'ನಾನು ಈಗ ಒಂಟಿ...': ಮೂರನೇ ಪತಿಗೂ ವಿಚ್ಛೇದನ ನೀಡಿದ ನಟಿ ಮೀರಾ ವಾಸುದೇವನ್...Meera Vasudevan

ನವದೆಹಲಿ: ( Meera Vasudevan) ಮಲಯಾಳಂ ನಟಿ ಮೀರಾ ವಾಸುದೇವನ್ ಮದುವೆಯಾಗಿ ಒಂದು ವರ್ಷಗಳ ನಂತರ ಪತಿ ವಿಪಿನ್ ಪುತಿಯಂಕಂ ಅವರಿಂದ ಬೇರ್ಪಟ್ಟಿದ್ದಾರೆ. ಈ ಮೂಲಕವಾಗಿ ನಟಿಯ ಮೂರನೇ ಮದುವೆ ಕೂಡ ಮುರಿದು ಬಿದ್ದಿದೆ ಎನ್ನಲಾಗಿದೆ.

ನಟಿ ಮೀರಾ ವಾಸುದೇವ್ ತಾನು ವಿಚ್ಛೇದನ ಪಡೆದಿರುವುದಾಗಿ ಇನ್​ಸ್ಟಾಗ್ರಾಮ್​​ನಲ್ಲಿ ಪೋಸ್ಟ್ ಹಂಚಿಕೊಂಡಿದ್ದು, ಧಾರಾವಾಹಿಗಳು ಮತ್ತು ಸಾಕ್ಷ್ಯಚಿತ್ರಗಳ ನಿರ್ದೇಶಕ ವಿಪಿನ್ ಪುತಿಯಂಕ ಅವರೊಂದಿಗೆ ಸಂಬಂಧ ಮುರಿದುಬಿದ್ದಿರುವುದಾಗಿ ತಿಳಿಸಿದ್ದಾರೆ.

"ನಾನು, ನಟಿ ಮೀರಾ ವಾಸುದೇವನ್, ಅಕಾ @officialmeeravasudevan, ಆಗಸ್ಟ್ 2025 ರಿಂದ ನಾನು ಈಗ ಒಂಟಿಯಾಗಿದ್ದೇನೆ ಎಂದು ಅಧಿಕೃತವಾಗಿ ಘೋಷಿಸುತ್ತೇನೆ. ನಾನು ನನ್ನ ಜೀವನದ ಅತ್ಯಂತ ಅದ್ಭುತ ಮತ್ತು ಶಾಂತಿಯುತ ಹಂತದಲ್ಲಿದ್ದೇನೆ..." ಎಂದು ನಟಿ ಇನ್​ಸ್ಟಾಗ್ರಾಮ್​​ನಲ್ಲಿ ಬರೆದಿದ್ದಾರೆ.

ಮೀರಾ ವಾಸುದೇವನ್ ಅವರ ಮೂರನೇ ವಿಚ್ಛೇದನ ಇದು. ಅವರ ಮೊದಲ ವಿವಾಹ 2005 ರಲ್ಲಿ ವಿಶಾಲ್ ಅಗರ್ವಾಲ್ ಅವರೊಂದಿಗೆ ಆಗಿತ್ತು, ಮತ್ತು ದಂಪತಿ 2010 ರಲ್ಲಿ ಬೇರ್ಪಟ್ಟರು. ನಂತರ ಅವರು 2012ರಲ್ಲಿ ನಟ ಮತ್ತು ಮಾಡೆಲ್ ಜಾನ್ ಕೊಕ್ಕೆನ್ ಅವರನ್ನು ವಿವಾಹವಾದರು. ಅವರಿಗೆ ಅರಿಹಾ ಎಂಬ ಮಗನಿದ್ದಾನೆ. ಮೀರಾ ಮತ್ತು ಜಾನ್ ಕೊಕ್ಕೆನ್ 2016 ರಲ್ಲಿ ವಿಚ್ಛೇದನ ಪಡೆದರು.

ಚಲನಚಿತ್ರ ಮತ್ತು ಟಿವಿ ಛಾಯಾಗ್ರಾಹಕರಾಗಿರುವ ವಿಪಿನ್, ಮೂಲತಃ ಪಾಲಕ್ಕಾಡ್ ಮೂಲದವರು. ಈ ಜೋಡಿ ಕಳೆದ ವರ್ಷ ಮೇ ತಿಂಗಳಲ್ಲಿ ವಿವಾಹವಾದರು. ಇದು ನಟಿಯ ಮೂರನೇ ಮದುವೆ. ಈ ಸಂಬಂಧದಿಂದ ಕೂಡಾ ದೂರವಾಗಿರುವುದಾಗಿ ತಿಳಿಸಿದ್ದಾರೆ.

ಬ್ಲೆಸ್ಸಿ ನಿರ್ದೇಶನದ 'ತನ್ಮಾತ್ರ' ಚಿತ್ರದಲ್ಲಿ ಮೋಹನ್ ಲಾಲ್ ಅವರ ನಾಯಕಿಯಾಗಿ ಮಲಯಾಳಂ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. ನಂತರ, ಅವರು ಹಲವಾರು ಚಿತ್ರಗಳಲ್ಲಿ ನಟಿಸಿದರು. ನಂತರ, ಅವರು ಮಿನಿಸ್ಕ್ರೀನ್ ಮೂಲಕವೂ ನಟನೆಯಲ್ಲಿ ಸಕ್ರಿಯರಾದರು.