಂಬಂಧ. ಅವರಿಬ್ಬರ ನಡುವೆ ಪ್ರೇಮ ಸಂಬಂಧ ಇಲ್ಲ' ಎಂದು ಹೇಳಿದ್ದರು.

ಕಲ್ಯಾಣಿ ಮತ್ತು ಪ್ರಣವ್ 'ಹೃದಯಂ' ಮತ್ತು 'ವರ್ಷಂಗಲ್ಕು ಶೇಷಂ' ಚಿತ್ರಗಳಲ್ಲಿ ಜೊತೆಯಾಗಿ ನಟಿಸಿದ್ದರು. ಲೋಕಃ ಭಾಗ ಎರಡರ ಚಿತ್ರೀಕರಣ 2026ರಲ್ಲಿ ಚಿತ್ರೀಕರಣ ಆರಂಭವಾಗಲಿದೆ. ಲೋಕಃ ಭಾಗ1  ಮಾಲಿವುಡ್​  ಮಾತ್ರವಲ್ಲದೇ ಇಡೀ ಭಾರತ ಸಿನಿಮಾರಂಗದಲ್ಲೇ ಧೂಳೆಬ್ಬಿಸಿತ್ತು. ಪ್ರಣವ್​ ಮೋಹನ್​ ಲಾಲ್​ ಅವರ ಡೈಸ್​ ಇರೇ ಸಿನಿಮಾವು ಕಳೆದ ವರ್ಷ ರಿಲೀಸ್​ ಆಗಿ ಭಾತಿ ಯಶಸ್ಸು ಕಂಡಿತ್ತು, (ಏಜೆನ್ಸೀಸ್​)