3 ಫ್ಲಾಪ್​ ಚಿತ್ರಗಳಿಂದ ಪಾರಾದ ಮಾಲಿವುಡ್​ ಹೀರೋ! 'ಲಕ್ಕಿ ಭಾಸ್ಕರ್'​ ಈ ದುಲ್ಕರ್​ | Dulquer Salmaan

Dulquer Salmaan: ದಳಪತಿ ವಿಜಯ್ ಅಭಿನಯದ ಬಹುನಿರೀಕ್ಷಿತ ತಮಿಳು ಚಿತ್ರ 'ಜನನಾಯಗನ್' ಸೆನ್ಸಾರ್ ಮಂಡಳಿಯ ಅಡಚಣೆಯಿಂದ ಮುಂದೂಡಿಕೆಯಾದರೆ, ನಟ ಶಿವಕಾರ್ತಿಕೆಯನ್​ ನಟನೆಯ 'ಪರಾಶಕ್ತಿ'ಗೆ ಅದೇ ವರವಾಯಿತು. ತನ್ನೊಂದಿಗೆ ಯಾವ ಸಿನಿಮಾ ಕೂಡ ಪೈಪೋಟಿಗಿಲ್ಲದ ಕಾರಣ, ಉತ್ತಮ ಓಟ, ಗಳಿಕೆ, ವಿಮರ್ಶೆ ಕಾಣಬಹುದು ಎಂದೇ ಚಿತ್ರತಂಡ ನಿರೀಕ್ಷಿಸಿತು. ಆದರೆ, ಈ ಚಿತ್ರ ಸಾಕಷ್ಟು ಟೀಕೆ, ಚರ್ಚೆಗೆ ಗ್ರಾಸವಾಗಿದ್ದೇ ಸದ್ಯ ಫ್ಲಾಪ್​ ಹಾದಿ ಹಿಡಿಯುವಂತಾಗಿದೆ.

ಆರಂಭದಲ್ಲಿ ಈ ಚಿತ್ರಕ್ಕೆ 'ಪುರನನೂರ್' ಎಂಬ ತಾತ್ಕಾಲಿಕ ಟೈಟಲ್​ ಇಡಲಾಗಿತ್ತು. ಒಂದಷ್ಟು ಭಿನ್ನಾಭಿಪ್ರಾಯಗಳಿಂದಾಗಿ ತಮಿಳು ನಟ ಸೂರ್ಯ ಚಿತ್ರತಂಡದಿಂದ ಹೊರನಡೆದರು. ಅವರ ಬೆನ್ನಲ್ಲೇ ದುಲ್ಕರ್ ಮತ್ತು ನಜ್ರಿಯಾ ಕೂಡ ಕೈಬಿಟ್ಟರು. ಅದಾದ ಬಳಿಕ ಮುಂದೇನು ಕಥೆ ಎಂದು ಚಿಂತಿಸಿದ ನಿರ್ದೇಶಕಿ, ನಟ ಶಿವಕಾರ್ತಿಕೇಯನ್, ಜಯಂ ರವಿ ಮತ್ತು ಶ್ರೀಲೀಲಾರನ್ನು ಅವರ ಸ್ಥಾನಕ್ಕೆ ಕರೆತಂದು, ಚಿತ್ರವನ್ನು ಪೂರ್ಣಗೊಳಿಸಿದರು.