ಅನುರಾಗ್ ಕಶ್ಯಪ್ ಮಾನಸಿಕ ಅಸ್ವಸ್ಥ: 'ದಿ ಕೇರಳ ಸ್ಟೋರಿ 2' ನಿರ್ದೇಶಕನ ಖಡಕ್ ತಿರುಗೇಟು! The Kerala Story 2

ಕೇರಳ: ದಿ ಕೇರಳ ಸ್ಟೋರಿ 2 (The Kerala Story 2 ) ಸಿನಿಮಾವು ಬಿಡುಗಡೆಗೂ ಮುನ್ನವೇ ಭಾರಿ ಟೀಕೆ ಹಾಗೂ ವಿವಾದಗಳಿಗೆ ಒಳಗಾಗುತ್ತಿದ್ದು, ಬಾಲಿವುಡ್​ನ ಖ್ಯಾತ ನಿರ್ದೇಶಕ ಅನುರಾಗ್​ ಕಶ್ಯಪ್​ ಈ ಸಿನಿಮಾವನ್ನು ಪ್ರೋಪಗಾಂಡಾ ಎಂದು ಕರೆದಿದ್ದರು. ಈಗ ಈ ಹೇಳಿಕೆಗೆ ದಿ ಕೇರಳ ಸ್ಟೋರಿ ನಿರ್ದೇಶಕ ಕಾಮಾಕ್ಯ ನಾರಾಯಣ್ ಸಿಂಗ್ ತಿರುಗೇಟು ನೀಡಿದ್ದಾರೆ.

ನಿರ್ದೇಶಕ ಅನುರಾಗ್​ ಕಶ್ಯಪ್​ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿರುವ ಕಾಮಾಕ್ಯ ನಾರಾಯಣ್ ಸಿಂಗ್, ಅನುರಾಗ್​ ಕಶ್ಯಪ್​ ಒಬ್ಬ ಮಾನಸಿಕ ಅಸ್ವಸ್ಥ, ಅವನ ಮಾತನ್ನು ಯಾರು ಗಂಭೀರವಾಗಿ ಸ್ವೀಕರಿಸುವುದಿಲ್ಲ. ಅವನು ಸಾಲು-ಸಾಲು ಪ್ಲಾಫ್​ ಸಿನಿಮಾಗಳ ಹೊರತಾಗಿ ಏನು ಸಾಧನೆ ಮಾಡಿದ್ದಾನೆ ಎಂದು ತಿವಿದ್ದಿದ್ದಾರೆ.

ಕಶ್ಯಪ್​ ವಿರುದ್ಧ ವಾಗ್ದಾಳಿ ಮುಂದುವರೆಸಿದ ಸಿಂಗ್​, ಅನುರಾಗ್​ಗೆ ಬ್ರಾಹ್ಮಣರ ಮೇಲೆ, ಚಿತ್ರರಂಗದ ಮೇಲೆ ಅಷ್ಟೇ ಆಕೆ ಅವನಿಗೆ ಪ್ರತಿಯೊಂದರ ಮೇಲೂ ದ್ವೇಷಯಿದೆ. ಅವನಿಗೆ ಅವನ ಅನಿಸಿಕೆ ಬಿಟ್ಟು ಬೇರೆಯವರ ಅಭಿಪ್ರಾಯವನ್ನು ಗೌರವಿಸುವ ಕನಿಷ್ಟ ಸೌಜನ್ಯವಿಲ್ಲ ಎಂದು ಆಕ್ರೋಶ ಹೊರಹಾಕಿದ್ದಾರೆ.

ದಿ ಕೇರಳ ಸ್ಟೋರಿ 2 ಬಗ್ಗೆ ಪಾಪಾರಾಜಿಗಳು ನಿರ್ದೇಶಕ ಅನುರಾಗ್​ ಕಶ್ಯಪ್​ ಬಳಿ ಅನಿಸಿಕೆ ಕೇಳಿದಾಗ, ಸಮಾಜವನ್ನು ಇಬ್ಭಾಗ ಮಾಡಲು ಮತ್ತು ಹಣ ಗಳಿಸುವ ಸಲುವಾಗಿ ಇಂತಹ ಸಿನಿಮಾಗಳನ್ನು ಮಾಡಿದ್ದಾರೆ. ಚಿತ್ರದ ಟ್ರೇಲರ್‌ನಲ್ಲಿ ಮುಸ್ಲಿಂ ಕುಟುಂಬವು ಹಿಂದೂ ಹುಡುಗಿಗೆ ಬಲವಂತವಾಗಿ ಗೋಮಾಂಸ ತಿನ್ನಿಸುವುದನ್ನು ತೋರಿಸಲಾಗಿದೆ. ನಿಜ ಜೀವನದಲ್ಲಿ ಯಾರೂ ಹಾಗೆ ಮಾಡೋದಿಲ್ಲ. ಗೋಮಾಂಸ ಬಿಡಿ, ಕನಿಷ್ಠ ಕಿಚಡಿ ತಿನ್ನಲು ಸಹ ಒತ್ತಾಯಿಸುವುದಿಲ್ಲ ಇದೊಂದು ಪ್ರೋಪಗಾಂಡಾ ಸಿನಿಮಾ ಎಂದು ಹೇಳಿದರು.